შეიქმნა მენინგიტისა და პოლიომიელიტის პათოგენების საწინააღმდეგო სამკურნალო „კოქტეილი“

ნორვეგიის მეცნიერებისა და ტექნოლოგიების უნივერსიტეტის მეცნიერთა ჯგუფმა სხვა ქვეყნების კოლეგებთან ერთად შეიმუშავა წამლების კომბინაცია, რომელიც ეფექტურად ბლოკავს ენტეროვირუსებს - პათოგენებს, რომლებიც იწვევენ დაავადებებს გაციებიდან დიაბეტამდე. კვლევა გამოქვეყნდა სამეცნიერო ჟურნალში Cellular and Molecular Life Sciences (CMLS).
ენტეროვირუსები ყოველწლიურად აინფიცირებს მილიონობით ადამიანს მთელს მსოფლიოში, რაც იწვევს ისეთ დაავადებებს, როგორიცაა პოლიომიელიტი, მენინგიტი, და მძიმე რესპირატორული დაავადებები.
აქამდე არ არსებობდა უნივერსალური მკურნალობა ამ ჯგუფის 100+ ვირუსის წინააღმდეგ. მიუხედავად იმისა, რომ პაციენტების უმეტესობა თავისთავად გამოჯანმრთელდება, ინფექცია შეიძლება განსაკუთრებით მძიმე იყოს ბავშვებში.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მკვლევარებმა გამოსცადეს 12 სხვადასხვა წამალი და წამლების კომბინაცია და აღმოაჩინეს ორი ეფექტური ვარიანტი. პლეკონარილი + AG7404 + მინდეუდესივირი შეიძლება მიღებულ იქნას ერთი ტაბლეტის სახით, ხოლო პლეკონარილი + რუპინტრივირი + რემდესივირი ცალკე უნდა იქნას მიღებული. ტესტებმა აჩვენა, რომ კომბინაციები არ მოქმედებს გლუკოზისა და ინსულინის დონეზე (მნიშვნელოვანია დიაბეტით დაავადებულთათვის), არ ცვლის გულის რიტმს და გაიარა უსაფრთხოების ტესტები (კომპონენტები დამტკიცებულია ადამიანებისთვის).
მიუხედავად იმისა, რომ უჯრედებზე ლაბორატორიული ტესტები წარმატებული იყო, მეცნიერებმა უნდა გამოსცადონ მისი ეფექტურობა ვირუსების სხვადასხვა შტამების წინააღმდეგ და ჩაატარონ კლინიკური კვლევები ადამიანებზე.
XXI საუკუნის მედიცინის 10 ძირითადი აღმოჩენა
ახალი საუკუნის 25 წელი გავიდა და ეს საკმარისი დროა იმისათვის რომ გადავხედიოთ მეცნიერების მირწევებს.
- პოლიომიელიტის სამიდან ორი ტიპი სრულად აღმოფხვრილია. მეორე ტიპის პოლივირუსთან ერთად, რომელიც ოფიციალურად განადგურებულად 2015 წელს აღიარეს, 3 ტიპის ვირუსმა არსებობა შეწყვიტა 2019 წლის 24 ოქტომბერს. დასნებოვნების უკანასკნელი შემთხვევა დაფიქსირდა 2012 წელს ნიგერიაში. ეს ყველაფერი 1950-იანი წლებიდან დაწყებული ფართომასშტაბიანი ვაქცინაციის შედეგია.
- ხელოვნურმა ინტელექტიმა ისწავლა ცილების სტრუქტურის განსაზღვრა: ამინომჟავების თანმიმდევრობის განსაზღვრა, როგორი იქნება ნებისმიერი ცილის სამგანზმილებიანი სტრუქტურა, რომელიც ადამიანის ორგანიზმში ასობით ათასია. ეს მოვლენა არა მარტო ბილოგიაშია გადატრიალება, არამედ მრავალი დაავადების საწინააღმდეგო წამლის შემუშავების საშუალებას იძლევა.
- მალიარია დამარცხდება სრულად 2050 წლისთვის. შემოთავაზებული ღონისძიებებიდან ერთერთია კოღოების დნმ-ის ცვლილება, რომელიც გამოიწვევს მათ უნაყოფობას ან გახდის მათ მდგრადს მალარიის პლაზმოდიუმების მიმართ
- გენომის რედაქტირების CRISPR/Cas9- ტექნოლოგია, რომელიც მის სამკურნალო მიზნებით ადაპტაციის საშუალებას იძლევა.
- ანტისხეულების შექმნა ვირუსული დაავადებებისათვის. მონოკლონური ანტისხეულების ლაბორატორიაში შექმნამ აუტოიმუნური დაავადებებისა და ზოგიერთი სახეობის კიბოს მკურნალობაში რევოლუცია მოახდინა, თუმცა მათი ინფექციების სამკურნალოდ გამოყენება აქამდე შეზღუდული იყო.
- უკან იხევს აივ-ი და შიდსი. თანამედროვე APB-თერაპიის ეფექტურობა უკვე დამტკიცებულია, ხოლო უკანასკნელ წლებში რამდენიმე პაციენტი სხვადასხვა ქვეყნიდან უკვე განთავისუფლდა ამ დიაგნოზისგან.
- კორონავირუსის საწინააღმდეგო პირველი ვაქცინები რეკორდულად მოკლე დროში. სამეცნიერო საზოგადოების აქტიური მუშაობის შედეგად შესაძლებელი გახდა ეფექტური ვაქცინის სწრაფად შექმნა.
- კიბოს სისხლის ანალიზით გამოვლენა გახდა შესაძლებელი. 2020 წელს დიდ ბრიტანეთში სტარტი აიღო სისხლის უნივერსალური ანალიზის კვლევამ, რომელიც 50 ტიპის ონკოდაავადების ადრეულ სტადიაზე გამოვლენის საშუალებას იძლევა. შესაძლოა, მალე კიბოზე სისხლის ანალიზი მასობრივი გახდეს.
- C ჰეპატიტი სრულად განკურნებადი გახდა. ბოლო რამდენიმე წლის განმალობაში „ალერსიანი მკვლელის“ სამკურნალო პრეპარატების ეფექტურობა 100%-ს მიუახლოვდა.
- დაიწყეს ალცჰაიმერის დაავადების პროგნოზირება. ალცჰაიმერის დაავადებაზე სისხლის ანალიზი 2020 წლის მედიცინის კიდევ ერთი პატარა რევოლუციაა. მეცნიერებმა შეძლეს სისხლის პლაზმაში გამოევლინათ შესაბამისი ბიომარკერი ალცჰაიმერის დაავადების პირველი სიმპტომების გამოჩენამდე დაახლოებით 4 წლით ადრე. შესაბამისად სისხლის მსგავსი ანალიზი შეიძლება ჩართული იქნას ყოველწლიური კვლევების პროგრამაში.