წიწაკის სპრეი: პირველი სამედიცინო დახმარება - რა უნდა იცოდეთ და როგორ დაიცვათ თავი - მკურნალი.გე

ისინი პოლიციამ საპროტესტო აქციების დასაშლელად გამოიყენა. თავდაპირველად, ეს სპრეი არ შეიცავდა წიწაკის კომპონენტებს. მის შემადგენლობაში შედიოდა ქიმიური წარმოშობის ტოქსიკური გამღიზიანებლები. მხოლოდ 1973 წელს დაიწყეს ცხარე წიწაკის ექსტრაქტის გამოყენება. უკვე 80-იან წლებში, თავდაცვის ამ საშუალების გამოყენება დაიწყეს ფოსტალიონებმა, ასევე მეტყევეებმა (თავი რომ დაეცვათ აგრესიული ცხოველებისგან). 90-იან წლებში, წიწაკის სპრეის ოფიციალურად გამოყენება დაიწყო აშშ-ს სამართალდამცავი ორგანოების მიერ და შემდეგ გავრცელდა მთელ მსოფლიოში. 1996 წლიდან წიწაკის სპრეი "SHOK"-ი რუსეთშიც იწარმოება. ამავდროულად, წიწაკის სპრეი გახდა თავდაცვის პოპულარული საშუალება რიგით მოქალაქეებში და უფრო ხშირად ქალებში.

საფეხურები:

როგორ ზემოქმედებს წიწაკის სპრეი

მყისიერად ჩნდება ძლიერი წვის შეგრძნება თვალებში, ჭარბი ცრემლდენა და "მოულოდნელი სიბრმავის" შეგრძნება. დაზარალებულები ტკივილს აღწერენ, როგორც „თვალის კაკლების ბუდეებიდან გადმოცვენის შეგრძნებას“. 15-60 წუთის შემდეგ მდგომარეობა გარკვეულწილად უმჯობესდება. თუმცა, ცრემლიანი თვალები, სინათლის აუტანლობა და თვალის ტკივილი შეიძლება უფრო დიდხანს გაგრძელდეს.

თვალების ლორწოვანი გარსი ღიზიანდება. წიწაკის სპრეის ასევე თან ახლავს ძლიერი ტკივილი, შეშუპება და ქავილი. გარეგნულად სახე ასე გამოიყურება: ლოკალური სიწითლე და ძლიერი შეშუპება.

პირველი დახმარება წიწაკის სპრეის თვალებთან და კანთან კონტაქტის დროს

თუ პირველ დახმარებას არ ჩაიტარებთ, შესაძლოა ტკივილი და წვის შეგრძნება მინიმუმ ერთი დღე გაგრძელდეს. ბუნებრივია, პირველი, რასაც მსხვერპლი ცდილობს, არის აგრესიული ნარევის ჩამორეცხვა. თუმცა, უნდა გვახსოვდეს, რომ დაზიანებული ადგილების მცირე რაოდენობის წყლით ჩამობანა არ გამოდგება. ამ შემთხვევაში, აგრესიული ნივთიერების წყალში უხსნადი წვეთები არ ირეცხება, არამედ ვრცელდება მიმდებარე ტერიტორიებზეც. მაგალითად, კონიუნქტივის ღრუში. რაც იწვევს თვალის მეორად დაზიანებას.

რა არ უნდა გააკეთოთ

არ არის საჭირო ხშირი „თვალების დახამხამება“ - ეს გაზრდის ტკივილს და ცრემლდენას.არ არის საჭირო ცრემლების ჩამოსხმა სახეზე. ამ შემთხვევაში, კაუსტიკური შემადგენლობა, შერეული ცრემლებით, დააზიანებს კანს და გამოიწვევს დამწვრობას.არ გამოიყენოთ ტრადიციული მედიცინის რეცეპტები პირველი დახმარებისთვის, როგორიცაა სოდა, საპნის ხსნარი, ზეთი და ა.შ.გახსოვდეთ, რომ უნდა გარეცხოთ ტანსაცმელი და დაიბანოთ თმაც, რაც შეიძლება მალე.

რა უნდა გააკეთოთ

საუკეთესო გამოსავალია დაზიანებული ადგილების დიდი რაოდენობით გრილი გამდინარე წყლით ჩამობანა. ბოთლის წყალიც გამოდგება. თუ თქვენ გაქვთ შთამნთქმელი ტილო (მაგ. მიკროფიბერის), გამოიყენეთ ის, ფრთხილად გაასუფთავეთ თვალები და კანი მათ გარშემო: უბრალოდ გაწურეთ და გადააგდეთ.

პირველადი დახმარების გაწევის შემდეგ აუცილებლად ეწვიეთ ოფთალმოლოგს. წაიკითხეთ სრულად