- იქნებ 1-2 სიტყვით ამიხსნათ თუ როგორ ხდება ინსემინაცია. მაინტერესებს რა მომზადება სჭირდება ქალს რო გაკეთდეს ორსულობა? ინსემინაცია შესაძლებელია თუ არა იმ დროს როცა მილები გაუმტარია? იქნებ მოკლედ მომწეროთ რა. და კიდევ ერთი, თუ სპერმის მონაცემები ნორმალურია და შესაძლებელია ბუნებრივად მოხდეს განაყოფიერება, ამ შემთხვევაში შეილება თუ არა მაინც გაკეთდეს ინსემინაცია? ლაპარასკოპიას რა უჯუჩვენებები აქვს იქნებ ესეც მითხრათ. მადლობთ

- ინსემინაცია უშვილობის მკურნალობის ერთერთი წარმატებული მეთოდია, რომელიც  გამოიყენება სხვადასხვა ტიპის რეპროდუქციული დარღვევების დროს და რომლის გამოსავალი არის 20-30% მდე დადებითი. პროცედურა არის აბსოლუტურად უმტკივნეულო.  

ამ პროცედურის დაწყებამდე, მეუღლეები უნდა გამოკვლეულები იყვნენ ისეთ სერიოზულ დაავდებებზე, რომლებიც შეიძლება აისახოს მომავალი ბავშვის ჯანმრთელობაზე. ესენია: ჰეპატიტი B, C, შიდსის ვირუსი.
პრიცედურა შედგება რამოდენიმე ეტაპისაგან:

ოვულაციის სტიმულირება - საკვრეცხეების სტიმულაცია საშალებას იძლევა სწორად  განვითარდეს კვერცხუჯრედი და მოხდეს ოვულაციისა და ინსემინაციის სინქროიზირება.
ქალი მზადდება ოვულაციის პროცესისთვის, ტარდება მკურნალობა რომელიც იწყება მენსტრუაციის მეორე, მესამე დღიდან, ტარდება ულტრაბგერითი მონიტორინგი, რითაც განისაზღვრება ინსემინაციისთვის სასურველი დრო. განსაზღვრულ დღეს დაიგეგმება პროცედურა. საშვილოსნოს ღრუში სპეციალური კათეტერით შეყვანილი იქნება სათანადოდ დამუშავებული სპერმა. ამ მეთოდის გამოყენებით სპერმას გზას ვუკვეცავთ და შევყავს საშვილოსნოს ღრუში (დანიშნუელების ადგილამდე). სპერმის დამუშავება ხდება საუკეთესო ხარისხის ე.წ. მედიუმებით, რაც წარმოადგენს გარანტიას სპერმის ხარისხის მაქსიმალურად შენარჩუნებისა.
როდესაც მილები გაუმტარია, მაშინ ინსემინაციას აზრი არა აქვს მისი განვლადობის აღდგენამდე (თუ ეს შესაძლებელია).

თუ სპერმის მონაცემები ნორმალურია  და განაყოფიერება შესაძლებელია მოხდეს ფიზიოლოგიურად  რა აუცილებელია ინსემინაცია?
ლაპარასკოპიის აბსოლუტური უკუჩვენებებია ე.წ. ტერმინალური მდგომარეობები (აგონია, პრეაგონია, კლინიკური სიკვდილი, კომა), გულ-სისხლძარრვთა სისტემის მძიმე დარღვევები, სეფსისი ან ჩირქოვანი პერიტონიტი.
შედარებითი უკუჩვენებებია:
•    სიმსუქნის უკიდურესი ხარისხი
•    სისხლის შედედების დარღვევები
•    ორსულობის ბოლო ვადები
•    ზოგადი ინფექციური დაავადებები
•    ახლო წარსულში გადატანილი ღრუს ოპერაციები