როგორ და როდის აღმოვფხვრათ ტუჩისა და სასის ნაპრალი - მკურნალი.გე

რუბრიკები

ოჯახის მკურნალის ანონსი

მარტი 2020

კითხვა-პასუხი

როგორ და როდის აღმოვფხვრათ ტუჩისა და სასის ნაპრალი

როგორ და როდის აღმოვფხვრათ ტუჩისა და სასის ნაპრალი
ტუჩისა და სასის ნაპრალი ხალხში ცნობილია კურდღლის ტუჩისა და მგლის სასის სახელწოდებით. რა დეფექტთან გვაქვს საქმე და როგორ უნდა გამოსწორდეს ეს პრობლემა? გვესაუბრება თბილისის სახელმწიფო სამედიცინო უნივერსიტეტის რექტორი, ამავე უნივერსიტეტის ბავშვთა და მოზარდთა ყბა-სახის ქირურგიის მიმართულების ხელმძღვანელი, სახისა და ყბების განვითარების თანდაყოლილი მანკების მქონე ბავშვების მკურნალობისა და რეაბილიტაციის ეროვნული ცენტრის ხელმძღვანელი, მედიცინის მეცნიერებათა დოქტორი, პროფესორი ზურაბ ვადაჭკორია.


- ბატონო ზურაბ, რამდენად ხშირად გხვდებათ თქვენს პრაქტიკაში ბავშვები სასის და ტუჩის ნაპრალით?
- ა
დამიანის განვითარების თანდაყოლილი მანკებიდან განსაკუთრებულად ხშირად გვხვდება ზედა ტუჩისა და სასის თანდაყოლილი ნაპრალი. ამ პათოლოგიის წილად მოდის თავისა და კისრის თანდაყოლილი დაავადებების 75%-ზე მეტი. მსოფლიოს სხვადასხვა ქვეყნის მკვლევართა მონაცემებით, ყოველ 270-1700 ახალშობილზე ერთი ნაპრალიანი ბავშვი იბადება. საქართველოში ზედა ტუჩისა და სასის თანდაყოლილი ნაპრალის გავრცელება პირველად თბილისის სახელმწიფო სამედიცინო უნივერსიტეტისა და ყბებისა და სასის განვითარების
თანდაყოლილი მანკების მქონე ბავშვების მკურნალობისა და რეაბილიტაციის ეროვნული ცენტრის ყბა-სახის ქირურგებმა შეისწავლეს. განვითარების ამ მანკის გავრცელების მაჩვენებელი საქართველოში 1000 ახალშობილზე 1.19-ს შეადგენს (ანუ 840 ცოცხლადშობილზე ნაპრალის მქონე 1 ბავშვი იბადება).

- რამ შეიძლება გამოიწვიოს ეს მანკი?
- მონაცემები ზედა ტუჩისა და სასის თანდაყოლილი ნაპრალის შესახებ უძველესი დროიდან არსებობს. ნაპრალი ეგვიპტურ მუმიასაც კი აღმოუჩინეს. I-II საუკუნეებში ცელსიუსი და გალენუსი აღწერდნენ განვითარების ამ მანკს. ზედა ტუჩისა და სასის თანდაყოლილი ნაპრალები პოლიგენურ მულტიფაქტორულ დაავადებებს განეკუთვნება. განვითარების ამგვარი მანკი შეიძლება გამოიწვიოს:

  • ჩასახვისას დედის ან მამის არაფხიზელმა მდგომარეობამ (ალკოჰოლური სიმთვრალე, ნარკოტიკული საშუალებების ზემოქმედება);
  • ნათესაურმა ქორწინებამ;
  • ორსულობის დასაწყისში დედის მიერ გადატანილმა ვირუსულმა დაავადებამ;
  • ძლიერმა ემოციურმა სტრესმა;
  • გარემოს მავნე ზემოქმედებამ (შხამ-ქიმიკატები, რადიაცია);
  • ორსულის არასრულფასოვანმა კვებამ და სხვა.

ყურადსაღებია მემკვიდრეობითი განწყობაც.


- აქვს თუ არა მნიშვნელობა ამ დეფექტის განვითარებისთვის ბავშვის სქესს?
- თითქმის ყველა მკვლევრის მონაცემებით, ნაპრალის ორი ტიპი - ზედა ტუჩის იზოლირებული ნაპრალი და ზედა ტუჩისა და სასის კომბინირებული ნაპრალი - ვაჟებში გაცილებით ხშირად გვხვდება. მხოლოდ ერთი ტიპის ნაპრალი - სასის იზოლირებული ნაპრალი - აღენიშნებათ უმეტესად გოგონებს.

- ტუჩისა და სასის ნაპრალი ყოველთვის შერწყმულია თუ იზოლირებულადაც ვითარდება?
- აუცილებელია დაზუსტება: როდესაც საუბარია ტუჩის ნაპრალზე, როგორც წესი, იგულისხმება ზედა ტუჩის ნაპრალი. ქვედა ტუჩის ნაპრალი ძალზე იშვიათია და ასეთი შემთხვევები სპეციალურ ლიტერატურაში ცალკე აღიწერება. ნაპრალი შეიძლება შეგვხვდეს როგორც იზოლირებულად - ცალკე ზედა ტუჩის ან ცალკე სასის ნაპრალის სახით, ისე კომბინირებულადაც - ზედა ტუჩისა და სასისა ერთდროულად. ზედა ტუჩის იზოლირებული ნაპრალის, ზედა ტუჩისა და სასის კომბინირებული ნაპრალის და სასის იზოლირებული ნაპრალის გავრცელების ურთიერთთანაფარდობა დაახლოებით 1.0:1.7:1.0-ია.



გააკეთეთ კომენტარი
თარიღი : 06-09-2018
ნინი
იქნებ გამოასწოროთ ეგ "თქვენი ვითომ განათლება " და ამ დეფექტს გადაარქვათ სახელი!! არცერთ დედას არ სიამოვმებს ცხოველთან ასოცირებული სახელი!! პლიუს ამას რომ იძახით მუმიას აღმოაჩნდაო, დაფიქრით მაინც რეებს ბოდავთ! სწორედ რომ ბოდვაა თქვენი ეგრედ წოდებული ზეეგანათლება ! შემირცხვენია თქვენნაირი განათლებული ექიმები!! მაგრამ ეს ხომ საქართველოა! ბევრი გამოუცდელი მომლოდინე დედა მშობელი რომელიც ელოდება შვილს და ასეთ რამეს იგებს მუცლად მყოფ ნაყოფზე , ჯერ ხომ როგორი დარტყმაა ასეთი სახელით წოდება დეფექტზე, შემდეგ კი აქ წერთ ათასგვარ საშინელ განმარტებას!!! ექიმი იმიტომ გქვია რომ მიდგომა უნდა იცოდე პაციენტებთან ფსიქოლოგიურად უნდა დაამშვიდო და არა გააგიჟო! ყველა გამოუცდელი დედა აქ კითხულობს ასეთ თქვენს მიერ დაწერილ მონაროშს !! შემდეგ კი გამოდიხართ ტელევიზიაში და იძახით შვილებს ტოვებენ საავადმყოფოშიო, თქვენი უგუნური ახსნის გამო ტოვებენ შვილებს და უარეს შემთხვევაში კი თვითმკლელობამდე მიდიან!! გრცხვენოდეთ, ასეთი განათლება დამისამარებია, კლასიკურ განათლებას რა ფასი აქვს თუკი შინაგანი არ გაგაჩნიათ !! არც ცენზურას დავიცავ და არც სიტყვებს გავუკეთებ კორექტირებას თქვენისთანა ექიმების წინაშე! მე ჩემი ზრდილობა და ადამიანობა გამაჩნია მაგრამ თქვენნაირ ძაღლებთან ამას ვივიწყებ!!! მე ის ჩემნაირი გამოუცდელი მომავალი მშობლები მადარდებს რომლებმაც უნდა გამოცადონ ეს საშინელი დღე, აუტანელი დღეები გამოიარონ თავიანთ პატარა არსებებთან და იბრძოლონ ისევ თითონ! თორემ თქვენს იმედად ისინი გაჩენამდეც ვერ მიაღწევენ! ეს არის თქვენი არაპროფესიონალიზმი , თქვენი დაბალი დონე, დაქვეითებული გონება რომლებსაც გროშებად გაქვთ ნაყიდი დიპლომები ჯერ კიდევ იმ დროს, თქვენ ხართ არამზადები ფულს დახებული ლაჩრები! თქვენთვის გადამწყვეტი მნიშვნელობა მხოლოდ ფულსააქვს, სულიც კი გაყიდული გაქვთ და ადამიანობაც ფულზე ! თქვენი ღირსება ნულის ტოლფასია, ამას გწერთ გამწარებული "უბრალო პატარა დეფექტის მქონე ნაყოფის მატარებელი დედა" არც კი გაბედოთ გამოხმაურება და ზედმეტი კომენტარის გაკეთება! ისე მიიღე და აიტანე როგროც ჩვენგან ითხოვ ! ეს კომპლიმენტიც არაა საკმარისი მაგრამ ჩემი თავის დამცირებაა თქვენნაირებთან საუბარი !! გადაშენდით ასეთები თქვე ფულის ნაფლეთების მათხოვრებო! ხალხის ხელებს შესციცინებთ ჯერ და თუ კი სქლად აქვს გროშები მოგროვებული , ან ბანკებიდან გამოტანილი სესხები, საცხოვრებელი გაყიდული და ბოლო წვეთამდე სული იმის გამო რომ გადაარჩინოს ის თავისი ახლობელი და მხოლოდ ამაზე ფიქრობენ, თქვენ კი გიფიქრიათ საიდან მოიტანეს მათ ეს?! არა! უგულოდ შეგიძლიათ მოაწეროთ ადამიანის სიკვდილს ხელი! არ გეღირსოთ ასეთებს ჩვენზე უკეთესი დღე! აი ჩემი კომენტარი ქალბატონებო და ბატონებო !!!
დიეტოლოგია
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
კატეგორიის სხვა სტატიები
ღრძილების ანთებისა (გინგივიტის) და ტკივილის ყველაზე ხშირი მიზეზი ინფექციაა. ამ უკანასკნელს, ჩვეულებრივ, პათოგენური მიკროორგანიზმები იწვევს, ის გამომწვევები, რომლებიც
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
სანერწყვე ჯირკვლის ქვის ფორმირება შეიძლება განაპირობოს ზოგადი და ადგილობრივი ფაქტორების ერთობლიობამ.
ადამიანთა უმრავლესობა სტომატოლოგს მხოლოდ კბილის ტკივილის დროს მიმართავს,
ადამიანს კბილი შეიძლება ატკივდეს ტკბილეულის ჭამის, ცივი ან ცხელი საკვების მიღების დროს. ამგვარი ტკივილი იმის მანიშნებელია, რომ
ვირუსების ნაწილაკები საათობით ინარჩუნებენ აქტივობას მშრალ, თბილ და უმოძრაო ჰაერში
კორონავირუსის პანდემიამ აქტუალური გახადა ყველგან და ყველაფერში სისუფთავის დაცვის საკითხი.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად