ვეგეტარიანული დიეტა ეფექტური აღმოჩნდა გულის დაავადებების პროფილაქტიკისათვის
სამუშაოს შედეგები გამოქვეყნდა ჟურნალში JAMA Network Open.
ავტორებმა ჩაატარეს 20 რანდომიზებული კლინიკური კვლევის მეტა-ანალიზი, რომლებიც ჩატარდა 22 წლის განმავლობაში. მასში მონაწილეობა მიიღო თითქმის 2000-მა ადამიანმა აშშ-დან, ჩეხეთიდან, იტალიიდან, ირანიდან, კორეიდან, ახალი ზელანდიიდან და ჩინეთიდან.
მკვლევარებმა შენიშნეს, რომ ტრადიციულ დიეტებთან შედარებით, ვეგეტარიანული დიეტა მნიშვნელოვნად ამცირებს დაბალი სიმკვრივის ლიპოპროტეინების (LDL) დონეს, რომელსაც ასევე უწოდებენ "ცუდ" ქოლესტერინს. გარდა ამისა, რაციონიდან ხორცის ამოღების შემდეგ, გულ-სისხლძარღვთა დაავადებების მაღალი რისკის მქონე მონაწილეები მუდმივად იკლებდნენ წონაში (-3,6 კილოგრამი), წონის კლება აღინიშნა ასევე ტიპი 2 დიაბეტის მქონე ადამიანებში (-2,8 კილოგრამი). ამასთან ვეგეტარიანელებს, საშუალოდ, სისხლში გლუკოზის უფრო ჯანსაღი დონე ჰქონდათ.
აღმოჩენა აჩვენებს, რომ ვეგეტარიანული დიეტის გამოყენება შესაძლებელია მედიკამენტოზური თერაპიის ეფექტის გასაძლიერებლად კარდიომეტაბოლური დაავადებების პროფილაქტიკასა და მკურნალობაში.
