მაგნიუმი და მანგანუმი - ორი მნიშვნელოვანი ელემენტი
მაგნიუმის დღიური მოთხოვნილება საკმაოდ მაღალია, ვიდრე მანგანუმის დღიური მოთხოვნილება.
რა არის მანგანუმი?
მანგანუმი არის მიკროელემენტი, რაც იმას ნიშნავს, რომ თქვენ არ გჭირდებათ მისი ბევრი რაოდენობა. მიუხედავად ამისა, სასიცოცხლოდ მნიშვნელოვანია საკმარისი რაოდენობის მიღება, რადგან თქვენი სხეული ამას მოითხოვს მრავალი განსხვავებული პროცესისთვის.
ის მონაწილეობს ორგანიზმში არსებულ თითქმის ყველა სახის ქიმიურ პროცესში. მაგალითად, მანგანუმი გჭირდებათ:
- სისხლის შედედებისთვის და ჭრილობის შეხორცებისთვის;
- ძვლოვანი ქსოვილის ფორმირებისთვის;
- ხელს უწყობს რეპროდუქციული სისტემის ჯანმრთელობას;
- აუცილებელია იმუნური სისტემის ფუნქციონირებისთვის;
- მონაწილეობს ამინომჟავების, ნახშირწყლების, ქოლესტერინის და გლუკოზის მეტაბოლიზების პროცესში
კვლევა აჩვენებს კავშირს დიაბეტსა და სისხლში მანგანუმის დონეს შორის.
მანგანუმით მდიდარი საკვების კარგი წყაროები მოიცავს:
- ხილი და ბოსტნეული, მათ შორის მოცვი, ანანასი, ისპანახი და გოგრა;
- პარკოსნები, რომელშიც შედის ოსპი, სოიო;
- თხილეული;
- სეზამის თესლი;
- მთლიანი მარცვლეული საკვები, როგორიცაა ყავისფერი ბრინჯი, შვრიის ფაფა და მთლიანი ხორბლის პური
რამდენი მანგანუმი გჭირდებათ?
ჯანმრთელობის ეროვნული ინსტიტუტი (NIH) გვირჩევს 1,8-დან 2,3 მილიგრამამდე (მგ) მანგანუმს ყოველდღიურად მოზრდილებისთვის.
მანგანუმის დეფიციტი იშვიათია. ადამიანთა უმეტესობა საკმარის რაოდენობას საკვებით იღებს.მაგრამ იმ იშვიათ შემთხვევაში, როდესაც არ მიიღებთ საკმარისად, ამანშეიძლება ჯანმრთელობის პრობლემები გამოიწვიოს. როგორიცაა მეტაბოლიზმის პრობლემები, სუსტი ძვლები. მანგანუმის დეფიციტმა შეიძლება გავლენა მოახდინოს ბავშვების ზრდაზეც.
რა არის მაგნიუმი?
მაგნიუმი მაკროელემენტია. ადამიანს მისი ცოტა მეტი რაოდენობა სჭიდება, ვიდრე მანგანუმი. მანგანუმის მსგავსად, ორგანიზმი მაგნიუმს ასობით სხვადასხვა პროცესში იყენებს.
მაგნიუმი გჭირდებათ ისეთი ფუნქციებისთვის, როგორიცაა:
- არტერიული წნევის კონტროლი;
- სისხლში შაქრის კონტროლი;
- ძვლის ჯანმრთელობა;
- ენერგიის შექმნა;
- გულის რითმის რეგულირება;
- კუნთების და ნერვული ფუნქცია;
- ცილის სინთეზი
შეიძლება არ გქონდეთ მაგნიუმის მაგნიუმის დაბალი დონის ნიშნები, განსაკუთრებით თავიდან, მაგრამ დროთა განმავლობაში შეიძლება განვითარდეს ჯანმრთელობის სერიოზული პრობლემები, მათ შორის გულის პრობლემები და კრუნჩხვები. მაგნიუმის დონის შესამოწმებლად გაიარეთ კონსულტაცია ექიმთან. განსაკუთრებით თუ 60 წელს გადაცილებული ხართ ან გაქვთ ისეთი სიმპტომები, როგორიცაა გულის რითმის პრობლემები ან დაღლილობა.
მაგნიუმით მდიდარი საკვების წყაროები მოიცავს:
- ხორცი;
- თევზი;
- ბროკოლი;
- კარტოფილი;
- ისპანახი;
- პარკოსნები;
- რძე;
- იოგურტი;
- ხილი - ვაშლი, ავოკადო, ბანანი;
- თხილეული;
- ჩიას თესლი;
- სელის თესლი;
- გოგრის თესლი
საყურადღებოა დოზების გათვალისწინება მაგნიუმის დამნამატების მიღებისას. თუ მიიღებთ ძალიან ბევრ მაგნიუმს, დაახლოებით 350 მგ-ზე მეტს დღეში ყოველდღიურად, გარკვეული ხნის შემდეგ გექნებათ კრუნჩხვები, დიარეა და შესაძლოა გულისრევა.
ძალიან დიდ დოზას 5000 მგ-ზე მეტს დღეში კი აქვს ტოქსიკური ეფექტი. მაგნიუმის ტოქსიკურობა იშვიათია, მაგრამ შეიძლება გამოიწვიოს: სუნთქვის პრობლემები, არარეგულარული გულისცემა, დაბალი წნევა, თირკმელების დაავადების ან ჯანმრთელობის პრობლემების მქონე ადამიანები მაგნიუმის ტოქსიკურობის უფრო მაღალი რისკის ქვეშ არიან.
რამდენი მაგნიუმი გჭირდებათ?
ასაკისა და სქესიდან გამომდინარე, ქალებისთვის რეკომენდებულია 310მგ, კაცებისთვის 420 მგ-მდე მაგნიუმი დღეში. თუმცა ბიოდანამატების მეშვეობით მიღებული მაგნიუმის დღიური რეკომენდებული დოზა 350 მგ-ს არ უნდა აჭარბებდეს.
