მარიამ ფოლადაშვილი

ფაქტორები, რომლებსაც შეუძლია იმუნური სისტემის დასუსტება მოიცავს:

ტემპერატურის ცვლილებები

ამინდის ცვლილებებმა შეიძლება გავლენა მოახდინოს იმუნურ სისტემაზე, რაც მას უფრო მგრძნობიარეს ხდის გაციების, გრიპის და ზედა სასუნთქი გზების ინფექციების მიმართ.

ადამიანები ხშირად ატარებენ მეტ დროს შენობაში, რის გამოც მიკრობები და ვირუსები უფრო მეტად ვრცელდებიან. გარდა ამისა, კვლევებმა აჩვენა, რომ ტემპერატურის ვარდნამ შეიძლება უარყოფითად იმოქმედოს ორგანიზმის უნარზე, თავიდან აიცილოს ვირუსული ინფექციები.

სტრესის მაღალი დონე.

კვებითი ცვლილებები, რომლებიც აზიანებს ნაწლავებს

არაჯანსაღი, არადაბალანსებული კვება და ალკოჰოლის გაზრდილი მოხმარება ასუსტებს იმუნიტეტს.

იმუნური სისტემის 70%-ზე მეტი ნაწლავის შიგნით ყალიბდება. არა მხოლოდ ნაწლავში მცხოვრები გარკვეული მიკრობების არსებობა თამაშობს მნიშვნელოვან როლს იმუნური სისტემის ბალანსის შენარჩუნებაში, ნაწლავი ასევე ფლობს „ადაპტირებულ იმუნიტეტს“, იმუნური სისტემის მეხსიერების ბანკს. ამასთან ნაწლავის ლორწოვანი გარსი და ეპითელური უჯრედები ორგანიზმის დაცვის პირველ ხაზს წარმოადგენენ. ნაწლავის ჯანმრთელობის გაძლიერებით, აუმჯობესებთ იმუნურ სისტემას.

რაფინირებულმა შაქარმა შეიძლება შეცვალოს ნაწლავის შემადგენლობა პათოგენური ბაქტერიების სასარგებლოდ. შაქრის დონის მერყეობამ ასევე შეიძლება გავლენა მოახდინოს კორტიზოლზე, სტრესის ჰორმონზე. თავის მხრივ, კორტიზოლის გაზრდილმა რაოდენობამ და დაზიანებულმა ნაწლავმა შეიძლება გამოიწვიოს იმუნური სისტემის დასუსტება.

5 გზა იმუნიტეტის ასამაღლებლად

გაზარდეთ ბოჭკოს მიღება

იმუნიტეტის გაძლიერების ერთ-ერთი მთავარი გზაა ბოჭკოების ადეკვატური მოხმარების თანმიმდევრული დაცვა. დიეტური ბოჭკოები, როგორიცაა ხილი, ბოსტნეული, თხილეული და მთლიანი მარცვლეული, შეიცავს პრებიოტიკურ ბოჭკოებს, რომლებიც აუცილებელია სასარგებლო ბაქტერიებისთვის.

პრებიოტიკური ბოჭკოების მიღება ზრდის ორგანიზმის უნარს შექმნას ბუტირატი და სხვა მოკლეჯაჭვიანი ცხიმოვანი მჟავები, რომლებიც გადამწყვეტ როლს თამაშობენ ანთების შემცირებაში.

გაითვალისწინეთ, რომ ბოჭკოს მიღების მატება დროთა განმავლობაში უნდა მოხდეს ნელა და სტაბილურად, კუჭის გაღიზიანების თავიდან ასაცილებლად.

მიიღეთ პრობიოტიკები

პრობიოტიკების მიღებამ შეიძლება ხელი შეუწყოს თანდაყოლილი იმუნიტეტის გაძლიერებას. პრობიოტიკების გარკვეულ შტამები, როგორიცაა Lactobacillus და Bifidobacterium, აძლიერებს ეპითელიუმის კედლებს, ნაწლავის გარსს და ასტიმულირებს ციტოკინების, იმუნური უჯრედების წარმოებას.

შეძლებისდაგვარად შეამცირეთ რაფინირებული შაქრის მოხმარება

რაფინირებული შაქრის მოხმარება უნდა იყოს შეძლებისდაგვარად მინიმუმამდე დაყვანილი, რადგან მას შეუძლია დიდი გავლენა მოახდინოს ნაწლავების ჯანმრთელობაზე. რაფინირებული შაქრის შემცირებამ შეიძლება გააუმჯობესოს ნაწლავის ფუნქცია და იმუნური სისტემა. შაქრის გადაჭარბებული მოხმარება, განსაკუთრებით რაფინირებული წყაროებიდან უარყოფითად აისახება ნაწლავების ჯანმრთელობაზე და იმუნურ სისტემაზე.

რაფინირებული შაქრები არა მხოლოდ ცვლის ნაწლავის შემადგენლობას პათოგენური მიკრობების სასარგებლოდ, არამედ ზრდის ნაწლავის გამტარიანობას, რაც აადვილებს პათოგენების შეღწევას.

რეგულარულად ივარჯიშეთ

ვარჯიში ერთ-ერთი საუკეთესო საშუალებაა იმუნიტეტის გაძლიერებისთვის. ზომიერ ვარჯიშს შეუძლია უჯრედული იმუნიტეტის სტიმულირება ორგანიზმში იმუნური უჯრედების მიმოქცევის გაზრდით. კვლევამ აჩვენა, რომ ვარჯიში მოქმედებს როგორც იმუნური სისტემის მოდულატორი და რეგულარულად ვარჯიშისას შეუძლია შეამციროს ვირუსული ინფექციების განვითარების რისკები, როგორიცაა გაციება.

დარწმუნდით, რომ დაბალანსებულად იკვებებით

მიიღეთ მრავალფეროვანი საკვები, როგორიცაა ხილი, ბოსტნეული, ხორცი და ნახშირწყლები. ეს ხელს შეუწყობს მიკროელემენტების და მაკროელემენტების ფართო სპექტრის უზრუნველყოფას, ვიტამინებთან და მინერალებთან ერთად, რომლებიც საჭიროა ჯანსაღი იმუნური სისტემისთვის.

კარგად დაბალანსებული დიეტა არ იქნება სრულყოფილი ჰიდრატაციის გარეშე. საკმარისი წყლის დალევა ორგანიზმს ნარჩენების გამოდევნაში ეხმარება და არის მნიშვნელოვანი გზა იმუნური სისტემის გაძლიერებისთვის.