რა კვლევაა და როდის ინიშნება ფლებოგრაფია ანუ ვენოგრაფია
რომელიც სხეულის ნებისმიერ გარკვეულ უბანზე ვენების გავრცელებისა და მიმართულების დადგენის საშუალებას იძლევა.
დიაგნოსტიკური პროცედურის ჩასატარებლად პაციენტის ვენაში შეჰყავთ რენტგენოკონტრასტული ნივთიერება, ხოლო კვლევის შედეგად მიღებული რენტგენოგრამები (ვენოგრამები) გვიჩვენებს მოცემულ უბანზე ვენების გავრცელების ხასიათს.
ფლებოგრაფიის (ვენოგრაფიის) ჩვენებები:
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
აღნიშნული კვლევის საშუალებით ხდება ვენების სხვადასხვა დაზიანების, მათი ობსტრუქციის ან სხვა სისხლძარღვთან ანომალიური შეერთების დიაგნოსტირება. პროცედურის ჩატარების შემდეგ აუცილებლად გასათვალისწინებელია ის, რომ რენტგენოკონტრასტული ნივთიერების შეყვანის ადგილზე ირღვევა ვენის ავსება, ასევე შესაძლებელია ამ მიდამოში აღნიშნული ნივთიერების გამოდინება.
მომზადება:
პაციენტმა საჭმლის მიღებისაგან თავი უნდა შეიკავოს კვლევამდე 4 საათით ადრე. უნდა დადგინდეს, აქვს თუ არა იოდზე ან იოდშემცველ ნივთიერებაზე ალერგია.
პაციენტს უნდა განემარტოს, რომ პროცედურიდან რამდენიმე დღის განმავლობაში აუცილებელია პროცედურის ჩატარების ადგილზე ნახვევის ტარება. ასევე შესაძლებელია აღინიშნოს უსიამოვნო მტკივნეულობის შეგრძნება.
უკუჩვენებები:
დიაგნოსტიკური კვლევის ჩატარების ძირითადი უკუჩვენებაა:
- იოდის პრეპარატებისადმი მომატებული მგრძნობელობა;
- საკვლევ ზონაში ანთება, ტროფიკული მოშლილობა და წყლული;
- ღვიძლისა და თირკმლის მწვავე დაავადებები;
- თრომბოფლებიტი;
- თრომბოემბოლიური დაავადება;
- ფლებოსკლეროზი;
- ვენოზური განგრენა;
- ხანდაზმული ასაკი;
- ქვედა კიდურების სისხლძარღვების ათეროსკლეროზი;
- ორსულობა.
