აგრეგალი - მკურნალი.გე

რუბრიკები

ოჯახის მკურნალის ანონსი

აგრეგალი - AGREGAL - АГРЕГАЛЬ

ფორმა, შეფუთვა: ვარდისფერი გარსით დაფარული მრგვალი, ორმხრივამოზნექილი (გამყოფ ხაზზე ჩანს ორმაგი შრე) ტაბლეტები. ერთი ტაბლეტი შეიცავს 98 მგ აქტიურ ნივთიერებას. მუყაოს კოლოფში მოთავსებულია ერთი ან ორი ცალი უჯრედული კონტურული ფირფიტა 14 ტაბლეტით.

მოქმედი ნივთიერება: კლოპიდოგრელის ჰიდროსულფატი (Clopidogrel)

მწარმოებელი: შვეიცარიული ვიტამინების ქარხანა, რუსეთი

ფარმაკოლოგიური ჯგუფი: ანტიაგრეგანტი

ფარმაკოლოგიური მოქმედება: კლოპიდოგრელი არჩევითად აინჰიბირებს ადენოზინდიფოსფატის შეკავშირებას თრომბოციტების თანამოსახელე რეცეპტორებთან და ადენოზინდიფოსფატის (ადფ) მიერ გლიკოპროტეინ GPIIb/IIIa კომპლექსის მომდევნო აქტივაციას, რაც იწვევს თრომბოციტების აგრეგაციის შემცირებას. იგი ასევე აინჰიბირებს თრომბოციტების ადენოზინდიფოსფატით გამოთავისუფლებული აგონისტებით გამოწვეულ აგრეგაციას. კლოპიდოგრელით გამოწვეული თრომბოციტების ადფ-რეცეპტორების ცვლილებები შეუქცევადია: თრომბოციტები მთელი სიცოცხლე უფუნქციონი რჩებიან. ანტიაგრეგანტული ეფექტი მთელი ამ ხნის განმავლობაში ნარჩუნდება. ნორმალური ფუნქციის აღდგენა ხდება თრომბოციტების განახლებისას (დაახლოებით 7 დღეში). სისხლძარღვთა ათეროსკლეროზული დაზიანებისას კლოპიდოგრელი ხელს უშლის ათეროთრომბოზის განვითარებას, განურჩევლად სისხლძარღვოვანი პროცესის ლოკალიზაციისა (ცერებროვასკულური, კარდიოვასკულური, პერიფერიული დაზიანება).

ფარმაკოკინეტიკა: 75 მგ კლოპიდოგრელი შინაგანი მიღების შემთხვევაში  სწრაფად შეიწოვება კუჭ-ნაწლავის მიერ, მაგრამ კონცენტრაცია პლაზმაში მცირეა და მიღებიდან 2 საათის შემდეგ არ აღწევს განსაზღვრისთვის საჭირო ზღურბლს (0,025 მკგ/ლ). ამასთანავე, თრომბოციტების აგრეგაცია 40%-ით ფერხდება. მაქსიმალური ეფექტი  - აგრეგაციის 60%-ით დათრგუნვა - ვლინდება 4-7 დღის შემდეგ, პრეპარატის 98 მგ/დღ დოზით მუდმივი მიღების შემთხვევაში. კლოპიდოგრელისა და მისი ძირითადი მეტაბოლიტების ცილებთან შეკავშირება შეესაბამება 98-94%-ს. პრეპარატი მეტაბოლიზმს განიცდის ღვიძლში. მის ძირითად მეტაბოლიტს წარმოადგენს კარბოქსილის მჟავას არააქტიური წარმოებული. პრეპარატის დაახლოებით 50% გამოიყოფა შარდით, 46% - განავლით (მიღებიდან 129 საათის განმავლობაში). ძირითადი მეტაბოლიტის T1/2 შეადგენს 8 საათს. ღვიძლის მძიმე დაავადების მქონე პირებში კლოპიდოგრელის 75 მგ/დღ დოზით მიღებისას მისი ძირითადი მეტაბოლიტის კონცენტრაცია სისხლის პლაზმაში უფრო მცირეა, ვიდრე თირკმელების საშუალო სიმძიმის დაავადების მქონე და ჯანმრთელ პირებში.

ჩვენება:

  • იშემიური დარღვევები (მიოკარდიუმის ინფარქტი, ინსულტი, პერიფერიული არტერიებისა და ვენური ქსელის  თრომბოზი);
  • ათეროსკლეროზი (საპროფილაქტიკოდ);
  • მიოკარდიუმის ინფარქტის შემდგომი პერიოდი;
  • იშემიური ინსულტის შემდგომი პერიოდი;
  • პერიფერიული არტერიების დაავადება;
  • მწვავე კორონარული სინდრომი შთ სეგმენტის მომატების გარეშე (არასტაბილური სტენოკარდია ან მიოკარდიუმის ინფარქტი Q-კბილის გარეშე) (ინიშნება აცეტილსალიცილის მჟავასთან ერთად);
  • კანის გავლითი კორონაროპლასტიკის ოპერაცია.

დოზირებისა და მიღების რეჟიმი: 1 ტაბლეტი შინაგანად, დღეში 1-ხელ. არ არის დამოკიდებული კვებაზე. მკურნალობა დაწყებულ უნდა იქნეს მოკარდიუმის ინფარქტიდან 35 დღის შემდეგ, ხოლო იშემიური ინსულტიდან მინიმუმ 7 დღის, მაქსიმუმ 6 თვის შემდეგ.
მწვავე კორონარული სინდრომით შეპყრობილ პაციენტებში შთ სეგმენტის მომატების გარეშე (არასტაბილური სტენოკარდია ან მიოკარდიუმის ინფარქტი Q-კბილის გარეშე) აგრეგალით მკურნალობა დაწყებულ უნდა იქნეს ერთჯერადი დარტყმითი დოზით - 4 ტაბლეტით (300 მგ კლოპიდოგრელი). შემდეგ მკურნალობა უნდა გაგრძელდეს დოზით 1 ტაბ/დღ (75 კლოპიდოგრელი) და მასთან ერთად დაინიშნოს 75-375 მგ/დღ აცეტილსალიცილის მჟავა.
აგრეგალისა და აცეტილსალიცილის მჟავას ერთდროულად მიღება შესაძლებელია მაქსიმუმ 1 წლის განმავლობაში (უფრო ხანგრძლივი მიღების შემთხვევაში უსაფრთხოება არ არის შესწავლილი).

გვერდითი მოვლენები:

სისხლის შემდედებელი სისტემის მხრივ: კუჭნაწლავური სისხლდენა, ზოგჯერ - ჰემატომა, ჰემატურია, კონიუნქტივაში სისხლის ჩაქცევა;

სისხლმბადი სისტემის მხრივ: გამოხატული ნეიტროპენია, მძიმე თრომბოციტოპენია;

საჭმლის მომნელებელი სისტემის მხრივ: აბდომინალური ტკივილები, დისპეფსია (შეკრულობა, დიარეა, გულისრევა), გასტრიტი, იშვიათად - ცვლილებები ღვიძლის სინჯების მხრივ;

ცენტრალური ნერვული სისტემის მხრივ: თავის ტკივილი, თავბრუხვევა, პარესთეზიები;

დერმატოლოგიური რეაქცია: კანზე გამონაყარი, ქავილი;

ალერგიული რეაქცია: იშვიათად - ბრონქოსპაზმი, შეშუპება, ანაფილაქსიური რეაქცია;

სხვა: თრომბოციტოპენიური პურპურა.

უკუჩვენება:

  • ღვიძლის გამოხატული უკმარისობა;
  • მწვავე სისხლდენა (მაგალითად, პეპტიკური წყლული ან ქალაშიგა სისხლჩაქცევა);
  • ორსულობა და ლაქტაცია;
  • ბავშვობის ასაკი;
  • პრეპარატის კომპონენტებისადმი მომატებული მგრძნობელობა.

პრეპარატი სიფრთხილით უნდა დაინიშნოს სისხლდენის მაღალი რისკის (ტრავმა, მოსალოდნელი ოპერაციული ჩარევა), ღვიძლის და/ან თირკმლის ზომიერი უკმარისობის დროს (შესაძლებელია ჰემორაგიული დიათეზის განვითარება).

განსაკუთრებული მითითებები: აცეტილსალიცილის მჟავასთან, ჰეპარინთან, IIb/IIIa გლიკოპროტეინების ინჰიბიტორებთან, თრომბოლიზურ სამკურნალო საშუალებებთან ერთად დანიშვნის შემთხვევაში აუცილებელია მკურნალობის პირველი კვირის განმავლობაში გაკეთდეს სისხლის ანალიზი. აგრეგალით მკურნალობა უნდა შეწყდეს ოპერაციულ ჩარევამდე 7 დღით ადრე. პაციენტმა სისხლდენის შემთხვევაში აუცილებელად უნდა აცნობოს ექიმს.

ზედოზირება: პრეპარატის დიდი დოზით გამოყენებისას მძიმე გვერდითი მოვლენები არ არის დადგენილი. არ არსებობს სპეციფიკური ანტიდოტი. როდესაც აუცილებელია გახანგრძლივებული სისხლდენის სწრაფად შეჩერება, კლოპიდოგრელის მოქმედება შესაძლებელია შეჩერდეს თრომბოციტული მასის გადასხმით.

სხვა წამლებთან ურთიერთქმედება: ვარფარინთან ერთად დანიშვნა არ არის რეკომენდებული - მოსალოდნელია სისხლდენის ინტესივობის მატება. სიფრთხილით უნდა დაინიშნოს IIb/ IIIa გლიკოპროტეინების ინჰიბიტორებთან. აცეტისალიცილის მჟავა არ ცვლის აგრეგალის მაინჰიბირებელ ეფექტს თრომბოციტების ადფ-ინდუცირებულ აგრეგაციაზე, მაგრამ აგრეგალი აძლიერებს აცეტილსალიცილის მჟავას მოქმედებას თრომბოციტების კოლაგენინდუცირებულ აგრეგაციაზე. ამ პრეპარატების ერთდროულად დანიშვნა სიფრთხილეს საჭიროებს. სიფრთხილეს მოითხოვს აგრეგალისა და ჰეპარინის ერთად დანიშვნაც (მათი ერთად მოქმედების უსაფრთხოება არ არის დადგენილი). ასევე სიფრთხილით ინიშნება აგრეგალი ანთების საწინააღმდეგო არასტეროიდულ პრეპარატებთან კომბინაციაში.

შენახვის პირობები და ვადა: აგრეგალი ინახება არა უმეტეს 25°C ტემპერატურაზე, მშრალ, ბნელ და ბავშვებისთვის მიუწვდომელ ადგილას. ვარგისია 2 წელი.

დიეტოლოგია
ჰალვა, საზოგადოდ, აღმოსავლური ნუგბარის ერთ-ერთი სახეობაა,
ძვალი, როგორც ორგანო, მეტად მრავალფეროვან და სასიცოცხლოდ აუცილებელ ფუნქციებს ასრულებს:
დიეტა სისხლში ქოლესტერინის დონის დაქვეითების უმარტივესი საშუალებაა. ამგვარი დიეტის საფუძველი
ალოე ვერა განსაკუთრებული თვისებების მქონე მარადმწვანე მცენარეა. მისი სამშობლო აფრიკაა, თუმცა დღეს ის უამრავ რეგიონშია გავრცელებული.
სადღეისოდ ასეთი კრემების ასორტიმენტი საკმაოდ ფართოა. ხშირად არც კი ვიცით, რომელი ხაზის კრემი უფრო მიესადაგება ჩვენს კანს.
სამწუხაროდ, ბოლო ათწლეულის მანძილზე ალერგიული დაავადებებით, მათ შორის - ბრონქული ასთმით დაავადებულთა
დღევანდელი ცხოვრების რიტმი, მძიმე ეკოლოგიური გარემო, კვების თავისებურებები განაპირობებს სხვადასხვა პათოლოგიის
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად