-გამარჯობათ! მაქვს ყურებში წუილი. ჩავიტარე აუდიომეტრიული და ტიმპამეტრიული გამოკვლევა. ყველაფერი ნორმალურად მაქვს. ნევროპათოლოგთან ვიყავი და ჩავიტარე მკურნალობა. ვიღებდი შემდეგ წამლებს:ვინებრალი,რეიტოილი,ვესელ დუე F,რექსეტინი.შემდეგ ანგიოფლუქს,მექსიბათს, კურსი დავამთავრე შედეგი არ მაქვს. რა შეიძლება მივიღო. ვარ 49 წლის წნევა მაქვს 90-60. ხშირად 80 -50.მაქვს მენოპაუზა. ხერხემალიც მტკივა ეს ხომ არ არის კავშირში. დიდი მადლობა. ნახვამდის

ყურებში ხმაურის წარმოქმნას შეიძლება იწვევდეს ხმის გამტარობის დარღვევა, ან სმენის ანალიზატორების გაღიზიანება და აქედან გამომდინარე, მას მრავალი მიზეზი შეიძლება ჰქონდეს. იგი შეიძლება წარმოადგენდეს შუა ან შიგნითა ყურის პათოლოგიის ნიშანს, მაგრამ შეიძლება წარმოიშვას სხვა ორგანოებისა და სისტემების დაავადების დროსაც (ჰიპერტენზია, ჰიპოტენზია, თავის ტვინის სისხლძარღვების ათეროსკლეროზი, ხერხემლის კისრის ნაწილის ოსტეოქონდროზი, ანთებითი დაავადებები, და სხვა.).
ხშირად ხმაური ყურებში შეიმჩნევა მენიერის დაავადების, ათეროსკლეროზის, სმენის ნერვის ნევრიტის, ოტიტის ზოგიერთი ფორმის დროს. ყურებში ხმაურის წარმოშობა შეიძლება განპირობებული იქნეს ოტოტოქსიური მოქმედების მქონე პრეპარატებით მკურნალობისას.
ასევე შესაძლოა დროებითი ხმაურის გაჩენა ორსულობის დროს და კლიმაქტერიულ პერიოდში.
ასე, რომ თქვენ მიუთითებთ იმ დაავადებებზე, რომელიც შეიძლება იყოს აღნიშნული ჩივილის მიზეზი, ამიტომ საჭიროა ძირითადი პრობლემების მოგვარება და სავარაუდოდ „წუილიც“უნდა გაქრეს.