ზამთარი გულით დავადებულებისათვის საყურადღებო პერიოდია
30.12.2019
კარდიოლოგები გვაფრთხილებენ, რომ ზამთრის პერიოდში ტემპერატურის დაქვეითების ფონზე, განსაკუთრებული ყურადღება უნდა მივაქციოთ გულისა და სისხლძარღვების
მდგომარეობას. ზამთარში ორგანიზმი ცდილობს ტემპერატურის სხვაობას შეეგუოს, მაგრამ ყოველთვის ეს არ გამოდის, რაც მიოკარდიუმის ინფარქტის რისკს ზრდის.
თუ ადამიანს გულმკერდის, ზურგის, ყბისა და კისრის მიდამოში 20 წუთის განმავლობაში აღენიშნება ტკივილი, წვისა და ზეწოლის შეგრძნება, სავარაუოდოდ გულის შეტევასთან უნდა გვქონდეს საქმე, რაც გადაუდებელ სამედიცინო დახმარებას საჭიროებს.
მაღალი წნევის მქონე, მწეველი, 50 წელს გადაცილებული პირები მომატებული რისკის ქვეშ იმყოფებიან. ისინი უნდა მოერიდონ ტემპერატურის მკვეთრ ცვლილებას და უარი თქვან სიცივეში ინტენსიურ ვარჯიშზე.
ლალი ჩხიკვაძე
