სპეციალისტებმა დაასახელეს მიზეზი, რის გამოც SARS-CoV-2 მამაკაცებთან უფრო ხშირად იწვევს ლეტალობას ვიდრე ქალებთან
და ტექნოლოგიების უნივერსიტეტის მკვლევარებმა გამოაქვეყნეს სტატია, რომელშიც დასახელებულია ის სავარაუდო მიზეზები, რომელთა გამოც მამაკაცებთან COVID-19-ის მიმდინარეობა უფრო მაღალი ლეტალობით გამოირჩევა. მკვლევარებმა შეისწავლეს სისხლის პლაზმა 331 ჰოსპიტალიზებული პაციენტისა, რომელთა შორის 127 მამაკაცი, ხოლო 204 ქალი იყო. პაციენტთა საშუალო ასაკი 45 წელს შეადგენდა.
ექსპერტებმა დაადგინეს, რომ IgG- ანტისხეულების (ცილები, რომლებსაც იმუნური სისტემა ინფექციის შეჭრის საპასუხოდ გამოიმუშავებს) კონცენტრაცია სხვადასხვა სქესის პაციენტთა სისხლში არსებითად არ განსხვავდება COVID-19-ის მსუბუქი და საშუალო ფორმებისას, მაშინ როცა, მძიმე პაციენტებთან მნიშვნელოვანი განსხვავება ფიქსირდება. მდედრობითი სქესის მძიმე პაციენტებს მამაკაცებთან შედარებით 20-25 %-ით მეტი ანტისხეული აღმოაჩნდათ SARS-CoV-2 წინააღმდეგ.
მკვლევარებმა ნახეს IgG- ანტისხეულების დონის მნიშვნელოვანი განსხვავება მძიმე პაციენტთა შორის სიმპტომების დაწყებიდან მე-3 და მე-5 კვირებს შორის შუალედში. ეს განსხვავება და კვლევებით გამოვლენილი კიდევ რამდენიმე ფაქტორი ხსნის, განმარტავს დაავადების განვითარების განსხვავებულ დინამიკას სხვადასხვა სქესის პაციენტებს შორის.
სხვა ფაქტორებს შორის სახელდება:
• ჰორმონული ფონის დამცველობითი სტატუსი, კერძოდ ტესტოსტერონის მაღალი დონე მამაკაცებთან, რომელიც რამდენადმე იმუნოსუპრესიას ანუ იმუნური პასუხის დათრგუნვას განაპირობებს;
• ჰემოგლობინის საშუალო მაჩვენებელი, რომელიც მამაკაცებს უფრო მაღალი აქვთ;
• მავნე ჩვევები, თამბაქოს მოწევა, ალკოჰოლისა და ფსიქოაქტიური ნივთიერებების მოხმარება, რომელიც მამაკაცებს შორის უფრო ხშირია ქალებთან შედარებით.