ანისულის თესლის ნაყენი გულძმარვას შველის
ამის მიზეზი, ალბათ, ჩემი ცხოვრების წესი და კვების რეჟიმია:მიყვარს მშრალი, შემწვარი, მჟავე და ცხარე საკვები და აი, შედეგიც... განსაკუთრებით შემაწუხებელია გულძმარვა. ცოტა ხნის წინ თანამშრომელმა ანისულის თესლის ნაყენი მირჩია. მართალია, მის მომზადებას საკმაო ხანი სჭირდება, მაგრამ არ დავიზარე, მოვამზადე და არც მინანია. გთავაზობთ რეცეპტს:
- აიღეთ 1 სუფრის კოვზი ანისულის თესლი, დაფქვით და დაასხით 1 ლიტრი არაყი. ჭურჭელი 1 თვით დადგით გრილ და ბნელ ადგილას. დაუმატეთ დარიჩინი ან ლიმონის ქერქი (გემოვნებით), 200-400 გრამი შაქრის ფხვნილი, ურიეთ, ვიდრე შაქარი მთლიანად გაიხსნება და გადაწურეთ. მიიღეთ 1 ლიქიორის ჭიქა ყოველი ჭამის შემდეგ.
ანი ლ., ქუთაისი