ტყუილ-მართალი გრიპის პრევენციის შესახებ
მართალია, რომ თუ შარშან უკვე გვქონდა გრიპი, წელს არაღ დავავადდებით?
ეს არ შეესაბამება სიმართლეს- მაინც არსებობს გრიპით დაინფიცირების საშიშროება. მეტიც, გრიპით დაავადება მაშინაც კი არის შესაძლებელი, წელაც რომ გქონდეთ გადატანილი. ამ დაავადების გამოწვევა შეუძლია სამი ტიპის ვირუსს - A, B და C. ადამიანმა, რომელმაც ერთი ტიპის ან მისი ნაირსახეობის გრიპით იავადმყოფა, არ იძენს იმუნიტეტს დანარჩენი ვირუსებით გამოწეული გრიპის წინააღმდეგ.
პრობლემას ართულებს ის, რომ გრიპის ვირუსები ძალიან ცვალებადია, ამიტომ ყოველწლიურად გრიპის ახალ შტამებთან გვაქვს საქმე. ეს არის გრიპით ყოველწლიურად ავადობის მთავარი მიზეზი.
მართალია, რომ ვაქცინაცია არ იძლევა გრიპისგან 100%-იან დაცვის საშუალებას და ამიტომ არ ღირს მისი გაკეთება?
ვაქცინაცია დღეს გრიპის პრევენციის ყველაზე ეფექტური საშუალებაა. იგი ტარდება შემოდგომაზე, ეპიდემიის დაწყებამდე -სექტემბრიდან ნოემბრამდე. მაგალითად, თუ კოლექტივში თანამშრომელთა 70-80% ვაქცინირებულია, მაშინ ისინი კოლექტივში ქმნიან იმუნურ ფენას, რაც საიმედოდ გვიცავს გრიპისგან. დროული ვაქცინაცია რამდენჯერმე ამცირებს გრიპით ავადობის შემთხვევას, აადვილებს დაავადების მიმდინარეობას, ამცირებს მის ხანგრძლივობას და ხელს უშლის გართულებებს. გრიპის საწინააღმდეგო ვაქცინაცია ამცირებს ისეთი არა გადამდები დაავადებების განვითარებას ან გამწვავების რისკს, როგორიცაა მიოკარდიუმის ინფარქტი, ინსულტი, ბრონქული ასთმა, ბრონქიტი და სხვა.
მართალია. რომ მარლის ნიღაბი გრიპისგან 100%-ით დაიცავს გარანტია?
ინფიცირების თავიდან ასაცილებლად, უმჯობესია მაქსიმალურად მოერიდოთ ავადმყოფთან მჭიდრო კონტაქტს (2 მეტრზე ნაკლები). თუ ამ წესის დაცვა შეუძლებელია (მაგალითად, თქვენ ზრუნავთ გრიპით დაავადებულ ბავშვზე), მაშინ ატარეთ ერთჯერადი მარლის ნიღაბი. მოხსნის შემდეგ ნიღაბი დაუყონებლივ გადააგდეთ სანაგვეში. გამოყენებული ნიღბის გარეცხვა და ხელახლა მოხმარება დაუშვებელია.
თუ იყენებთ მრავალჯერად ნაჭრის ნიღაბს (უმჯობესია ერთჯერადი ნიღბის გამოყენება), მაშინ ის უნდა გარეცხოთ სარეცხი საპნით და გაშრობის შემდეგ დააუთოოთ ცელი უთოთი.
სახის ნიღბის მოხსნის შემდეგ ხელები საპნით დაიბანეთ ან გამოიყენეთ ალკოჰოლის შემცველი ხელის სადეზინფექციო საშუალება. მოერიდეთ თვალებზე, ცხვირსა და პირზე დაუბანელი ხელებით შეხებას, რადგან ინფექცია ამ გზითაც ვრცელდება.
მართალია, რომ ნიორი შესანიშნავად დაგვიცავს გრიპისგან?
ნიორი მართლაც სასარგებლოა, მაგრამ მხოლოდ მისი გამოყენება არ არის საკმარისი.
პრევენცია, უპირველეს ყოვლისა, ორგანიზმის თავდაცვისუნარიანობის გაზრდაზე უნდა იყოს მიმართული. ესენია: ფიზიკური აქტიურობა, გაკაჟება და დაბალანსებული კვება (ახალი ბოსტნეული და ხილი, წვენები, ხორცი ან თევზი დღეში ერთხელ), დროული დასვენება
რეკომენდებულია ვიტამინისა და მინერალური კომპლექსების მიღება.
გრიპის ეპიდემიის დროს, რაციონში შეიტანეთ ბუნებრივი ფიტონციდები - ნიორი და ხახვი, ასევე გამაგრილებელი (არა გაზიანი)სასმელები.
თუ უკვე გაქვთ უსიამოვნო სიმპტომები - მაღალი ტემპერატურა, შემცივნება, კუნთებისა და სახსრების ტკივილი, სურდო, უხეში ხველა, მაშინ ხალხური საშუალებებიდან სასარგებლოა ხახვის, ნივრის, ჟოლოს, თაფლის, მდოგვის საფენების, ალოეს წვენის და სხვ. გამოყენება. პაციენტზე ზრუნვისას დაიცავით პირადი ჰიგიენის წესები, რეგულარულად გაანიავეთ ოთახი და განახორციელეთ სველი წმენდა.
მართალია, რომ გრიპით და ზედა სასუნთქი გზების ინფექციებით ყველაზე ხშირად სუსტი იმუნური სისტემის მქონე ადამიანები ავადდებიან?
ყველაზე ხშირად გაციებასთან ასოცირებული დაავადებები არაჯანსაღი ცხვრების წესის მქონე ადამიანებს ემართებათ. ისინი ცოტას მოძრაობენ, ნაკლებ დროს ატარებენ სუფთა ჰაერზე, ბევრს ნერვიულობენ, არ სძინავთ საკმარისად, ძალიან ბევრს შრომობენ, ეწევიან, ბოროტად იყენებენ ალკოჰოლს. ყოველივე ეს იმუნიტეტს ამცირებს.
ორსულებსაც აქვთ გრიპის გართულებებისკენ მომატებული რისკი, რადგან ორსულობის პერიოდში მათი იმუნიტეტი შეიძლება გარკვეულწილად დათრგუნული იყოს.
მართალია, რომ გრიპით ავადმყოფობის დროს ბევრი სითხე უნდა ვსვათ?
დაავადების პირველივე სიმპტომების გაჩენისთანავე საჭიროა, რაც შეიძლება ხშირად მიიღოთ სითხეები - წყალი, მცენარეული და ვიტამინის ჩაი. მათ მედიკამენტებთან ერთად ორგანიზმიდან ტოქსინებს გამოაქვს.
ეცადეთ, რომ კვების რაციონში მეტი რძისა და მცენარეული პროდუქტები შეიტანოთ. უარი უნდა თქვას ცხარე საკვებზე.
მართალია, რომ გრიპით დაავადების პირველივე სიმპტომების დროს უნდა დავლიოთ წიწაკიანი არაყი?
არავითარ შემთხვევაში! ალკოჰოლს შეუძლია მხოლოდ გააუარესოს დაავადების მიმდინარეობა.
მართალია, რომ ანტივირუსული საშუალებები შეიძლება გამოვიყენოთ გრიპის არა მხოლოდ სამკურნალოდ, არამედ პრევენციისთვისაც?
გრიპის პროფილაქტიკისთვის შეიძლება გამოყენებულ იქნას გარკვეული ანტივირუსული პრეპარატები. მაგრამ აუცილებლად გადაამოწმეთ ექიმთან, რათა გაირკვეს, ხომ არ გავთ ამ პრეპარატის მიმართ რაიმე უკუჩვენება.
მართალია, რომ გრიპს ადვილად ამოიცნობ მაღალი ცხელებით?
მხოლოდ ექიმს შეუძლია სწორი დიაგნოზი დასმა და სწორი მკურნალობის დანიშვნა. ტიპიურ შემთხვევებში დაავადება უეცრად იწყება: ტემპერატურა 38-40 გრადუსამდე მატულობს, ჩნდება შემცივნება, ძლიერი თავის ტკივილი, თავბრუსხვევა, თვალის კაკლისა და კუნთების ტკივილი, ცრემლდენა და თვალების ტკივილი. პირველივე სიმპტომების დროს უნდა მიმართოთ ექიმს.
ინკუბაციური პერიოდი გრძელდება რამდენიმე საათიდან 2-3 დღემდე. დაავადების ხანგრძლივობა დაახლოებით ერთი კვირაა.
ავადმყოფობის დროს დარჩით საწოლში და დაიცავით ექიმის ყველა რეკომენდაცია. არ უნდა ჩაიტაროთ თვითმკურნალობა.
გრიპის შეიძლება გართულდეს ყურის, ყელის, ცხვირის დაავადებებით, ნერვული სისტემის პათოლოგიებით, პნევმონიით. ასევე შეიძლება გამოიწვოს გულ-სისხლძარღვთა სისტემის, თირკმელების, ბრონქების, ფილტვის ქრონიკული დაავადებებისა და შაქრიანი დიაბეტის გამწვავებები.
გრიპის პირველივე სიმპტომების გაჩენის შემთხვევაში უნდა დარჩეთ სახლში და მიმართოთ ექიმს. ამასთან, ნუ დააყოვნებთ სასწრაფოს გამოძახებას, თუ ტემპერატურა 39-40 გრადუსამდე აიწევს ან/და გაქვთ ქოშინი, ცნობიერების დაქვეითება, გულმკერდის ტკივილი, ციანოზი, ღებინება, კრუნჩხვები. თუ მდგომარეობა საშუალო სიმძიმისაა, შეგიძლიათ სახლში გამოიძახოთ ექიმი.
გისურვებთ ჯანმრთელობას