რატომ ვჭამთ ბევრს ნერვიულობის დროს
ამაღელვებელმა მოვლენებმა და ემოციებმა შეიძლება შეცვალოს ადამიანის კვების ჩვეული მოდელი. შფოთვის დროს ბევრი ადამიანი საჭიროზე მეტს მიირთმევს, მძიმე გძნობების გადასალახად. სიმაძღრის ეპიზოდებმა შეიძლება ყურადღება გადაიტანოს შფოთვის გამომწვევი არასახარბიელო მოვლენებიდან და პრობლემებიდან და შეარბილოს ინტენსიური და აუტანელი ემოციური მდგომარეობა. ამ მდგომარეობას უნდა ვებრძოლოთ არა შიმშილით და შეზღუდვებით, არამედ ვიმუშაოვოთ განწყობასა და ემოციებზე. არსებობს ძირითადი ტრიგერები, რომელთა აღქმაც უნდა შეცვალოს ადამიანმა მსგავსი პრობლემის დროს. მიზეზების პირველ ჯგუფს მიეკუთვნება წონის ან ფიზიკური ფორმის ცვლილება. თუ ადამიანი მუდმივად კრიტიკულად უდგება სარკეში საკუთარი სხეულის გამოსახულებას ან ხშირად დგება სასწორზე, შეიძლება ამის გამო განუვითარდეს შფოთვა.
ამას გარდა, ფსიქოლოგები გვირჩევენ ვიმუშავოთ ზოგადად უარყოფითი მოვლენების აღქმაზე. სამსახურში საყვედური ან წარუმატებლობა შეიძლება გახდეს საკვების ჭარბად მიღების მიზეზი. ადამიანებს ხშირად არ შეუძლიათ გრძნობების გადატანა, ამიტომ იყენებენ საჭმელს თვითადამშვიდების წაყროდ.
თუ ჭარბი კვების ეპიზოდები სტრესული მოვლენების შემდეგ მეორდება, საჭიროა ფსიქოთერაპევტის დახმარება, რომელიც იმუშავებს კოგნიტიურ-ქცევით მიდგომებზე. ამას გარდა, ფსიქოლოგები გვირჩვევენ დროებით მოვხსნათ დიეტური შეზღუდვები, ვიკვებოთ რეგულარულად და საკვებს შევხედოთ როგორც ენერგიის წყაროს და არა როგორც დამამშვიდებელს და ჯილდოს.