ჩინელმა ექსპერტმა ევროპაში COVID-19-ზე გამარჯვების ვადები დაასახელა
ევროპის ქვეყნები არ უნდა ელოდნონ კორონავირუსზე სწრაფ გამარჯვებას. კონტინენტს ამისათვის შეიძლება დასჭირდეს ორი წელიც კი.
"სრულიად ნორმალური იქნება, თუ ვირუსი პერიოდულად გამოჩნდება და გაქრება, რაც გაგრძელდება ერთი ან ორი წელი. შემიძლია გითხრათ, რომ ევროპაში პანდემია უახლოეს მომავალში არ დასრულდება"-განაცხადა ჩანმა გერმანიის ქალაქ დიუსელდორფში, ჩინეთის გენერალური საკონსულოს მიერ ორგანიზმებულ ვიდეოკონფერენციაზე.
მისი თქმით, პანდემია გაჭიანურდება და როდის დაექვემდებარება კონტროლს-ამ თუ მომდევნო ზაფხულს- დამოკიდებულია მისი შეჩერებისაკენ მიმართულ გლობალურ ძალისხმევაზე. დროის მოკლე მონაკვეთში პრობლემის გადასაჭრელად, საჭიროა ზედმიწევნით რადიკალური ღონისძიებების გატარება.
როგორც ექსპერტმა აღნიშნა, "ძნელი წარმოსადგენია, მაგრამ მთელ მსოფლიოში შესაძლებელი რომ იყოს ოთხი კვირით ყველა გადაადგილების შეწყვეტა, პანდემიის შეჩერება რეალური იქნებოდა".
ექსპერტის განცხადებით, ჩინეთს კორონავირუსთან ბრძოლაში დაეხმარა ის, რომ ინფექციის გავრცელების საწყის ეტაპზე, ბევრი საწარმო, სასწავლო დაწესებულება დახურული იყო, რამაც მნიშვნელოვნად შეამცირა მოსახლეობის კონტაქტები.
ევროპაში, კორონავირუსით დაავადებულთა და გარდაცვლილთა რაოდენობის მიხედვით ისევ იტალია ლიდერობს.
ასევე წაიკითხეთ: