მუცლის ფუნქციური ტკივილი არის მუცლის არეში ტკივილის ყველაზე გავრცელებული მიზეზი, რომელიც გრძელდება ორი თვის ან მეტი ხნის განმავლობაში ბავშვებში და მოზარდებში.
რა არის მუცლის ფუნქციური ტკივილი
გონება და სხეული მჭიდროდ არის დაკავშირებული. სტრესმა - განსაკუთრებით ქრონიკულმა სტრესმა, დეპრესია, და შფოთვამ - შეიძლება გამოიწვიოს ტკივილი. ზოგჯერ ტკივილი სტრესის ერთადერთი სიმპტომია, განსაკუთრებით ბავშვებში. თუმცა, ზოგიერთ შემთხვევაში, ტკივილის მიზეზი არა სტრესი, არამედ ინფექცია ან სხვა დაავადებაა და რჩება მას შემდეგაც, რაც დაავადება გაქრება.
ფუნქციური მუცლის ტკივილის საერთო სიმპტომები
მუცლის ფუნქციური ტკივილის მქონე ბავშვებს შეიძლება ჰქონდეთ მსუბუქი სიმპტომები, ან შეიძლება ჰქონდეთ უფრო მძიმე სიმპტომები, რომლებიც ხელს უშლისყოველდღიურ ცხოვრებას. ტკივილებთან ერთად მათ შეიძლება ჰქონდეთ გულისრევა, ღებინება, ყაბზობა ან დიარეა.შეიძლება ჰქონდეთ ცუდი მადა ან უჩიოდნენ ძალიან სწრაფად დანაყრებას.
როდის უნდა მიმართოთ ექიმს
მნიშვნელოვანია ექიმთან კონსულტაცია, თუ ბავშვს მუცლის არეში ქრონიკული ტკივილი აქვს. მათ უნდა გაიარონ ფიზიკური გამოკვლევა და შესაძლოა ექიმს დასჭირდეს გარკვეული ანალიზების ჩატარება, რადგან არსებობს მრავალი სამედიცინო მდგომარეობა, რამაც შეიძლება გამოიწვიოს ქრონიკული ტკივილი.
განსაკუთრებით მნიშვნელოვანია ექიმთან ვიზიტი თუ ბავშვი:
- წონაში იკლებს;
- აქვს ძლიერი ტკივილი;
- აქვს ცხელება, გამონაყარი;
- სახსრების ტკივილი ან დაავადების სხვა ნიშნები
თუ გამოკვლევების გავლის შემდეგ არ დადგინდა რაიმე სამედიცინო მდგომარეობა და ბავშვი არ იკლებს წონაში, დიდი ალბათობით, ტკივილის მიზეზი შესაძლოა იყოს მუცლის ფუნქციური ტკივილი.
არსებობს მრავალი გზა, რაც ეხმარება ბავშვს მუცლის ფუნქციური ტკივილის დიაგნოზის დადგენის შემდეგ. ესენია:
ბავშვის ცხოვრებაში სტრესული ფაქტორების გააზრება და მართვა. ექიმის მიერ რეკომენდებული მედიკამენტები დაგეხმარებათ მდგომარების შემსუბუქებაში.
კოგნიტური ქცევითი თერაპია - არის ერთგვარი თერაპია, რომელიც ასწავლის ტკივილის მართვის სტრატეგიებს, ისევე როგორც სტრესის მართვას. სტრესის მართვას ხელს უწყობს მედიტაცია, იოგა.
შეიძლება სასარგებლო იყოს პრობიოტიკები და სხვა დანამატები ზოგჯერ გამოიყენება ტკივილის შესამსუბუქებლად და თავიდან ასაცილებლად.
სასურველია რეგულარული ვიზიტი ექიმთან, რათა შემოწმდეს ეფექტურია თუ არა მკურნალობა. თუ მდგომარეობა არ გაუმჯობესდა, აუცილებელია კვლავ გასტროენტეროლოგთან მიმართვა.
