რატომ უნდა შედიოდეს ქალის კვების რაციონში სოიოს რძე და რა სარგებელი მოაქვს მას ჩვენი ორგანიზმისთვის
იზოფლავონებს ანთების შემცირების უნარი აქვთ, რაც ეფექტურია ქრონიკული დაავადებების( კარდიოვასკულარული დაავადებები, შაქრიანი დიაბეტი, კიბო და სხვ.) საპროფილაქიკოდ.
სოიოს რძე განსაკუთრებით სასარგებლოა ქალბატონებისთვის, ვინაიდან იზოფლავონებს ესტროგენების დონის გაზრდა შეუძლიათ.
რძე ეფექტურია კლიმაქსური პერიოდისთვის დამახასიათებელი ალების სამკურნალოდ.
სოიოს ცილა და ფიტოესტროგენები რეგულარულ მენსტრუაციულ ციკლს და ნაყოფიერების გაზრდას უწყობენ ხელს.
სოიოს პროდუქტები გულის დაავადებების განვითარების რისკს ამცირებენ, ასევე სისხლში ლიპიდების დონეს აუმჯობესებენ.
მაგალითად, ერთ-ერთ ბრიტანულ ჟურნალში გამოქვეყნებული კვლევის თანახმად, სოიო ეფექტურად ებრძვის “LDL” ქოლესტერინის დონეს, ტრიგლიცერიდებთან ერთად.
ამასთანავე, HDL ქოლესტერინის დონის ამაღლებას უწყობს ხელს, რაც არტერიებში ცხიმოვანი ნადების დაგროვებას აფერხებს.
ზოგიერთი კვლევის თანახმად, სოიო საგრძნობლად ამცირებს ძუძუს კიბოს განმეორების რისკს, ხოლო გადარჩენის მაჩვენებელს ზრდის.
სოიო დაკავშირებულია პროსტატის, კოლორექტალური და ფილტვის კიბოს განვითარების დაბალ რისკთანაც.
მისი რძე მდიდარია პროტეინით, რომელიც შიმშილის ჰორმონის - გრელინის შემცირებას უწყობს ხელს.
სოიოს რძე შეიცავს ამინომჟავა - ტრიპტოფანს, რომელიც ძილის დარღვევების სამკურნალოდ გამოიყენება. შესაბამისად, ღამით მისი მირთმევა შეიძლება ჩაძინებაში დაგეხმაროთ.
2019 წლის ერთ-ერთი კვლევა, რომელიც “Cureus”-ში გამოქვეყნდა, იუწყება, რომ მედიცინის სტუდენტებში ძილის ხარისხის გაუმჯობესება სოიოს რძის დამსახურებაა.