იურიდიული კონსულტაცია
გთხოვთ, განმიმარტოთ, დროებითი შრომისუუნარობის გამო დახმარების ოდენობის გამოანგარიშების დროს მიიღება თუ არა მხედველობაში ზეგანაკვეთური ანაზღაურება და დანამატები.
დროებითი შრომისუუნარობის გამო დახმარების გამოანგარიშების დროს ზეგანაკვეთური ანაზღაურება და დანამატები მხედველობაში არ მიიღება.
1 მარტიდან ვიმყოფები 2008 წლის კუთვნილ ანაზღაურებად შვებულებაში. მოვყევი მსუბუქ საავტომობილო კატასტროფაში, რის გამოც ერთი კვირა მომიხდა საავადმყოფოში წოლა. ჩამეთვლება ეს პერიოდი შვებულებაში?
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ანაზღაურებად შვებულებაში ყოფნის დროს დროებითი შრომისუუნარობის დაწყების შემთხვევაში, დროებითი შრომისუუნარობის გამო დახმარება გაიცემა დროებითი შრომისუუნარობის მთელ პერიოდზე. ასე რომ, თქვენი შვებულების დღეები გადაიწევს საავადმყოფო ფურცელში მითითებული დღეების რაოდენობით.
შეუძლია თუ არა საჯარო მოსამსახურეს, დადოს გარიგება თავისი სამეწარმეო საქმიანობის სუბიექტთან?
საჯარო მოსამსახურეს ეკრძალება დადოს გარიგება თავისი სამეწარმეო საქმიანობის სუბიექტთან ან სხვა დაწესებულებასთან.
გთხოვთ განმიმარტოთ, მიეცემათ თუ არა დროებითი შრომისუუნარობის გამო დახმარება იმ პირებს, რომლებმაც ტრავმა მიიღეს დანაშაულებრივი ქმედების ჩადენის დროს.
დროებითი შრომისუუნარობის გამო დახმარების დანიშვნისა და გაცემის წესის შესაბამისად, იმ პირებს, რომლებმაც ტრავმა მიიღეს დანაშაულებრივი ქმედების ჩადენის დროს, დროებითი შრომისუუნარობის გამო დახმარება არ მიეცემათ.
გარდამეცვალა მამა, რომელსაც მიუღებელი დარჩა 5 თვის პენსია. მე ვარ 36 წლის, შრომისუნარიანი. მამას სხვა მემკვიდრე არ დარჩენია. მეკუთვნის მამის მიუღებელი პენსია, რომ მცირედით მაინც შემომეშველოს მისი ორმოცის აღნიშვნაში?
დიახ, გეკუთვნით. გირჩევთ, სოციალური სუბსიდიების სააგენტოს დაუყოვნებლივ მიმართოთ განცხადებით, წარუდგინოთ პირადობის მოწმობა, მამის გარდაცვალების მოწმობა და თქვენი დაბადების მოწმობა.
გთხოვთ, გვაცნობოთ, კვირაში რამდენი საათით უნდა განისაზღვროს საჯარო სამართლის იურიდიულ პირ დაწესებულებაში მომუშავეთა სამუშაო კვირის ხანგრძლივობა.
საჯარო სამართლის იურიდიულ პირ დაწესებულებაში (და არა საჯარო სამსახურში, - ეს ორი ცნება ბევრს ერთმანეთში ერევა) მომუშავეთა სამუშაო კვირის ხანგრძლივობა, კანონის თანამხად, განისაზღვრება 41 საათით.
ერთდროულად ვმუშაობ ორ დამსაქმებელთან. გავხდი ავად და 20 დღეა, ვიმყოფები შრომისუუნარობის ფურცელზე. ამინაზღაურდება ბიულეტენი ორივე სამუშაო ადგილიდან?
დიახ, აგინაზღაურდებათ: ერთდროულად რამდენიმე დამსაქმებელთან მუშაობის შემთხვევაში დროებითი შრომისუუნარობის გამო დახმარება გაიცემა ყველა დამსაქმებელთან ცალ-ცალკე.
