ზურგის ტკივილი შეიძლება საშიშ დაავადებებს უკავშირდებოდეს
მეცნიერები მიუთითებენ, რომ ხშირად ზურგის მიდამოს ტკივილი უკავშირდება დაღლას: დიდი ხნით ფეხზე დგომას, მჯდომარე ცხოვრების წესს, დაძაბულობას ან ფიზიკურ დატვირთვას. თუმცა ყოველთვის არაა საკმარისი დასვენება ზურგს ტკივილის შესამსუბუქებლად. ზოგჯერ უსიამონო შეგრძნებები შეიძლება უკავშირდებოდეს საშიშ დაავადებებს.
ზურგის მარცხენა ნახევარში ტკივილი შეიძლება გულ-სისხლძარღვთა სისტემის დაავადებების მაუწყებელი იყოს. როდესაც ის გადაეცემა ხელსა და ბეჭში, არსებობს ინფარქტის, აორტის აშრევების ან სტენოკარდიის განვითარების რისკი. ჰიპერტონული დაავადებების, ჰიპერლიპიდემიის ან გულის იშემიური დაავადებების მქონე ადამიანებში შეიძლება აღინიშნოს მკერდის ან ზუგის მიდამოში ტივილი, ქოშინის თანხლებით.
თუ ტკივილი ლოკალიზდება წელის მიდამოში, არ შეიძლება გამოირიცხოს მწვავე ნეფრიტი. ზოგჯერ მას შეიძლება გამჭოლი ხასიათი ჰქონდეს შარდსაწვეთის მიდამოში.
ხერხემლის გასწვრივ გავრცელებული ტკივილი, რომელიც წელის მიდამოში გადაეცემა, ოსტოეპოროზის მანიშნებელია. ამ დაავადების დამატებით სიგნალს წარმოადგენს ის, რომ უსიამოვნო შეგრძნება გადის, როდესაც ადამიანი ზურგზე ან გვერდზე წვება. წელის არეში ტკივილი შეიძლება იყოს კუნთებში ანთების პროცესის ან თიაქარის შედეგი.
მეცნიერები აზუსტებენ, რომ ხერცემლის გულმკერდის ნაწილის მტკივნეული შეგრძნებები შეიძლება იყოს 12-გოჯა ნაწლავის წყლულის მანიშნებელი. ამ ანატომიურ ორგანოს ბევრი ნერვული დაბოლოება აქვს, და მათი სტიმულაცია იწვევს ტკივილს.