როგორ მივხვდეთ, რომ ბავშვს მხედველობის პრობლემა აქვს
სიმახვილე, მოცულობითი მხედველობა, თვალის მოძრაობისა და მდებარეობის სიმეტრიულობა. 5-დან 10 წლამდე გრძელდება ბინოკულარული მხედველობისა და მხედველობის სიმახვილის საბოლოო განვითარება. სწორედ ამ პერიოდში შეიძლება ოფთალმოლოგმა აღმოჩინოს თვალის პათოლოგიები.
1-დან 5 წლამდე ბავშვი ძალიან ახლო მანძილზე ცდილობს საგნების დათვალიერებას და ხშირად ისრისავს თვალებს. მშობლებმა უნდა მიაქციონ ყურადღება, თუ ხშირია ჯიბლიბოს განვითარება, რადგანაც ეს ანთებითი პროცესი შეიძლება აღმოცენდებოდეს თვალის გადაძაბვის პათოლოგიის კომპენსაციის გამო.
5-7 წლის ასაკში საყურადღებოა თუ ბავშვი ხშირად უჩივის დაღლილობას, თვალის სიწითლეს, წვას, მხედველობის გაორებასა და თავის ტკივილს. თუ ბავშვი კითხვისას ახლოს იჭერს წიგნს, წერისას დაბლა ხრის თავს, ეს შესაძლო პრობლემებზე მიუთითებს. საყურადღებოა, როდესაც ბავშვი ვერ არჩევს შორიდან ავტობუსის ნომერს ან მაღაზიის აბრას.
7-10 წლის ბავშვების მხედველობის პრობლემებზე მიუთითებს სკოლაში ჩამორჩენა, რაც შეიძლება იმით იყოს განპირობებული, რომ ბავშვი ცუდად ხედავს. ხშირად ამ ასაკში ვლინდება ახლომხედველობა, ტრავმის შედეგები. ამის მაპროვოცირებელი კი სკოლაში მხედველობის დატვირთვის გაზრდაა.
ლალი ჩხიკვაძე