- ვარ 66 წლის. ორი წელია, მივიღე ინსულტი. ვმკურნალობ ექიმებთან, მაგრამ შედეგი არა მაქვს. სხეულის მარცხენა მხარეს მაქვს ტკივილები, ხან მიხურს, ხან მიბჟუის, ხანდახან ფეხი მიჩერდება. მირჩიეთ, რა წამალი მივიღო? რადგან მკურნალობა ინდივიდუალურია, გიგზავნით უფრო კონკრეტულად ქუთაისის დიაგნოსტიკურ დეპატამენტში დასმულ დიაგნოზს: თავის ტვინის მაგნიტურ-რეზონანსული კვლევა, თავის ტვინის მრ. კვლევა საგიტალური, კორონალური და აქსიალური ჭრილებით თ1ტსე, თ2ტსე, ფლაირ, DჭI, GღE* რეჟიმების გამოყენებით. მიღებულ ტომოგრამებზე მარჯვნივ თალამუსში ისახება მცირე ზომის ენცეფალომალაციის უბანი, ირგვლივ გამოხატული გლიოზით. მარჯვნივ შუბლის წილში სემიოვალური ცენტრების დონეზე ისახება მცირე ზომის იშემიური ლეიკოენცეფალოპათიის კერები (ქრონიკული). გვერდითი პარკუჭები სიმეტრიულია, დილატაციის გარეშე. მე-3 და მე-4 პარკუჭები შუა ხაზზეა. მე-3 პარკუჭი მცირედ დილატირებულია. ბაზალური ცისტერნები დეფორმაციის გარეშე. კონვექსიტალური სუბარაქნოიდალური სივრცეები ორმხრივ შუბლ-თხემის არეში გაფართოებულია, გამოხატულია კორტიკალური ატროფიული ცვლილებები. ზომიერი ატროფიული ცვლილებები ვლინდება აგრეთვე ნათხემის ჰემისფეროებში. შუამდებარე სტრუქტურების ლატერალური ცდომა არ აღინიშნება. თურქული კეხი ისახება სწორი, მკაფიო კონტურებით, ჰიპოფიზის ქსოვილი განლეულია, ისახება თურქული კეხის ფსკერზე. ძაბრი შუა ხაზზეა, დაგრძელებულია. სუპრასელარული ცისტერნა მცირედ პროლაბირებს თურქულ კეხში. ორბიტები, ოპტიკური ქიაზმა და რეტრობულბური სივრცეები ხილული პათოლოგიის გარეშე. პარანაზალური წიაღები პნევმატიზირებულია. ორივე ჰაიმორის და მარჯვნივ სფენოიდალურ წიაღებში ლორწოვანი გარსები მცირედ გასქელებულია. დასკვნა: არსებული მრ. კვლევით ვლინდება ენცეფალომალაციის კერა მარჯვნივ თალამუსში. იშემიური ლეიკოენცეფალოპათიის კერები მარჯვნივ შუბლის წილში სემიოვალური ცენტრების დონეზე, კორტიკალური ატროფიები. წინასწარ გიხდით მადლობას.