პრობლემები და ფსიქოლოგიური დახმარება
- ჩემს შეყვარებულს არ მოსწონს ჩემი სახელის ხმამაღლა წარმოთქმა... მე და მიშა ერთმანეთს უკვე ნახევარი წელია ვხვდებით და მთელი ამ ხნის მანძილზე არ მახსოვს მოემართოს სახელით, მომმართავს: "ბაჭია", "ძვირფასო", "საყვარელო"... მე ხათუნა მქვია. ვერ გამიგია, რატომ ხდება ასე? ვშიშობ, ეს იმაზე მეტყველებს, რომ ის ჩვენს ურთიერთობას არასერიოზულად უყურებს...
- თუ რატომ იქცევა თქვენი მეგობარი მამაკაცი ასე, უპირველეს ყოვლისა, მას უნდა ჰკითხოთ. შესაძლებელია, არ მოსწონს, როგორ ჟღერს თქვენი სახელი, ან შეიძლება ამ სახელთან დაკავშირებულია რაიმე უსიამოვნო მოგონება, ან იქნებ მას სურს მოგმართოთ სიტყვებით, რომლებიც ხაზს უსვამს მის ნაზ დამოკიდებულებას თქვენდამი. რაც შეეხება არასერიოზულ დამოკიდებულებას თქვენი ურთიერთო-ბისადმი, გირჩევთ, შეხედოთ არა მხოლოდ ამ ცალკეულ გამოვლინებას, არამედ იმას, თუ მთლიანობაში როგორ უჭირავს თავი თქვენთან ურთიერთობაში: პატივს გცემთ თუ არა, ზრუნავს თუ არა თქვენზე, ანგარიშს უწევს თუ არა თქვენს აზრს. და თუ ამ მხრივ ყველაფერი წესრიგშია, სახელის გამო ნერვიულობა საჭირო არ არის.
- ძალიან მალე მეორე ბავშვი მეყოლება. ღირს თუ არა, უფროსი ბიჭუნა დროებით ბებიასთან გავგზავნო? დედამთილი მთავაზობს მის წაყვანას რამდენიმე თვით სხვა ქალაქში. ასე მე შევძლებ, მთელი დრო პატარას მოვახმარო. მაგრამ მაშინ დიდხანს ვერ ვნახავ უფროს შვილს. რა არჩევანი გავაკეთო?
- რამდენიმე თვით სხვაგან ცხოვრება უკვე ცვლილებაა თქვენი შვილის ცხოვრებაში, ნუ დაამთხვევთ ამას მისი დის ან ძმის დაბადებას. მისთვის ის ფაქტი, რომ ერთადერთი აღარ არის თქვენთვის, უკვე სტრესია. ნუ მისცემთ იმის საბაბს, იფიქროს, რომ ის თქვენ აღარ გჭირდებათ და ამიტომ "აგზავნით" ბებიასთან. სთხოვეთ თქვენს დედამთილს, თქვენთან გადმოვიდეს და ისე მოგეხმაროთ.
- ჩემი მოზარდი გოგონა ძალიან იღლება სკოლაში. შინ ძალაგამოცლილი ბრუნდება, სულ ეძინება. მოდუნებულია და ძალა არ ჰყოფნის გაკვეთილების მოსამზადებლად. როგორ დავეხმარო მას?
- ბევრ მოზარდს აქვს მომეტებული გადაღლილობის პერიოდები. ეს დაკავშირებულია ორგანიზმის განვითარების თავისებურებებთან. თქვენი გოგონასათვის აუცილებელია სრულფასოვანი კვება. დაარწმუნეთ დაგიჯეროთ. თავიდან ააცილეთ ზედმეტი დატვირთვა. მასთან ერთად გადახედეთ მისი დღის განრიგს. გამოყავით დამატებითი დრო ძილისათვის. სასურველია მიმართოთ თერაპევტს, გააკეთოთ ანალიზები, რათა გამორიცხოთ ჯანმრთელობასთან დაკავშირებული პრობლემები.
- მალე მომიწევს სამსახურში გასვლა, მე კი ძალიან მომწონს დიასახლისის როლი! რამდენიმე წელი სახლში მომიწია ჯდომა ბავშვის გამო. ახლა ის საბავშვო ბაგაში მივიყვანე. ქმარი მოითხოვს დავბრუნდე სამსახურში ძველ ადგილას, მე კი ამის არანაირი სურვილი არ მაქვს...
- ხანგრძლივი შვებულების შემდეგ სამუშაოზე დაბრუნების შიში ბევრ ადამიანს უჩნდება. თუ თქვენთვის აუტანელია ძველ სამსახურში დაბრუნებაზე ფიქრიც კი, მაშინ დაიწყეთ ახალი სამსახურის ძებნა, თქვენთვის შესაფერისი პირობებითა და გრაფიკით. შეგიძლიათ საქმიანობის სფეროც შეიცვალოთ. როგორც კი საქმეში ჩაერთვებით, ენთუზიაზმიც მაშინვე გაჩნდება.