რატომ უნდა აიცრან ქრონიკულად მოავადენი პნევმოკოკური ვაქცინით, თუკი ის კორონავირუსისგან არ გვიცავს - "მკურნალის" განმარტება
პნევმოკოკის ვაქცინით აცრა. როგორც ტიკარაძემ მთავრობის ადმინისტრაციაში გამართულ ბრიფინგზე განაცხადა, არსებობს მტკიცებულებები, რომ პნევმოკოკის ვაქცინა ეფექტიანია და მას ბევრ წამყვან ქვეყანაში იყენებენ.
"გართულებების თავიდან ასაცილებლად ეს აცრა ნამდვილად იქნება ეფექტიანი, ვინაიდან, ამ აცრასთან დაკავშირებით არსებობს არაერთი სამეცნიერო ნაშრომი და მტკიცებულება, რომ ის არის ეფექტური. ძალიან ბევრი წამყვანი ქვეყანა მიმართავს თავის მოსახლეობაში ამ აცრებს. ჩვენს შემთხვევაში მიმდინარეობს დეტალური დამუშავება იმ აცრების კალენდრის, თუ როგორ და როდის მოხდება ქრონიკური დაავადების მქონე პირების აცრა პნევმოკოკის აცრით. როგორც კი პროექტი იქნება დასრულებული, ჩვენ მივიღებთ შესაბამის ზომებს და მივმართავთ ამ ღონისძიებებს",- განაცხადა ტიკარაძემ.
მკითხველისთვის გვინდა გავაკეთოთ განმარტება პნევმოკოკის ვაქცინასთან დაკავშირებით.
როგორც ვიცით, კორონავირუსუსლი ინფექცია ხშირ შემთხვევაში იწვევს ვირუსულ პნევმონიას, რომელიც შეიძლება გართულდეს, ზოგიერთ შემთხვევაში ვირუსულ ინფექციას თან ერთვის ბაქტერიული ანთებაც და ეს იწვევს მძიმე გართულებებს. ასეთი სცენარი განსაკუთრებით ხშირი ქრონიკული პათოლოგიების ქმონე პაციენტებში აღინიშნება.
პნევმოკოკური ვაქცინა არ იცავს ადამიანს კორონავირუსისგან და არც პნევმონიის განვითარებისგან, მაგრამ იცავს მას მეორეული გართულებისგან და პნევმონიის მძიმე მიმდინარეობისგან ზოგიერთ შემთხვევაში. ანალოგიურად, სხვა ქვეყნების ჯანდაცვის ორგანიზაციები ურჩევენ რისკ-ჯგუფში მყოფ ადამიანებს, რომ აუცილებლად აიცრან გრიპის საწინააღმდეგო სეზონური ვაქცინითაც, რათა არ მოხდეს ამ ინფექციის თანდართვა და იმუნიტეტის კიდევ უფრო დასუსტება.
ასევე წაიკითხეთ: