გვირგვინოვანი სისხლძარღვების შევიწროვება გულის იშემიური დაავადების მაპროვოცირებელია, რაც სტენოკარდიით, გულის რიტმის დარღვევით ან მიოკარდიუმის ინფარქტითაც კი შეიძლება გამოვლინდეს
გვესაუბრება ნოდარ ემუხვარი.
- რა ცვლილებებს იწვევს გულის გვირგვინოვანი სისხლძარღვების შევიწროება?
- გულის გვირგვინოვანი სისხლძარღვების ათეროსკლეროზული შევიწროება გულის იშემიური დაავადების საფუძველია. იშემია ნიშნავს ამა თუ იმ მიზეზით სისხლის მიწოდების შეფერხებით გამოწვეულ ქსოვილოვან ჰიპოქსიას (ჟანგბადის ნაკლებობას).
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
გულის კუნთის იშემიას საფუძვლად უდევს გულის მუშაობასა და ჟანგბადით მის მომარაგებას შორის არსებული დისბალანსი. გულის მოთხოვნილება ჟანგბადზე განსაკუთრებით მაღალია ფიზიკური დატვირთვის დროს. სწორედ ამ პირობებში ვლინდება ხშირად გულის გვირგვინოვანი სისხლძარღვების შევიწროებისათვის დამახასიათებელი სიმპტომები.
- როგორ ვლინდება კლინიკურად გვირგვინოვანი სისხლძარღვების შევიწროება, რა უწყობს ხელს დაავადების კლინიკურ მანიფესტაციას?
- გულის იშემიური დაავადება შეიძლება გამოვლინდეს უეცარი სიკვდილით, მიოკარდიუმის ინფარქტით, სტენოკარდიით, გულის რიტმის დარღვევით, გულის უკმარისობით ან საერთოდ უსიმპტომოდ მიმდინარეობდეს. სტენოკარდიისთვის ტიპურია მოჭერითი ხასიათის ტკივილი მკერდის ძვლის უკან, რაც ხშირად ფიზიკურ დატვირთვას უკავშირდება.
შევიწროებული კორონარული არტერიები ვერ უზრუნველყოფენ გულს სათანადო რაოდენობის ჟანგბადით, მით უფრო - ფიზიკური დატვირთვისას, როცა გულის შეკუმშვათა სიხშირე მკვეთრად იზრდება. ტკვილის მაპროვოცირებელი ფაქტორი შეიძლება იყოს ფსიქოემოციური სტრესიც. ტიპურ შემთხვევებში ტკივილი რამდენიმე წუთში გაივლის ფიზიკური აქტივობის შეწყვეტის შემდეგ. სტენოკარდიის ამ სახეს დაძაბვის სტენოკარდიას უწოდებენ.
გარდა ამისა, არსებობს მოსვენების სტენოკარდიაც, რომლის დროსაც ტკივილი აღმოცენდება ფიზიკური დატვირთვის გარეშე, მოსვენებისას, რაც პროგნოზულად უფრო მძიმე მდგომარეობაა. რიგ შემთხვევაში გულის იშემიური დაავადება ვლინდება ქოშინით, რაც სტენოკარდიის ეკვივალენტია. გულის გვირგვინოვანი სისხლძარღვის სრული დახშობისას ვითარდება მიოკარდიუმის ინფარქტი.
