არტერიული ჰიპერტენზიის პრევენცია
არტერიული წნევას განსაზღვრავს გულის მიერ სისხლძარღვებში გადატუმბული სისხლის რაოდენობა და არტერიების მიერ, მასში გამავალი სისხლის ნაკადისადმი, გაწეული წინააღმდეგობა.
არტერიული წნევის მატებას, თავდაპირველად, მკვეთრად გამოხატული სიმპტომები არ ახლავს. ამიტომაა საჭირო მისი პერიოდული კონტროლი. მაღალი წნევის მქონე ზოგიერთ ადამიანს შეიძლება აწუხებდეს თავის ტკივილი, ქოშინი ან ცხვირიდან სისხლდენა. ეს სიმპტომები არასპეციფიკურია და ჩვეულებრივ არ ვლინდება მანამ, სანამ მაღალი წნევა არ მიაღწევს მძიმე სტადიას.
არტერიული წნევა უნდა გაიზომოს დღეში 2-ჯერ, ჭამის წინ, ვარჯიშის წინ.
დაიცავით გაზომვის წესები:
- წნევა გაზომვა არ არის რეკომენდირებული დაღლილზე- მინიმუმ 5 წუთი დასვენება მაინცა ასაჭირო;
- წნევა გაზომვა არ არის რეკომენდირებული ემოციური სტრესის მიღებისთანავე- შეეცადეთ ცოტა მაინც დაწყნარდეთ და შემდეგ გაიზომეთ წნევა;
- წნევის გაზომვა არ არის რეკომენდირებული უშუალოდ ჭამის შემდეგ- საკვების მიღებიდან 30 წუთის შემდეგ შეგიძლიათ გაიზომოთ წნევა;
- წნევის გაზომვისას უნდა იჯდეთ კომფორტულად;
- წნევის გაზომვის პროცესში არ შეიძლება საუბარი;
- მანჟეტის შუა ნაწილი გულის დონეზე უნდა მდებარეობდეს;
- მანჟეტი არ უნდა დაიდოთ ტანსაცმელზე;
- მანჟეტსა და მხრის ზედაპირს შორის უნდა თითს თავისუფლად უნდა ვათავსედეთ;
- მანჟეტის ქვედა კიდე იდაყვის ფოსოდან 2 სმ ზევით უნდა იყოს.
ზოგჯერ არტერიული წნევის „დაუგეგმავი“ გაზომვა ხდება საჭირო მაგალითად, ასეთი სიმპტომების შემთხვევაში:
- თავის ტკივილი;
- თავბრუსხვევა;
- ტკივილი გულის არეში;
- ქოშინი;
რატომ არის საშიში ჰიპერტენზია?
როგორც მაღლა აღვნიშნეთ, არტერიული ჰიპერტენზიას სიცოცხლისთვის საშიში მრავალი გართულების პროვოცირება შეუძლია.
- თავის ტვინის ინსულტი;
- მიოკარდიული ინფარქტი;
- არითმია;
- გულის უკმარისობა;
- თირკმლების უკმარისობა;
- დემენციის პროვოცირება;
ნორმაში არტერიული წნევა 140/90-ზე ნაკლები უნდა იყოს.
პაციენტები ხშირად კითხულობენ, როგორ უნდა მოიქცნენ, თუ ექიმის მიერ დანიშნული ანტიჰიპერტენზიული პრეპარატების მიღების მიუხედავად, მაინც მაღლა მაღლა უწევთ წნევა.
ასეთ შემთხვევაში დამატებით უნდა მიიღოთ ექიმის მიერ დანიშნული ანტიჰიპერტენზიული პრეპარატების კიდევ ერთი დოზა, 20-30 წუთის შემდეგ კვლავ უნდა გაიზომოთ წნევა და შემდეგ აუცილებლად მიმართოთ ექიმს ანტიჰიპერტენზიული თერაპიის კორექტირებისთვის.
|
გახსოვდეთ! არტერიული წნევის დაწევა რეკომენდებულია თანდათანობით და არა- სწრაფად. თუ წნევის მატებას თან ახლავს ტკივილი გულმკერდის არეში, სუნთქვის გაძნელება, ქოშინი, ნევროლოგიური გამოვლინებები (კიდურების დაბუჟება და სისუსტე), მხედველობის გაუარესება, უნდა მიიღოთ ანტიჰიპერტენზიული საშუალებების კიდევ ერთი დოზა და გამოუძახოთ სასწრაფო დახმარება (ტელეფონი 112). |
რჩევები
თუ თქვენ გაქვთ ხოლმე მაღალი წნევა, რეკომენდებულია შემდეგი წესების დაცვა:
- შეზღუდეთ მარილის მიღება დღეში 5 გრამამდე და უფრო ცოტა;
- მიიღეთ დღეში 500 გრამზე მეტი ბოსტნეული და ხილი;
- აკონტროლეთ სხეულის წონა;
- ფიზიკური აქტივობა გაზარდეთ;
- მაქსიმალურად შეზღუდეთ ალკოჰოლის მოხმარება;
- ღამე იძინეთ მინიმუმ 7-8 საათი;
- რეგულარულად მიიღეთ ექიმის მიერ დანიშნული მედიკამენტები.