-მოგესალმებით :) ვარ ვეგეტარიანელი, ძალიან მიყვარს ხილი და ბოსტნეული რომელიც უზომო რაოდენობით შემიძლია მივირთვა, როგორც გავარკვიე მიუხედავათ მათი ორგანიზმისთვის სასარგებლო თვისებებისა მხოლოდ ნახშირწყლების მიღება ორგანიზმისთვის კარგი არარის, გადავწვიტე კალციუმის დამატების მიზნით კვერცხის ქერქი დაფქული ლიმონთანერთად მივიღო, მაინტერესებ ამ ყველაფერთან თქვენი აზრი და ცილებიც რომ მივიღო რა საკვებს მირჩევთ კიდევ რომ შევიტანო რაციონში და რა რაოდენობით ყოველდღიურად. წინასწარ დიდი მადლობა

-ცილა ეს არის ამინომჟავებისგან შედგენილი მოლეკულური ჯაჭვი. მცენარეულ პროდუქტებში (მარცვლოვნებში, პარკოსნებში, თხილეულში) არასაკმარისია შეუცვლელი ამინოჟავები (გარდა კედარის გირჩის კაკალისა და წყალმცენარე სპირულინასი, რომელიც შეიცავს ყველა შეუცვლელ ამინომჟავას).
ამ პრობლემის გადაჭრა შეიძლება მარცვლოვანი და პარკოსანი პროდუქტის ერთდროული მიღებით. მაგ; სადილაზე შეგიძლიათ მიირთვათ ბრინჯი ლობიოსთან და ბოსტნეულთან ერთად. შეიძლება შეარჩიოთ თქვენი გემოვნების შესაფერის კომბინაცია.
ასევე, ფოსფორის წყაროს ვეგეტარიანული კვების დროს წარმოადგენს პარკისნები (ლობიო, სოიო, ოსპი), ყვავილოვანი კომბოსტო, კაკალი (ნუში, ბერძნული კაკალი, მიწის თხილი, ფუნდუკი), მზესუმზირის თესლი, ხორბალი, კვახი, სტაფილო, ოხრახუში და სხვა .... მარცვლოვნების და პარკისნების მომზადებამდე წინასწარი დალბობა აუმჯობესებს ფოსფორის შეწოვას.
რკინას შეიცავს: ფორთოხალი, მიწის თხილი, ნუში, ბადრიჯანი, ყაბაყი, ხახვი, სტაფილო, ზღვის კომბოსტო, ბანანი, ლეღვი, ქიშმიში, მარწყვი, გარგარი, მალინა, ზეთისხილი, ატამი, მოცხარი, ფინიკი, ვაშლი, ასკილი, ბურღულეული (წიწიბურა, შვრია, ქერი, ხორბალი, ბრინჯი), სიმინდი, კიტრი, ტკბილი წიწაკა, ოხრახუში, პომიდორი, ჭარხალი, სოიო, კვახი, კამა, ლობიო, და სხვა პროდუქტი.
იმისათვის რომ მოხდეს მცენერეული საკვებიდან ორგანიზმის მიერ რკინის ათვისება, რკინით მდიდარი მცენარეული პროდუქტი უნდა მიიღოთ იმ პროდუქტებთან ერთად, რომელიც მდიდარია С ვიტამინით(მაგ; ლიმონის წვენთან, ოხრახუშთან, კამასთან ან ასკილის წვენთან), ყავა და მაგარი ჩაი აფერხებს რკინის შეწოვას.