ბიო ეპილაციის შემდეგ თმა რამდენ ხანში ამოდის(ვიცი ... | კოსმეტოლოგია - მკურნალი.გე

რუბრიკები

ოჯახის მკურნალის ანონსი

მაისი 2021
0
უფასო კითხვა
0
ფასიანი კითხვა
კითხვა-პასუხი - კოსმეტოლოგია

კატეგორია - კოსმეტოლოგია

13-06-2013

-ბიო ეპილაციის შემდეგ თმა რამდენ ხანში ამოდის(ვიცი ეგ ყველასთვის ინდივიდუალურია, მაგრამ მაინც არის საშუალოდ განსაზღვრული ვადა) და ეგ ვადა მითხარით.. ასევე მინდა გთხოვოთ მითხრათ ბიო ეპილაციისთვის ცვილი როგორ დავამზადო სახლის პირობებში (შაქრისგან ამზადებენო ცვილს განაგონი მაქვს მაგრამ მაგას ცხელს ვერ წაისობ და შეგრილდება თუ არა ქვავდება ეგ როგორც ვიცი.)და კიდევ თვითონ დასაკრავი ქაღალდი ეგ როგორი უნდა? აფთიაქებში იყიდება ეგ? ბიო ეპილაციის მზა ცვილები არსებობსო მითხრეს მაგრამ არ იციან აქაურ სააფთიაქო ქსელებში თუა ანუ შემიძლია საქართველოში მაგის შეძენა? და ძალიან გთხოვთ ყველა ზემოთ დასმულ შეკითხვაზე პასუხი გამეცით ზოგჯერ მარტო ერთი კითხვით შემოიფარგლებით და დანარჩენებს იგნორს უკეთებთ... მაინ წინასწარ დიდი მადლობა

პასუხი
-ბიოეპილაციისშემდგომი ეფექტი საშუალოდ ნარჩუნდება 2 კვირიდან  1,5–2– თვემდე.
თმების მოსაშორებელი ცვილის მოსამზადებლად საჭიროა: 1 ჭიქა შაქარი, 1/2 ლიმონი, 2 სუფრის კოვზი თაფლი და 1/3 ჭიქა წყალი.
აურიეთ ქვაბში შაქარი, ახლად გამოწურული 1/2 ლიმონის წვენი, თაფლი და წყალი. დადგით ცეცხლზე და თან გამუდმებით ურიეთ, მიიყვანეთ ადუღებამდე, ხარშეთ დაბალ ცეცხლზე 2-3 წუთი, შემდეგ ჩამოდგით ცეცხლიდან და გააგრილეთ ოთახის ტემპერატურამდე.
სანამ მასა გაგრილდება, დაიმუშავეთ ფეხის კანი - მიიღეთ თბილი შხაპი ან აბაზანა, მაგრამ არ გამოიყენოთ არანაირი ასაქაფებელი საშუალება, რადგან ისინი კანზე ტოვებენ ტენიან თხელ დამცავ შრეს, რომელიც ხელს შეუშლის შაქრიანი მასის მიწეპებას. უმჯობესია, გამოიყენოთ ბავშვის საპონი. ამის შემდეგ ფეხები აუცილებლად უნდა გაიმშრალოთ კარგად და დაიმუშაოთ სპირტის შემცველი რომელიმე ხსნარით. იგი კანს აშორებს ცხიმს და დეზინფიცირებას უკეთებს. მაგრამ არავითარ შემთხვევაში არ გამოიყენოთ ლოსიონი, სპირტის შემცველიც კი, რადგან მას აქვს დამატენინებელი ეფექტი. როცა სპირტი შეგაშრებათ, მიიყარეთ ფეხზე ბავშვის ტალკი და გადაანაწილეთ იგი კანზე მსუბუქი დარტყმითი მოძრაობებით. ამით დეპილაციისთვის მზადება დასრულებულია. დაიწყეთ ცვილის ფეხზე დატანა თმების ზრდის მიმართულებით. თუ თმის სიგრძე 0,6-0,7 სმ-ზე მეტია, მაშინ აუცილებელად დაიდეთ ცვლის ერთი ფენა, მისი გაშრობის შედეგ - მეორე და შემდეგ - მესამე. ცვილის ზემოთ უნდა დაიწებოთ სპეციალური სადეპილაციო ლენტი. იგი იყიდება სალონებსა და კოსმეტიკურ მაღაზიებში და ერთი შეკვრა მინიმუმ ნახევარი წელი გეყოფათ. ლენტი კარგად რომ მიეწებოს ცვილს, ხელის გული რამდენჯერმე უნდა გაატაროთ მასზე. ლენტი მოშორებული უნდა იქნას თმების ზრდის საწინააღმდეგო მიმართულებით (ანუ ქვემოდან ზემოთ) ერთი მკვეთრი მოძრაობით. ეს, რასაკვირველია, მტკივნეულია, მაგრამ ტკივილი რამდენიმე წამი გრძელდება. ტკივილს შეამცირებთ, თუ ასე მოიქცევით: მარჯვენა ხელით აძრობთ ლენტს და ამ დროს მარცხენათი კანს ქაჩავთ ქვემოთ. ბოლოს გეტყვით, რომ უკეთესია დეპილაცია ცალ-ცალკე გაიკეთოთ კანის პატარ-პატარა (10-15 სმ) უბნებზე.
ბოდი შუგარინგისთვის დაგჭირდებათ მხოლოდამხოლოდ: შაქარი, წყალი და ლიმონის წვენი.

ინგრედიენტები:
- 2 ჭიქა შაქარი
- 1/4 ლიმონის წვენი
- 1/4 ჭიქა წყალი

- ინგრედიენტები ერთმანეთში აურიეთ და ადუღეთ დაახლოებით 5 წუთი დაბალ ცეცხლზე. მასამ უნდა მიიღოს ყავისფერი შეფერილობა. ყურადღება მიაქციეთ, რომ არ მიგეწვათ. ხოლო კანის დამწვრობის თავიდან ასაცილებლად დაელოდეთ მიქსტურის ოდნავ შეგრილებას. შეგიძლიათ  თავდაპირველად ხელის გულზე მოსინჯოთ, თუკი ტემპერატურა მისაღებია თქვენთვის მაშინ მიღებული ცხელი მასა სხეულის იმ ნაწილზე  წაისვით სადაც გსურთ არასასურველი თმის მოცილება. გადაანაწილეთ ბლაგვი დანით ან ჯოხით. მოიმარაგეთ პატარა ბამბის ქსოვილი ანდა ქაღალდი და დააფინეთ საგულდაგულოდ წასმულ მასაზე. რამდენიმე წუთში დაკრული ქსოვილი "აიფხრიწეთ" თმის ზრდის საპირისპირო მიმართულებით.

- დარჩენილი მასა შეგიძლიათ მომავალშიც გამოიყენოთ, თუმცა გაითვალისწინეთ, რომ ხელმეორედ გაცხელება გამოიწვევს მასის გასქელებას.
ბიოეპილაციისთის საჭირო მზა ცვილიანი ქაღალდების შეძენა შეიძლება საქართველოში, მოიკითხეთ საფთიაქო ქსელებში ან კოსმეტიკური პროფილის მაღაზიებში.
კომენტარები
08 ნოემბერი 2016 18:34
გამარჯობაღ ვარ 20 წლის ეპილაცის მერე ყელზე გამომეყარა და ა მუწუკების ადგილებები დამრჩა დამეხმარეთ რა
დაამატეთ კომენტარი
მსგავსი კითხვები
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
გერმანიის რისკების შემფასებელმა ფედერალურმა ინსტიტუტმა გაანალიზა 36 ვეგანისა და 36 პირის (იღებდნენ შერეულ საკვებს) ძვლების მდგომარეობა.
ბირმინგემის უნივერსიტეტის მეცნიერები, სტრესის გადატანისას, გვირჩევენ კაკაოს დალევას
„სმარტფარმთან“ ინეტერვიუში ალერგიულ რინიტზე საუბრობს ბაია ბეზარაშვილი - ალერგოლოგ-იმუნოლოგი, მედიცინის მეცნიერებათა დოქტორი, პროფესორი.
ისრაელში მასობრივი ვაქცინაცია დეკემბრის ბოლოდან დაიწყო. ვნახოთ, რა გვაჩვენა
Los Angeles Lakers-ის ერთ-ერთი მფლობელი, ექიმი პატრიკ სუნ-შიონგი მუშაობს კორონავირუსის საწინააღმდეგო ორალურ ვაქცინაზე,
ზოგიერთი პროდუქტი, რომელზეც არის ობის სოკო, განსაკუთრებით საშიშია.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად