დაღლილობისგან ვკვდები! - მკურნალი.გე

რუბრიკები

ოჯახის მკურნალის ანონსი

ივლისი 2020

დაღლილობისგან ვკვდები!

დაღლილობისგან ვკვდები!
სიცოცხლეში ერთხელ მაინც ყველა წარმოთქვამს ამ ფრაზას, მაგრამ მრავალი ჩვენგანი მას გაცილებით ხშირად იმეორებს. როგორ დავაღწიოთ თავი მუდმივ დაღლილობას?

დაღლილობის მიზეზები
ყველა თავისებურად და სხვადასხვა მიზეზით იღლება. ხშირად დაღლილობა სასიამოვნოც კია. ფიზიკური შრომა ან ვარჯიში ადამიანს სულიერ და ხორციელ კმაყოფილებას ჰგვრის. ასეთი დაღლილობა და მსუბუქი ტეხა იოლად გაივლის დასვენების ან გამოძინების შემდეგ.


მტკივნეული დაღლილობა - ამაში, როგორც სახელწოდებაც მიგვანიშნებს, სასიამოვნო არაფერია. ასეთ დაღლილობას ხშირად თან ახლავს ტემპერატურის მატება, უმადობა და მოთენთილობა. თუ თავს ასეთი რამ შეატყვეთ, თვალი გადაავლეთ შრომის რეჟიმს.
ქრონიკული დაღლილობა - ის, წესისამებრ, თავს იჩენს სტრესის, მაგალითად, კამათის, საცხოვრებელი ადგილის შეცვლის, დაწინაურების შემდეგ. დიახ, ძლიერი პოზიტიური ემოციაც სტრესია და ორგანიზმი მას, ნეგატიური ემოციის დარად, უსიამოვნო მოთენთილობით პასუხობს. თავდაპირველად ადამიანი ებრძვის მუდმივ დაღლილობას, მაგრამ მარცხდება და დეპრესია ეუფლება, ეს უკანასკნელი კი უფრო მეტად აძლიერებს
დაღლილობის შეგრძნებას. ამგვარად იკვრება მანკიერი წრე, რომლის გარღვევაც სპეციალისტის დაუხმარებლად ზოგჯერ შეუძლებელია.

ნაცადია!
დაღლილობამ რომ არ გძლიოთ და ცხოვრების ნათელი დღეები არ გაგიუფერულოთ, დაიცავით რამდენიმე წესი:

1. ძილი - ადამიანს უნდა ეძინოს დღე-ღამეში არანაკლებ 8 საათისა. სხვაგვარად მას დაღლილობა ადვილად მოერევა და უფრო ცხარედაც შეუტევს.
2. კვება - ქრონიკული დაღლილობისას უარი უნდა თქვათ მკაცრ დიეტაზე და ეცადოთ, რაც შეიძლება მეტად გაიმრავალფეროვნოთ რაციონი. მიირთვით: მეტი ხილი და ბოსტნეული - მათში უხვად არის ვიტამინები; შოკოლადი - მას ანტისტრესული თვისებები აქვს. დაღლილობის დროს ორგანიზმს განსაკუთრებით სჭირდება ცილა, ამიტომ უხვად ჩართეთ რაციონში ცილით მდიდარი პროდუქტები: რძე, მაწონი, ხაჭო, არაჟანი, ყველი, იოგურტი, კვერცხი... ეს ყველაფერი, აჯობებს, საუზმეზე მიირთვათ, სადილი კი მსუბუქი ჯობს: ბოსტნეულის, ქათმის ხორცის სალათი და სხვა. შეგიძლიათ, მიირთვათ ცოტაოდენი ნამცხვარიც - ტკბილეული ხელს უწყობს არტერიული წნევის მატებას და ადამიანს მხნეობას მატებს.
3. მედიკამენტები - თავი არიდეთ მედიკამენტებს - მათ ხანმოკლე ეფექტი აქვთ, პრობლემის საფუძველშივე აღმოფხვრა კი არ ძალუძთ. გამონაკლისია მულტივიტამინები, რომლებიც შეგიძლიათ სადილობისას მიიღოთ.
4. სამუშაო გარემო - აკონტროლეთ, რამდენად მდიდარია თქვენი სამუშაო გარემო სასიცოცხლო მნიშვნელობის ჟანგბადით. დახურულ ოფისებში უმეტესად ჟანგბადის დეფიციტია, რაც უფრო მეტად თენთავს ორგანიზმს, ართულებს ყურადღების კონცენტრირებისა და შრომის უნარს. თუ ამგვარ გარემოში გიწევთ შრომა, შესვენებაზე 10-15 წუთით მაინც გაისეირნეთ სუფთა ჰაერზე.
5. დღის რეჟიმი - თუ სამსახური ამის საშუალებას გაძლევთ, აიღეთ შვებულება საკუთარ ხარჯზე და დარწმუნდებით, რა დიდი სარგებლობა მოაქვს რამდენიმედღიან დასვენებას, მით უმეტეს, თუ მას სასიამოვნო ადამიანების წრეში ატარებთ.
6. რელაქსაცია - გამოიყენეთ ყოველი ხელსაყრელი შემთხვევა - მოეშვით და მოადუნეთ სხეული, რათა სისხლის მიმოქცევა სათანადოდ წარიმართოს. რელაქსაციისთვის კარგია თბილი აბაზანა, მასაჟი, ყავა შოკოლადთან ან ნამცხვართან ერთად, სასიამოვნო მუსიკის მოსმენა.



გააკეთეთ კომენტარი
კომენტარი არ გაკეთებულა
დიეტოლოგია
ტვინისათვის სასარგებლო ბოსტნეულიდან დიეტოლოგები
ექიმი-ენდოკრინოლოგი ქეთი ასათიანის რჩევები - ორგანიზმისთვის აუცილებელი მინერალების შესახებ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
სუნთქვის მწვავე უკმარისობა არის მდგომარეობა, როდესაც ფილტვის ალვეოლებში დარღვეულია აირთა ცვლა,
მწვავე ტკივილი არის რეაქცია ქსოვილის დაზიანებაზე. ქსოვილის დაზიანების შემთხვევაში,
რამდენიმე თვის წინ რედაქციაში ძალზე სათნო და ლამაზი ქალბატონი გვესტურმა, სამი შვილის დედა,
(ტრემორი – სერიოზულ პრობლემათა სიმპტომი)
პირში ლითონისებრი გემო საკმაოდ ხშირი ჩივილია.
ტკივილი მუხლის სახსარში შეიძლება სხვადასხვა მიზეზით იყოს განპირობებული:
როდესაც ადამიანი დიდ დროს ატარებს საჭესთან და ფეხით ცოტას დადის, მას შეიძლება ჯანმრთელობის პრობლემები შეექმნას.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
Notice: Undefined variable: new_price in /var/www/mkurnali.ge/public_html/modules/mod_rss_center/tmpl/default.php on line 227 Notice: Undefined variable: old_prcie in /var/www/mkurnali.ge/public_html/modules/mod_rss_center/tmpl/default.php on line 235 Notice: Undefined variable: deffered_price in /var/www/mkurnali.ge/public_html/modules/mod_rss_center/tmpl/default.php on line 243
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად