რა შედეგები შეიძლება გამოიწვიოს სიბრძნის კბილების არასწორმა ზრდამ
როდესაც მიირთმევდნენ მძიმე, დაუმუშავებელ საკვებს და დიდი რაოდენობით ხორცს. თანამედროვე ადამიანი უმთავრესად მერვე კბილების არსებობის უარყოფით მხარეს აწყდება: კბილები არ ამოდის სრულად ან ნაწილობრივ ამოიჭრება, არასწორად ამოიჭრება.
სიბრძნის კბილების არასწორმა ზრდამ შეიძლება გამოიწვიოს თანკბილვის დარღვევა.
ეს საკითხი უკვე კომპლექსურად წყდება ორთოდონტის ჩართულობით.
- ასევე, სიბრძნის კბილების არასწორი განლაგების შედეგად შეიძლება მოხდეს პირის ღრუს ლორწოვანი გარსის ქრონიკული დაზიანება, ფესვის გაწოვა ან კარიესული პროცესის წარმოქმნა წინ მდგომ კბილის ფესვზე.
- გარდა ამისა, სიბრძნის კბილმა შეიძლება გამოიწვიოს სახის სამწვერა ნევრალგიის მსგავსი ტკივილი. ეს აიხსნება იმით, რომ თუ მერვე კბილი ძალიან ღრმადაა, შესაძლებელია ქვედა ყბის ნერვზე ზეწოლა მოხდეს, რაც იწვევს ამგვარ კლინიკურ სურათს.
არ უნდა დაგვავიწყდეს, რომ ნაწილობრივ ამოუსვლელმა სიბრძნის კბილებმა შეიძლება შექმნას პრობლემა. ეს გამოწვეულია ლორწოვანი ქუდის არსებობით, რომელიც ნაწილობრივ ფარავს კბილის გვირგვინს. საკვებისმიერი მუდმივი ტრავმირების და ასეთი კბილის ადეკვატური ჰიგიენის შეუძლებლობის შედეგად შეიძლება განვითარდეს მწვავე ანთებითი პროცესი, რომელიც ხასიათდება ლორწოვანი გარსის ტკივილით და შეშუპებით, ჩირქოვანი გამონადენით და ზოგჯერ ტემპერატურით, პირის გაღების შეზღუდვით და ზოგადი მდგომარეობის გაუარესებით.
ამ შედეგების თავიდან ასაცილებლად, საჭიროა სტომატოლოგთან ვიზიტი პრობლემის იდენტიფიცირებისა და მისი გადაჭრის მიზნით, ვიდრე ის ცხოვრების ხარისხზე გავლენას მოახდენს.
ასევე წაიკითხეთ:
სიბრძნის კბილის კარიესი
სიბრძნის კბილს კარიესი ადვილად უჩნდება, განსაკუთრებით მაშინ, როდესაც არასწორად მდებარეობს.
კარიესი კბილის ზედაპირზე ნადების დაგროვება-დალექვის შედეგად ვითარდება. კბილის ნადებში უხვად არის ბაქტერიები, რომლებიც ცხოველმყოფელობის პროცესში გამოიმუშავებენ ორგანულ მჟავებს. ორგანული მჟავები შლის კბილის ქსოვილს და კბილის ზედაპირზე დეფექტს წარმოქმნის.
სიბრძნის კბილი ხშირად მიუწვდომელ ადგილას მდებარეობს, ამიტომ მისი სრულფასოვანი მოვლა, ნადებისგან გულდასმით გაწმენდა შეუძლებელია. კარიესი სწორედ ასეთ შემთხვევაში ვითარდება.
პათოლოგიური პროცესი კბილის ძნელად მისადგომ უბნებს მოიცავს, ამიტომ მოუხერხებელია მისი დაბჟენაც. ამიტომაც არის, რომ სტომატოლოგები ზოგჯერ სიბრძნის კბილის ამოღებას გვთავაზობენ, ხოლო თუ მისი დაბჟენა მაინც მოხერხდა, სრულფასოვანი წმენდის შეუძლებლობის გამო მასზე ნადების დალექვისა და მეორეული კარიესის განვითარების ალბათობა ძალზე დიდია. განაგრძეთ კითხვა