რომელი სასმელების მოხმარებისას არის აუცილებელი პირის ღრუს გასუფთავება
პირის ღრუს მოვლის რუტინას ყოველდღიური და რეულარული ხასიათი უნდა ჰქონდეს. ეს ხელს შეუწყობს მრავალი პრობლემის თავიდან აცილებას, მათ შორის მინანქრის ეროზიას, კბილების გაფუჭებას, ღრძილების დაავადებებს, ფერის შეცვლას და უსიამოვნო სუნს. სტომატოლოგები გვირჩევენ ვიყოთ უფრო აქტიურები პირის ღრუს მოვლის საკითხში.
მარტივი ჩვევებით შესაძლებელია გრძელვადიან პერსპექტივაში მნიშვნელოვანი ცვლილებების მოხდენა. აუცილებელია პირის ღრუს გასუფთავება მაღალი მჟავიანობის მქონე სასმელების მოხმარების შემდეგ. მაღალი მჟავიანობის მქონე სასმელების გადაჭარბებული მოხმარება ზრდის მინანქრის ეროზიის რისკს. მინანქრის ეროზია კი ზრდის კბილების გაფუჭების, მგრძნობელობის მომატების, შეფერილობის ცვლილების და ზოგიერთ შემთხვევაში კბილების ცვეთის რისკს.
მჟავიანობის გარდა, ზოგიერთი სასმელი შეიცავს შაქარს, რაც აძლიერებს კბილების დაზიანების რისკს. პირის ღრუში არსებული ბაქტერიები იკვებებიან შაქრით და ქმნიან მჟავე ქვეპროდუქტებს, რომელიც კიდევ უფრო ზრდის კბილების ეროზიისა და დაშლის რისკს.
4 სასმელი, რომელსაც შეუძლია მინანქრის ეროზია გამოიწვიოს:
შაქრიანი გაზირებული სასმელები - გასაკვირი არ არის, რომ შაქრიანი სასმელები ჯანმრთელობისთვის ნაკლებად სასარგებლოა და ეს ფაქტი ვრცელდება პირის ღრუს ჯანმრთელობაზეც. გაზირებული და შაქრიანი სასმელები მაღალი მჟავიანობის მქონე სასმელებს შორისაა, pH-ის დონე დაახლოებით 2,5-დან 3,5-მდეა. რეგულარულად მოხმარებისას ამ ტიპის გაზიანი სასმელები ანადგურებს კბილის მინანქარს, ზრდის კარიესის რისკს და იწვევს კბილების შეფერილობის ცვლილებას მჟავებისა და შაქრების კომბინაციის გამო.
ხილის წვენები - მაღაზიაში ნაყიდი ხილის წვენები ასევე არ არის კარგი პირის ღრუს ჯანმრთელობისთვის, ისევ მათი მაღალი მჟავიანობისა და შაქრის შემცველობის გამო. სტომატოლოგები ყურადღებას ამახვილებენ ვაშლის წვენზე (pH-ის დონე 3.0-დან 4.0-მდე) და ფორთოხლის წვენზე (pH 3.3-დან 4.2-მდე). მიუხედავად თითოეული მათგანის კვებითი ღირებულებისა, როგორიცაა ანტიოქსიდანტური შემცველობა, მათ შეუძლიათ ხელი შეუწყონ კბილების ეროზიას და მინანქრის დაზიანებას, რეგულარულად და დიდი რაოდენობით მოხმარებისას.
ყავა - მნიშვნელოვნად ცვლის კბილების შეფერილობას. ყავა მჟავად ითვლება (pH 5-5.) თუმცა, შეგიძლიათ აირჩიოთ დაბალი მჟავიანობის ყავა.
მინერალური წყალი - მიუხედავად იმისა, რომ მინერალურ წყალს ბევრი უპირატესობა აქვს და გაზიანი სასმელების შესანიშნავი ალტერნატივაა, ის მაინც მჟავაა.
არ არის სასურველი ზოგიერთი მჟავე სასმლის მთლიანად შეზღუდვა, თუმცა მათი მოხმარების შემდეგ აუცილებელია კბილების გასუფთავება, რამაც შეიძლება უფრო ეფექტურად დაიცვას მინანქარი და კბილები გრძელვადიან პერსპექტივაში.