მარიამ ფოლადაშვილი

დაახლოებით 50 წლის ასაკში ქალებში გულის დაავადების რისკი იზრდება. ეს ასევე დაახლოებით საშუალო ასაკია, როდესაც ქალებს ეწყებათ მენოპაუზა. მენოპაუზის დროს კი ესტროგენის დონე მკვეთრად ეცემა.

როგორ იცავს ესტროგენი გულს

ყველა ადამიანის ორგანიზმი აწარმოებს გარკვეულ ესტროგენს, მაგრამ ქალი ბევრად მეტს. ესტროგენი მნიშვნელოვან როლს ასრულებს მკერდის განვითარებაში, მენსტრუალურ ციკლში, ოვულაციაში და სხვა.

ესტროგენი ასევე ხელს უწყობს გულის ჯანმრთელობას, ზრდის ,,კარგ” ქოლესტერინს, ამცირებს ,,ცუდ” ქოლესტერინს, ამშვიდებს, ელასტიურობას ანიჭებს და აფართოებს სისხლძარღვებს, შესაბამისად სისხლის მიმოქცევა უმჯობესდება, შთანთქავს თავისუფალ რადიკალებს, რომლებმაც შეიძლება დააზიანოს არტერიები და სხვა ქსოვილები.

მეცნიერები ჯერ კიდევ სწავლობენ ორგანიზმში ესტროგენის მოქმედებას. კვლევებმა აჩვენა, რომ ესტროგენი გავლენას ახდენს თითქმის ყველა ქსოვილსა თუ ორგანო სისტემაზე, მათ შორის გულსა და სისხლძარღვებზე.

გამომდინარე იქიდან, რომ ესტროგენი ხელს უწყობს გულის დაცვას, ესტროგენის დაბალი დონის მქონე ადამიანებს შეიძლება ჰქონდეთ გულის დაავადების უფრო მაღალი რისკი.

როდესაც ესტროგენის დონე მცირდება, ,,ცუდი” ქოლესტერინის დონე იზრდება და ,,კარგი” ქოლესტერინის დონე მცირდება. ამან შეიძლება გამოიწვიოს ცხიმისა და ქოლესტერინის დაგროვება არტერიებში, რაც ხელს უწყობს გულის პრობლემების განვითარებას.

როგორ უნდა შეამციროთ გულის დაავადების რისკი

ესტროგენის დონე არ არის ერთადერთი ფაქტორი, როდესაც საქმე ეხება გულის დაავადების რისკს.

თუ გაქვთ გულის დაავადების ოჯახური ისტორია, შესაძლოა უფრო მაღალი რისკის ქვეშ იყოთ.

გულის დაავადების რისკ-ფაქტორები მოიცავს ისეთ საკითხებს, როგორიცაა მოწევა, უმოძრაო ცხოვრების წესი და საკვები ნივთიერებებით ღარიბი დიეტა.

• მოერიდეთ ან დაანებეთ თავი მოწევას;
• შეინარჩუნეთ ჯანსაღი სხეულის წონა;
• მიიღეთ მონაწილეობა ზომიერი ინტენსივობის ვარჯიშებში 30-დან 40 წუთის განმავლობაში, კვირაში სამიდან ხუთ დღემდე;
• დაიცავით გულისთვის ჯანსაღი დიეტა, როგორიც არის ხმელთაშუა ზღვის დიეტა, რომელიც ნაკლებ ნაჯერ ცხიმებს შეიცავს და მდიდარია ბოჭკოებით, მთლიანი მარცვლეულით, პარკოსნებით, ხილით, ბოსტნეულით, თევზით და ფოლიუმის შემცველობით მდიდარი საკვებით;
• უმკურნალეთ და მართეთ ნებისმიერი ჯანმრთელობის მდგომარეობა, როგორიცაა დიაბეტი, მაღალი ქოლესტერინი და მაღალი წნევა

ესაუბრეთ ექიმს გულის ჯანმრთელობის შესანარჩუნებლად თქვენზე მორგებული საუკეთესო ვარიანტების შესახებ.