ამბივერტის 6 ნიშანი, რომელიც ეხმარება მას სოციალური წარმატების მიღწევაში - მკურნალი.გე

ლალი ჩხიკვაძე

ამბივერტი არის ადამიანი, რომელიც აერთიანებს როგორც ექსტროვერტის, ასევე ინტროვერტის თვისებებს. ეს არის "შუალედური" პიროვნების ტიპი, რომლის მთავარი მახასიათებელია სიტუაციიდან ან თუნდაც განწყობიდან გამომდინარე, ამა თუ იმ მხარეს გადახრის უნარი.

ამბივერტებს დიდად არ აფასებენ, მაგრამ მათ შეუძლიათ რეალურად იყვნენ უფრო წარმატებულები ვიდრე ყველა სხვა, რადგან მათ შეუძლიათ დააბალანსონ თავიანთი თვისებები. ამბივერტები ასევე არიან ამბიციურები და მიზანდასახულები, ჭკვიანები და დაკვირვებულები. ისინი სხვებზე უკეთ ხედავენ როგორც ზოგად სურათს იმის შესახებ, რაც ხდება, ასევე შესაძლო ხარვეზებს.

ამბივერტის 6 ძირითადი ნიშანი

1. არ ურთიერთობს მხოლოდ კომუნიკაციისთვის.

ამბივერტი არ ეძებს უაზრო ინტერაქციას, მაგრამ არ გაურბის არც ერთ სოციალურ მოვლენას. ასეთი ადამიანი ყურადღებით აფასებს, რამდენად შეესაბამება ეს მის მიზნებს, ღირებულებებს და ენერგიას. თუ ყველაფერი ერთად იქნება, ის იქნება ღირებული თანამოსაუბრე, რომელიც სერიოზულ წვლილს შეიტანს საერთო საქმეში.

2. მარტოობა მისი სუპერძალაა

ამბივერტი აფასებს მარტოობაში გატარებულ დროს, მაგრამ განსხვავებით ინტროვერტისაგან, რომელიც გაურბის რეალობას, ამბივერტის მარტოობა პროდუქტიულია. მისთვის ეს არის შესაძლებლობა იფიქროს რაიმეზე, დაგეგმოს, მიიღოს გარკვეული გადაწყვეტილებები. ზოგადად, "გადატვირთვა", ძალის აღდგენა და ამავე დროს ახალი იდეების გენერირება.

3. თანაბრად თავისუფლად ურთიერთობს როგორც ინტროვერტებთან, ასევე ექსტრავერტებთან

ამბივერტს შეუძლია მოერგოს ნებისმიერი ადამიანის ენერგიას. მას დააინტერესებს ღრმა ფილოსოფიური საუბრები მშვიდ ადამიანებთან და არანაკლებ დაინტერესდება ექსტრავერტების ხმაურიანი დისკუსიებით. მისი პიროვნების ტიპი ორგანულად ჯდება ნებისმიერ სიტუაციაში.

4. შეუძლია იყოს ლიდერი, მაგრამ უკან დახევაც იცის

გუნდურ მუშაობაში ამბივერტი ხშირად იღებს ინიციატივას. ის დაბადებით ლიდერი და მენეჯერია, მაგრამ ამავე დროს ის ადვილად უთმობს პირველობას სხვას. მან იცის, როდის უნდა დაიხიოს უკან. ასეთი ადამიანი ისეთივე ყურადღებით უსმენს, როგორც ხელმძღვანელობს.

5. იცის, როდის და რა უნდა თქვას

ექსტროვერტები და ინტროვერტები ერთმანეთის საპირისპირო პოლუსებზე არიან „ლაპარაკის“ თვალსაზრისით: პირველები ლაპარაკობენ, როცა ჩუმად უნდა იყვნენ, შემდეგ კი საკუთარ თავს საყვედურობენ გრძელი ენის გამო. ინტროვერტები კი პირიქით, საუბრის შემდეგ ბევრ ნათელ არგუმენტს პოულობენ და ნერვიულობენ, რომ არაფერი უთქვამთ. ამბივერტმა ყოველთვის იცის, როდის იქნება მისი საუბარი ადეკვატური და დროული.

6. დროს არ კარგავს.

მიუხედავად იმისა, რომ ზოგიერთი ადამიანი ჩუმად იტანს ზედმეტ ან მოსაწყენ საუბრებს, ზოგი კი ცდილობს არ მიიღოს მონაწილეობა მათში, ამბივერტი ცდილობს სიტუაცია თავის სასარგებლოდ შემოაბრუნოს. ის ყოველთვის იპოვის ერთ კონკრეტულ ადამიანს თავის თანამოსაუბრეებს შორის, რომელთანაც სასარგებლო იქნება ურთიერთობა მისი მიზნების მისაღწევად.

როგორ მოვიქცეთ ამბივერტივით

3 რჩევა ექსტროვერტებს

• სანამ რამეს იტყვით, დაითვალეთ სამამდე. ეს საშუალებას მოგცემთ იფიქროთ თქვენს ნათქვამზე, ხოლო სხვებს საუბრის საშუალება მიეცემათ.
• შეხვედრების ან დისკუსიების დროს ეცადეთ ჩუმად იყოთ და მეტი ყურადღება მიაქციოთ სხვების კომუნიკაციას. ყურადღება მიაქციეთ ვინ ლაპარაკობს, ვინ უსმენს და როგორ მიიღება გადაწყვეტილებები.
• გამონახეთ დრო საკუთარ თავთან განმარტოებისთვის: დღეში მინიმუმ 30 წუთი. გაიხსენეთ დღის მოვლენები, დაგეგმეთ მომავალი, უბრალოდ იფიქრეთ თქვენს აზრებზე.

3 რჩევა ინტროვერტებს

• შეეცადეთ, რომ ყოველ შეხვედრაზე ისაუბროთ და გაიზიაროთ გარკვეული აზრები და მოსაზრებები. ამისთვის წინასწარ მოემზადეთ – ჩამოწერეთ 1-2 პუნქტი, რომლის საჯაროდ განხილვაც გსურთ.
• შეხვედრის შემდეგ გაუგზავნეთ სხვა პირს ელ.წერილი ან შეტყობინება – მადლობა გადაუხადეთ ურთიერთობისთვის და უთხარით რა დასკვნები გამოიტანეთ შეხვედრიდან.
• დაიმუხტეთ ენერგიით ყოველდღე: გააანალიზეთ თქვენი ქმედებები, დაგეგმეთ ადამიანებთან კომუნიკაცია.