ლალი ჩხიკვაძე

ვიტამინებისა და მიკროელემენტების მწვავე დეფიციტი შეიძლება ასოცირდებოდეს არა მხოლოდ ცუდ კვებასთან, არამედ სტრესის შედეგებთან, სერიოზულ დაავადებებთან, მათ შორის ინფექციებთან, რადგან თმა ასახავს სხეულის მთლიან მდგომარეობას.

თმის ცვენის გახშირებისას არ უნდა მიმართოთ თვითმკურნალობას და საეჭვო ხალხურ საშუალებებს, რომლებიც შეიცავს ხახვს, წიწაკას და სხვა მცენრეებს, არამედ მიმართეთ ტრიქოლოგს.

ერთადერთი, რისი გაკეთებაც თავად პაციენტს შეუძლია თმის ჯანმრთელობისთვის, არის კვების რეჟიმის შეცვლა. კარგი გარეგნობისა და ჯანსაღი თმისთვის, მნიშვნელოვანია B ჯგუფის ვიტამინები, ვიტამინი E, ბიოტინი, რკინა და აუცილებელი ცხიმოვანი მჟავები. ამიტომ, რაციონში შეიტანეთ:

• ღვიძლი, თირკმელები, ხორცი,

• ყველი, ხაჭო, ფერმენტირებული რძის პროდუქტები,

• მთელი მარცვლეული და ჭვავის პური,

• ქათმის კვერცხის გული,

• პარკოსნები და სოკო,

• წიწიბურა, სიმინდი და შვრიის ფაფა,

• მწვანე და ღია ფერის ბოსტნეული,

• ხილი (ვაშლი, მანგო, კივი);

• თხილი, თესლი,

• ცივი დაწურვის ზეთები,

• ცხიმიანი და ნახევრად ცხიმიანი თევზი (ორაგული, სკუმბრია, ქაშაყი, ტუნა, სარდინი), ზღვის პროდუქტები.