ძალიან გთხოვთ მალე მიპასუხოთ, ათი დღის წინ ვიმშობი... | რჩევები - მკურნალი.გე

რუბრიკები

ოჯახის მკურნალის ანონსი

ნოემბერი 2019

კითხვა-პასუხი

0
უფასო კითხვა
0
ფასიანი კითხვა
კითხვა-პასუხი - რჩევები

კატეგორია - რჩევები

11-08-2012

-ძალიან გთხოვთ მალე მიპასუხოთ, ათი დღის წინ ვიმშობიარე, ძუძუს თავები დამისკდა და პირველ დღეებში ძალიან მტკივნეული იყო, ნელ ნელა შემსუბუქდა მაგრამ გუშინ ამიწია სიცხემ ნელ ნელა და ახლა 39 და 2 ხაზი მაქვს .შეძლებისდაგვარად გამოვიწველე მკერდიდან რძე,მაგრამ მაინც მაქვს სიცხე იქნებ მირჩიოთ რა ვქნა და რა ანტიბიოტიკი შეიძლება მივიღო რომ ბავშვს არ ავნოს,,,დიდი მადლობა წინასწარ

პასუხი
-ძუძუს თავების დახეთქვის მიზეზი ძუძუზე არასწორი მოჭიდებაა. ამიტომ სანამ ეს შეცდომა არ გასწორდება, ტკივილი და სისხლდენა გაგრძელდება, ნახეთქებისთვის შეგიძლიათ გამოიყენოთ თურმანიძის მალამო. და გაითვალისწინეთ: გთავაზობათ ამონარიდს თინათინ ქორიძის სტატიიდან“ როგორ ვაწოვოთ ძუძუ
თუ დედას მკერდი სტკივა როცა ახალშობილი ძუძუს სწორად წოვს, დედას დისკომფორტის შეგრძნება არ უჩნდება და რძეც საკმარისი რაოდენობით გამოიყოფა. ტკივილი მხოლოდ პირველ წამებში შეიგრძნობა - მაშინ, როცა ჩვილი ძუძუსთავს პირში იდებს. თვით წოვის პროცესი კი მტკივნეული არ არის. თუ ბავშვის კვებისას ტკივილს გრძნობთ, ეს იმას ნიშნავს, რომ თქვენი პაწია ძუძუს არასწორად წოვს. მოთმენას არ გირჩევთ, რადგან ასეთ დროს დვრილებზე ნახეთქები ჩნდება და მკერდის სტიმულაციაც (რძის წარმოქმნის თვალსაზრისით) არასრულფასოვანია. როგორ ვაწოვოთ:
• წამოწექით ან დაჯექით მოხერხებულად;
• ბავშვი მთელი სხეულით მკერდისკენ მიიბრუნეთ;
• წოვის დროს პაწია მხრებით დაიკავეთ და არა თავით;
• ჩვილმა პირი რომ გააღოს, საკმარისია, ძუძუსთავი მის ზედა ტუჩს შეახოთ;
• ბავშვის კვებისას ნუ მოიჭყლეტთ დვრილს თითებით;
• ძუძუსთავი ბავშვის სასისკენ მიმართეთ და არა ენისკენ;
• წოვის დროს ბავშვის ნიკაპი დედის მკერდს უნდა ეკვროდეს;
• წოვის პროცესს უნდა ხედავდეთ და გესმოდეთ ყლაპვის ხმა.
თუ წოვისას მკერდში ტკივილი იგრძენით:
• შეუცვალეთ ბავშვს მდებარეობა;
• ძუძუ გამოუღეთ და პირის კუთხეში თითი ნაზად ჩაუყავით. პაწია ყბებს გახსნის.
• ამის შემდეგ ძუძუ ისევ ჩაუდეთ, თანაც რაც შეიძლება ღრმად.
არის შემთხვევები, როცა სამშობიაროში დედა და ახალშობილი ცალკე პალატაში არიან. ამის გამო ბავშვს 6-7-ჯერადი კვების რეჟიმი უყალიბდება. შინ მიყვანისთანავე ეცადეთ, შეუცვალოთ იგი, რადგან სტაბილური ლაქტაციისთვის (რძის გამომუშავებისთვის) მკერდის საკმარისი სტიმულაციაა საჭირო, ეს კი არ მოხდება, თუ ძუძუს დღეში 12 ჯერზე ნაკლებად აწოვებთ. კვების 6-7-ჯერადი რეჟიმი იქამდე მიგიყვანთ, რომ რძის წარმოქმნა პირველსავე თვეებში შეფერხდება. დამატებითი საკვების მიღება კი ბავშვს კვების პრობლემას კი გადაუჭრის, მაგრამ დედას რძე შეუმცირდება და საბოლოოდ ხელოვნურ კვებაზე გადაყვანა დაგჭირდებათ, ეს კი ფინანსურადაც არახელსაყრელია. ასე რომ, არჩევანი თავად გააკეთეთ - პირველ ხანებში 12-ჯერადი კვება დედის მხრივ სერიოზულ ძალისხმევასა და ნებისყოფას მოითხოვს, სამაგიეროდ თქვენი პაწია უზრუნველყოფილი იქნება ყველაზე უსაფრთხო, სასარგებლო საკვებით და დაცული იქნება ასე მომრავლებული ვირუსების თავდასხმისაგან.
რაც შეეხება მაღალ ტემპერატურას ,თუ ტემპერატურის მომატებასთან ერთად აგეღნიშნებათ სარძევე ჯირკვლის გამკვრივება, კანის შეწითლება და მგრძნობელობის მომატება, მჭრელი ტკივილი, მაშინ სავარაუდოდ ეს მდგომარეობა მასტიტიტთ (სარძევე ჯირკვლის ანთებით) არის გამოწვეული. ანთებითი პროცესის პროგრესირების შემთხვევაში ჯირკვალი იზრდება, კანი დაჭიმულია და ცხელი. მასტიტი ადრეულ სტადიაშივე ენერგიულ მკურნალობას მოითხოვს, რათა თავიდან იქნეს აცილებული ჯირკვლის ქსოვილის ჩირქოვანი გალღობა. აუცილებელია მოსვენება, ძუძუს შემაღლებულ მდგომარეობაში შეკავება, მთლიანად დაცლა, ხშირი წოვება (ბავშვი კვების დროს სწორად უნდა იყოს მოჭიდებული ძუძუს), საჭიროებისამებრ, გამოწველა. ზოგჯერ ინიშნება ანტიბიოტიკოთერაპია და ნოვოკაინით ბლოკადა. ტკივილისა და შეშუპების შესამცირებლად ქალს მტკივან ჯირკვალზე თბილი სათბურის დადებას ურჩევენ. ბავშვის ძუძუთი კვება შეიძლება გაგრძელდეს ჯირკვლის პერიფერიაზე უმნიშვნელო ინფილტრატის არსებობის შემთხვევაშიც.
მასტიტის პროფილაქტიკა გულისხმობს ძუძუზე ბავშვის სწორ მოჭიდებას და მოთხოვნისამებრ (და არა რეჟიმის მიხედვით) კვებას. თუ ბავშვი ჯანმრთელია და აქტიურად წოვს, რძის გამოწველა საჭირო არ არის - შესაძლოა, ამან რძის ჭარბი გამომუშავება გამოიწვიოს და მის შეგუბებას შეუწყოს ხელი. აუცილებელია, ბავშვის კვების წინ დედამ ხელები და მკერდი ანადუღარი წყლით დაიბანოს.
მკურნალობას საიტიდან ვერ დავნიშნავთ და დაუყოვნებლივ მიმართეთ ექიმს.
გინეკოლოგთან კონსულტაციაზე ჩაწერისთვის დაგვიკავშირდით 577 12 04 66
კომენტარები
დაამატეთ კომენტარი
მსგავსი კითხვები
დიეტოლოგია
გრაცას უნივერსიტეტის (ავსტრია) მეცნიერებმა ჩაატარეს ხანგრძლივი ექსპერიმენტი, რომლითაც დაადგინეს, რომ პერიოდულად შიმშილობა
კუჭის ტკივილს უამრავი მიზეზი აქვს. ზოგჯერ ეს სიმპტომი მეტად სერიოზული დაავადების მანიშნებელია:
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
ნიუ-იორკის ბევრმა მცხოვრებმა დაიწყო მწნილის წვენის შეძენა. ერთი ქილა მწნილის წვენის ფასი 3-დან 45 დოლარამდეა.
ხველა ოჯახის ექიმთან მიმართვის ერთ-ერთი ყველაზე ხშირი მიზეზია როგორც მოზრდილებში, ასევე ბავშვებში.
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად