-ბოლოს ქალთან სექსუალური კონტაკტი მქონდა 40 დღის წინ. შემაწუხა იმის შიშმა რომ შიდსი არ გადმომდებოდა რადგან პარტნიორის პირადი ცხოვრება არ ვიცოდი. მივაკითხე შიდსის ცენტრს და პასუხმა უარყოფითი აჩვენა დღეს. ეს დრო საკმარისია თუ არა გამოვლენილიყო აღნიშნული ვირუსი? შემიძლია მშვიდად ვიყო?

- არსებობს შიდსის დიაგნოსტიკისთვის მოწოდებული რამდენიმე სახის ანალიზი. ისინი პირობითად შეიძლება ორ ჯგუფად დავყოთ.
ერთია შიდსის ანტისხეულების კვლევა;
მეორე - უშუალოდ ვირუსის გენეტიკური მასალის აღმოჩენა სისხლში.
ანტისხეულების აღმოჩენა სისხლში შესაძლებელია ინფიცირებიდან სულ ცოტა 8-12 კვირის შემდეგ (იშვიათ შემთხვევებში ეს პერიოდი 6 თვეა), გენეტიკური მასალის აღმოჩენა კი, რაც პოლიმერიზაციის ჯაჭვური რეაქციით - PCR (პი-სი-არ) კვლევით - ხორციელდება, ინფიცირებიდან დაახლოებით ერთ კვირაშია შესაძლებელი. უნდა ითქვას, რომ მთელ მსოფლიოში შიდსის სადიაგნოზო კვლევად მიღებულია ანტისხეულების გამოკვლევა, ხოლო გენეტიკური მასალის კვლევა უმთავრესად მკურნალობის მეთვალყურეობისთვის გამოიყენება.