გულისთვის ჯანსაღი ჩვევები ანელებს ბიოლოგიურ დაბერებას - რომელია ეს ჩვევები?
დიეტა, რეგულარულად ვარჯიში და საკმარისი ძილი, არა მხოლოდ ამცირებს ისეთი მოვლენების რისკს, როგორიცაა გულის შეტევა და ინსულტი, მათ ასევე შეიძლება შეანელონ ბიოლოგიური დაბერება.
ქრონოლოგიური ასაკისგან განსხვავებით, რომელიც განისაზღვრება დაბადების თარიღით, ბიოლოგიური ასაკის მატება შიძლება შენელდეს ჯანმრთელობის სხვადასხვა პარამეტრის საფუძველზე. კვლევამ შეისწავლა შეიძლება თუ არა გულის ჯანმრთელობის რვა მოდიფიცირებულმა ფაქტორმა ბიოლოგიური დაბერება შეანელოს. ესენია:
- დიეტა;
- ვარჯიში;
- თამბაქოს მოხმარება;
- წონა;
- ქოლესტერინი;
- Შაქრის დონე სისხლში;
- არტერიული წნევა;
- ძილი
კვლევაში 6,500-ზე მეტი ადამიანი მონაწილეობდა. წინასწარი დასკვნების თანახმად, რომელიც წარმოდგენილია ამერიკის გულის ასოციაციაში (AHA), ადამიანები, რომლებმაც საუკეთესოდ შეასრულეს ეს რვა რამ გულის ოპტიმალური ჯანმრთელობის მისაღწევად, საშუალო ბიოლოგიური ასაკი ქრონოლოგიურ ასაკზე დაახლოებით ექვსი წლით ნაკლები ჰქონდათ.
,,როგორც კი გულის ჯანმრთელობა უმჯობესდება, ბიოლოგიური დაბერება ნელდება. ეს მნიშვნელოვანია, რადგან ბიოლოგიური დაბერების დაქვეითება ასოცირდება სიკვდილის და დაავადებების დაბალ რისკთან, კარგ ჯანმრთელობასთან და ცხოვრების ხანგრძლივობის გაზრდასთან“, - აღნიშნულია კვლევაში.
ამის საპირისპიროდ, კვლევაში მონაწილე ადამიანები, რომლებსაც ჰქონდათ ყველაზე ცუდი გულ-სისხლძარღვთა ჯანმრთელობა, ბიოლოგიურად დაახლოებით ხუთი წლით უფროსები იყვნენ, ვიდრე მათი ქრონოლოგიური ასაკი.
სასიცოცხლოდ აუცილებელი 8 ფაქტორი გულის ჯანმრთელობისთვის
რვავე ფაქტორი, რომელიც მკვლევარებმა შეაფასეს, ასახავს იმას, რაც ადამიანებს შეუძლიათ გააკეთონ გულისთვის ჯანსაღი ცხოვრების წესის წარმართვისთვის.
დიეტა: დაიცავით ხმელთაშუა ზღვის სტილის კვების სქემა, რომელიც მოიცავს მთლიან საკვებს, უამრავ ხილსა და ბოსტნეულს, ცილას, თხილს, თესლს და ჯანსაღ ზეთებს, როგორიცაა ზეითუნი.
ვარჯიში: ამერიკის გულის ასოციაციის თანახმად, მიზნად დაისახეთ 150 წუთი ზომიერი ინტენსივობის ვარჯიში ან 75 წუთი ენერგიული ვარჯიში ყოველ კვირას.
თამბაქო: მოერიდეთ ნიკოტინის ყველა ფორმას, ელექტროსიგარეტის ჩათვლით, ისევე როგორც სიგარეტს და სიგარას.
წონა: შეინარჩუნეთ ნორმალური სხეულის მასის ინდექსი (BMI).
ქოლესტერინი: მთლიან ქოლესტეროლზე ფოკუსირების ნაცვლად, შეეცადეთ შეამციროთ სისხლში მავნე ცხიმები, როგორიცაა ტრიგლიცერიდები და დაბალი სიმკვრივის ლიპოპროტეინების (LDL) ქოლესტერინი.
სისხლში შაქარი: შეინარჩუნეთ სისხლში შაქრის ჯანსაღი დონე, რომელიც შეიძლება შემოწმდეს სისხლის ტესტებით, რომლებიც აჩვენებს ჰემოგლობინის A1C დონეს. ეს ასახავს სისხლში შაქრის საშუალო დონეს დაახლოებით სამი თვის განმავლობაში.
არტერიული წნევა: ამერიკის გულის ასოციაციის რეკომენდაციით, შეეცადეთ შეინარჩუნოთ არტერიული წნევა 120/80 მმ Hg-ზე დაბლა.
ძილი: მოზრდილებს უნდა ეძინოთ შვიდიდან ცხრა საათის განმავლობაში.
არასოდეს არის გვიან თქვენი ჯანმრთელობის გასაუმჯობესებლად
,,იმის ცოდნა, თუ რამდენად კარგად ასრულებთ ამ რვა პუნქტს, დაგეხმარებათ ფოკუსირება მოახდინოთ იმაზე, რისი გაუმჯობესებაც შეგიძლიათ, არასდროს არ არის გვიან, რომ შეეცადოთ გააუმჯობესოთ თქვენი გულ-სისხლძარღვთა ჯანმრთელობის მაჩვენებელი, თუმცა, რაც ადრე დაიწყებთ, მით უკეთესი. ჩვენ ვხედავთ სარგებელს გულ-სისხლძარღვთა ჯანმრთელობის გაუმჯობესებაში ცხოვრების ყველა ეტაპზე,”- აღნიშნულია კვლევაში.
ადამიანებს, რომლებიც არ არიან დარწმუნებულნი, როგორ დაიწყონ გაუმჯობესება, შეიძლება სურდეთ თანდათანობით დაიწყონ და ყურადღება გაამახვილონ ჯანმრთელობის ჩვევებზე, როგორიცაა ძილი, ვარჯიში და კვება, რადგან კვებისა და ვარჯიშის ჩვევების გაუმჯობესებამ შეიძლება გამოიწვიოს სხვა მნიშვნელოვანი ფაქტორების გაუმჯობესება, როგორიცაა არტერიული წნევა ან წონა.