როგორია სხეულის რეაქცია მოდუნებაზე
ორგანიზმის პასუხი რელაქსაციაზე:
გულისცემა ნელდება
სტრესი იწვევს სიმპათიკურ ნერვულ სისტემაში აქტივობას, რომელიც პასუხისმგებელია თქვენი სხეულის რეაციაზე სახიფათო სიტუაციებში. ამ დროს წარმოიქმნება ჰორმონები, რომლებსაც კატექოლამინები ეწოდება. ეს ჰორმონები აჩქარებენ გულისცემას, ხოლო პარასიმპათიკური სისტემა აქტიურდება და ათავისუფლებს ჰორმონს, რომელსაც აცეტილქოლინი ეწოდება, რაც ანელებს გულისცემას.
მცირდება არტერიული წნევა
სტრესის ჰორმონები ზრდიან წნევას. საპირისპირო ხდება მოდუნებისას. თუ გაქვთ მაღალი წნევა, მედიკამენტებთან ერთად, რელაქსაციის მეთოდები, როგორიცაა მედიტაცია, დაგეხმარებათ სტრესის მართვაში.
უმჯობესდება საჭმლის მონელება
რელაქსაცია ამცირებს ანთებას, რამაც შეიძლება დააზიანოს თქვენი ნაწლავი. სტრესი მნიშვნელოვან როლს ასრულებს საჭმლის მომნელებელ პრობლემებში, როგორიცაა გაღიზიანებული ნაწლავის სინდრომი.
ნელდება სუნთქვა
ძალიან სწრაფად სუნთქვამ შეიძლება გამოიწვიოს სისხლში ნახშირორჟანგის დონის მომატება, რაც, თავის მხრივ, იწვევს თავბრუსხვევასა და სისუსტეს. დასვენებისას სუნთქვის სიხშირე მცირდება.
დუნდება კუნთები
კუნთების დაძაბულობა მცირდება დასვენებისას.
მცირდება ტკივილი
რელაქსაცია სხეულს ტკივილისგან მთლიანად არ ათავისუფლებს, მაგრამ მას შეუძლია ტკივილის შემცირება. რელაქსაცია უბიძგებს ტვინს გამოყოს ენდორფინები, რომლებიც მოქმედებენ როგორც ბუნებრივი ტკივილგამაყუჩებლები. კვლევებმა აჩვენა, რომ რელაქსაციის ტექნიკას, როგორიცაა მედიტაცია, შეუძლია შეამციროს ტკივილი ისეთ პირებში, რომელთაც აწუხებთ ფიბრომიალგია, შაკიკი, მენჯის ქრონიკული ტკივილი და გაღიზიანებული ნაწლავის სინდრომი.
უმჯობესდება სისხლში შაქრის დონის კონტროლი
სტრესის ჰორმონებს შეუძლიათ სისხლში შაქრის დონის მომატება. რელაქსაცია დაგეხმარებათ სისხლში შაქრის დარეგულირებაში (თუმცა, ის წამლის ადგილს ვერ დაიკავებს). საჭიროა რეგულარული ვარჯიში და საკმარისი ძილი. სცადეთ რელაქსაციის პრაქტიკები, როგორიცაა მედიტაცია ან იოგა.
იმუნური სისტემა უკეთესად მუშაობს
ხანგრძლივი სტრესი ამცირებს ორგანიზმის ინფექციებთან ბრძოლისუნარიანობას. ღრმა რელაქსაცია დაგეხმარებათ იმუნური სისტემის აღდგენაში.
უმჯობესდება ძილი
რელაქსაციის ტექნიკა ზოგჯერ გამოიყენება უძილობის სამკურნალოდ.