რატომ არის სასარგებლო მსხალი

ზოგს ჰგონია, რომ მსხალში შაქრის გარდა სასარგებლო არაფერია. სინამდვილეში ასე არ არის! მართალია C და A ვიტამინის შემცველობით მსხალი ბევრად ჩამორჩება ვაშლს, მაგრამ B9 ვიტამინის (ფოლიუმმჟავას) მარაგით ის შავ მოცხარსაც კი მოიტოვებს უკან. B9 ვიტამინი დიდ როლს ასრულებს სისხლწარმოქმნის პროცესში. ამის კვალობაზე მოზარდ ორგანიზმს ის განსაკუთრებულად ესაჭიროება. გარდა ამისა მსხალი შეიცავს ისეთ ნივთიერებებს, რომლებიც ანთების საწინააღმდეგო და კაპილარების გამამაგრებელი თვისებებით გამოირჩევა.

ყველამ იცის, რომ წითელი მოცვისა და დათვის კენკრას ფოთოლს თირკმელებისა და საშარდე გზების ანთებითი პროცესების დროს გამოხატული სამკურნალო ეფექტი აქვს. თურმე

იმავე სასარგებლო ნივთირებებს შეიცავს მსხალიც. სამკურნალო ეფექტი აქვს არა მხოლოდ ცოცხალ ნაყოფს, არამედ მის ჩირსაც. მსხლის ჩირის ნახარში ეფექტურია ფაღარათისა და კუჭ-ნაწლავის ტრაქტის დაავადებათა დროს.

თინათინ გოცაძე

რუბრიკები

ოჯახის მკურნალის ანონსი

კითხვა-პასუხი

კონსულტანტები

დიეტოლოგია

რატომ არის სასარგებლო მსხალი