ვარ 18 წლის. დაახლოებით 1 თვის წინ ვიგრძენი ერექც... | უროლოგია - მკურნალი.გე

რუბრიკები

ოჯახის მკურნალის ანონსი

აპრილი 2021

კითხვა-პასუხი

0
უფასო კითხვა
0
ფასიანი კითხვა
კითხვა-პასუხი - უროლოგია

კატეგორია - უროლოგია

12-05-2011

- ვარ 18 წლის. დაახლოებით 1 თვის წინ ვიგრძენი ერექციის დროს ასოს ტკივილი. თავიდან ყურადღება არ მივაქციე, მაგრამ ტკივილი სულ უფრო და უფრო გაძლიერდა. შემდეგ აღმოვაჩინე, რომ ასომ დეფორმაცია განიცადა და მოიხარა. ყოველ დილით მაღვიძებს ტკივილი და გრძელდება მანამდე, სანამ ერექცია არ გაივლის. თქვენი საიტით გავიგე, რომ ეს არის პეირონის დაავადება. მაინტერესებს, როგორ შეიძლება ვიმკურნალო და რა მედიკამენტებია საჭირო? დიდი მადლობა.    

პასუხი

- კიდევ ერთ დაავადებაზე მინდა, გავამახვილო მკითხველის ყურადღება, ეს სასქესო ასოს ფიბროპლასტიკური ინდურაცია, ანუ პეირონის  დაავადება, - როგორც მას ექიმები და პაციენტები უწოდებენ, - გახლავთ. ის 1743 წელს აღმოაჩინა ფრანგმა ექიმმა - მეფე ლუდოვიკო მეთხუთმეტეს პირადმა ქირურგმა მის უავგუსტუეს პაციენტში. ეს დაავადება ახალგაზრდა და საშუალო ასაკის მამაკაცებს ემუქრებათ. დაავადება ტკივილით იჩენს თავს, რაც მამაკაცს აიძულებს გულდასმით სეისწავლოს საკუთარი სასქესო ორგანო. სწორედ მაშინ აღმოაჩენს ის საოში მკვრივ, მკვეთრად შემოხაზული კონტურების მქონე გამკვრივება-კვანძს, ბალთას. პეირონის დაავადება ონკოლოგიურ დაავადებათა რიცხვს არ მიეკუთვნება, შარდვის პრობლემაც არ არსებობს. მაგრამ ამ დაავადებას ძალუძს საკმაოდ დიდი ხნის მანძილზე დიდი დაღი დააჩინოს სქესობრივ ცხოვრებას. დაავადების დაწყებიდან რამდენიმე თვის შემდეგ სასქესო ასო ერექციისას დეფორმირდება, მრუდდება. გამრუდების კუთხემ 90 გრადუსს და უფრო მეტსაც შეიძლება მიაღწიოს, სხვა სიტყვებით რომ ვთქვათ, სასქესო ასომ შეიძლება დიდი კუთხით ნებისმიერ მხარეს მოიხაროს. ჩნდება ერექციისა და სქესობრივი აქტის ნორმალურად ჩატარების პრობლემა. პეირონის დაავადების შესახებ ჯერ ერთიანი აზრი არ არსებობს. სასქესო ასოს შიგნით ორი ცილინდრია, რომელთაც კავერნოზულ სხეულებს უწოდებენ. ერექციის დროს ეს კამერები ივსება სისხლით. ისინი უსაზღვროდ არ ფარდოვდებიან, ამაში გარშემომყოფი თეთრი გარსი უშლით ხელს. პეირონის დაავადების დროს სწორედ ამ გარსის დაზიანება (გაგლეჯა) ხდება, ბუნება კი დაზიანებული ადგილის გარემონტების დროს მასზე იმდენად სქელ არაელასტიურ `ნაკერს~ ადებს, რომ პაციენტის მდგომარეობა სავალალოდ იცვლება. პეირონის დაავადება თავისთავად არასდროს იკურნება. მისი მკურნალობა მხოლოდ გამოცდილ უროლოგს ძალუძს. მედიკამენტური თერაპია, დასხივებები, სტეროიდების თუ ვიტამინი ე-ს (დიდი ლათინური ასოთი) ინიექციები დაავადების დასაწყისში შეიძლება იყოს ეფექტური, ისიც არცთუ ისე ეფექტური. ბოლო დროს დიდი წარმატებით იხმარება ულტრაბგერის დარტყმითი მეთოდი, მკურნალობის ვიბრაციული მეთოდები. ხოლო როცა ბალთაში კალციუმის მარილები ჩალაგდება, მაშინ დროის დაკარგვა მედიკამენტურ თერაპიაზე არ ღირს. საქმეში ქირურგია ერთვება. და თუ პეირონის დაავადებასთან ერთად მამაკაცი დეფორმაციის ან ტკივილის გამო ვერ ანხორციელებს სქესობრივ აქტს, მაშინ უკვე მკურნალობაში სქესობრივი ასოს პროთეზები ერთვება.

კომენტარები
01 ოქტომბერი 2018 12:48
Marcxena satesle jirkvali mak dabla daweuli xels rom vkideb mgonia tu meshleba meorestan shedarebit pataraa da tan skesobriv kavshirs walian male vamtavreb da vis mivmarto
დაამატეთ კომენტარი
მსგავსი კითხვები
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
გერმანიის რისკების შემფასებელმა ფედერალურმა ინსტიტუტმა გაანალიზა 36 ვეგანისა და 36 პირის (იღებდნენ შერეულ საკვებს) ძვლების მდგომარეობა.
ბირმინგემის უნივერსიტეტის მეცნიერები, სტრესის გადატანისას, გვირჩევენ კაკაოს დალევას
„სმარტფარმთან“ ინეტერვიუში ალერგიულ რინიტზე საუბრობს ბაია ბეზარაშვილი - ალერგოლოგ-იმუნოლოგი, მედიცინის მეცნიერებათა დოქტორი, პროფესორი.
ისრაელში მასობრივი ვაქცინაცია დეკემბრის ბოლოდან დაიწყო. ვნახოთ, რა გვაჩვენა
Los Angeles Lakers-ის ერთ-ერთი მფლობელი, ექიმი პატრიკ სუნ-შიონგი მუშაობს კორონავირუსის საწინააღმდეგო ორალურ ვაქცინაზე,
ზოგიერთი პროდუქტი, რომელზეც არის ობის სოკო, განსაკუთრებით საშიშია.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად