ლალი ჩხიკვაძე

ადრე დაძინება

ნახევარი საათით ადრე მაინც: შემოდგომაზე, როცა დღის ხანგრძლივობა შემცირდა, გაგიადვილდებათ უფრო ადრე დაძინება. და "დამატებითი" ოცდაათი წუთი ძილი დიდ სარგებელს მოუტანს თავდაცვით სისტემას: რაც უფრო ძლიერი და სრულყოფილია ღამის დასვენება, მით ნაკლებია ავადმყოფობის რისკი ვირუსთან უშუალო კონტაქტის შემდეგაც კი.

საქმე ის არის, რომ ჩვენი იმუნური სისტემა ყველაზე აქტიურად მუშაობს ძილის დროს: ამ დროს გამოიყოფა ის ცილები, რომლებიც აგრესორებს ებრძვიან.

თუ ჩვენ ცოტას ვიძინებთ ან ჩვენი ღამის დასვენება საკმარისად ღრმა არ არის, ნაკლები ცილა გამოიყოფა და ჩვენი დაცვა სუსტდება.

გაიხსენეთ გასული ზაფხული და დაგეგმეთ ახალი

გადახედეთ ზაფხულის ფოტოებს, დაალაგეთ სუვენირები და აუცილებლად იოცნებეთ ახალ შვებულებაზე - ერთი სიტყვით, მაქსიმალურად ოპტიმისტურად მოექეცით თავს. მეცნიერული ფაქტია: ადამიანები, რომლებიც ცხოვრებას ოპტიმიზმით უყურებენ და მისგან მხოლოდ სასიამოვნო სიურპრიზებს ელიან, ნაკლებად ავადდებიან და უფრო სწრაფად გამოჯანმრთელდებიან.

მოიძიეთ კომედიები

დააწესეთ წესი: რაც არ უნდა დაგემართოთ დღის განმავლობაში, 15 წუთი მაინც უნდა გაიცინოთ. გულიან სიცილს ბევრი სარგებელი მოაქვს, გულის ფუნქციის გაუმჯობესებიდან დაწყებული მუცლის კუნთების გაძლიერებამდე, მაგრამ განსაკუთრებით საინტერესოა მისი გავლენა იმუნურ სისტემაზე.

სიცილი ზრდის ანტისხეულების წარმომქმნელ უჯრედების რაოდენობას და ზრდის T უჯრედების ეფექტურობას, ასევე ამცირებს სტრესის ჰორმონებს და ზრდის ენდორფინებს.

მოძრაობა

მის გარეშე ვერ ვიცხოვრებთ: რაც უფრო დიდხანს ვართ უმოძრაოდ, მით უფრო ხშირად ვავადდებით. გააკეთეთ ვარჯიშები, იარეთ სპორტდარბაზში ან აუზზე, იცეკვეთ საღამოობით მეგობრებთან ან საყვარელ ადამიანთან ერთად - ერთი სიტყვით, უბრალოდ არ დაჯდეთ. დღეში მინიმუმ ნახევარი საათი იმოძრავეთ

მეტი ვიტამინი C

იმუნიტეტის საუკეთესო გამაძლიერებელი არის ის, რომელსაც ვიღებთ ხილის ან ბოსტნეულისგან. მოცვი, კომბოსტო ანციტრუსები. ვიტამინი C ძლიერი ანტიოქსიდანტია და აძლიერებს იმუნურ სისტემას.