მარიამ ფოლადაშვილი

აქტივობა ხუთიდან ათ წუთამდე გრძელდებოდა.

ახალმა კვლევამ აჩვენა, რომ მცირე ფიზიკური დატვირთვა, მთელი დღის განმავლობაში, ამცირებს გულის შეტევის, ინსულტის და ნაადრევი სიკვდილის რისკს.

კვლევამ, რომელიც გამოქვეყნდა The Lancet Public- ში, აჩვენა, რომ ადამიანებს შეუძლიათ შეამცირონ გულ-სისხლძარღვთა სერიოზული დაავადებების რისკი თუნდაც ხუთწუთიანი ფიზიკური აქტივობით.

ბევრი ზრდასრული არ ვარჯიშობს საკმარისად, ხშირ შემთხვევაში სამსახურის ტიპისა და არასაკმარისი დროის გამო, თუმცა, ეს კვლევა აჩვენებს, რომ უბრალოდ ყოველდღიური ცხოვრებისეული აქტივობების დროს მეტმა მოძრაობამ შეიძლება დაიცვას გული.

ადამიანებისთვის შეიძლება უფრო ადვილი იყოს ფიზიკური აქტივობის მოკლე ეპიზოდების ჩართვა რუტინაში, როგორც ყოველდღიური ჩვევა, ვიდრე უფრო გრძელი სტრუქტურირებული ვარჯიში.

რამდენი ვარჯიში გჭირდებათ ჯანმრთელობის სარგებელი რომ მიიღოთ?

კვლევის მიხედვით, ზომიერი და ენერგიული ფიზიკური აქტივობა, რომელიც გრძელდებოდა 10 წუთზე ნაკლებ დროს, დაკავშირებული იყო გულის შეტევის, ინსულტის და სიკვდილის მნიშვნელოვანი შემცირებასთან. მაგალითად, 1-დან 3 წუთამდე ფიზიკური აქტივობა დაკავშირებული იყო ჯანმრთელობის უფრო დიდ სარგებელთან, ვიდრე ერთ წუთზე ნაკლები დროის განმავლობაში მოძრაობა. გარდა ამისა, რაც უფრო მეტ ენერგიულ აქტივობას მიაღწევს ადამიანი, მით მეტია სარგებელი.

აშშ-ს ჯანმრთელობისა და ადამიანური სერვისების დეპარტამენტის მიერ შემუშავებული ფიზიკური აქტივობის სახელმძღვანელო გვირჩევს, რომ ადამიანებმა 150 წუთი ზომიერი ინტენსივობის ფიზიკური აქტივობა უნდა შეასრულონ ყოველ კვირას.

გასულ წელს ჩატარებულმა კვლევამ ანალოგიურად დაადგინა, რომ აქტივობის ოთხი ხანმოკლე ეპიზოდი, საშუალოდ 2 წუთამდე, მნიშვნელოვნად ამცირებს გულ-სისხლძარღვთა დაავადებების რისკი.

კიდევ ერთმა მოხსენებამ აღმოაჩინა, რომ ყოველდღე ერთ-ორწუთიანი აქტივობა დაკავშირებულია კიბოთი გამოწვეული სიკვდილიანობის რისკის 38%-40%-ით და გულ-სისხლძარღვთა დაავადებების სიკვდილიანობის რისკის 48%-49%-ით შემცირებასთან.

თუ არ გაქვთ დრო სპეციალური ვარჯიშის რეჟიმისთვის, უნდა ეცადოთ, მოერგოთ ნებისმიერ აქტივობას, რომლისთვისაც გამონახავთ დროს.

უმოძრაო ცხოვრების წესი გულის დაავადებების და კიბოს წამყვანი რისკ-ფაქტორია. უმოძრაო ცხოვრების წესი ასოცირდება ჯანმრთელობის სერიოზული პრობლემების მაღალ რისკთან, მათ შორის: გულ-სისხლძარღვთა დაავადებებთან, კიბოსთან, ნაადრევ სიკვდილთან.

როდესაც ვვარჯიშობთ, ორგანოები და ქსოვილები განიცდიან ცვლილებებს, რაც აუმჯობესებს მათ მუშაობას და ეფექტურობას.

ფიზიკური აქტივობა აუმჯობესებს:

• ლიპიდურ მეტაბოლიზმს;
• ენდოთელური ქსოვილის ფუნქციას;
• სისხლის სიბლანტეს;
• კარდიომიოციტების პროლიფერაციას ან უჯრედების ხელახლა ზრდას გულის არასასურველი ცვლილებების მქონე ადამიანებში.

აქტივობის ხანმოკლე ეპიზოდებმაც კი შეიძლება გავლენა მოახდინოს იმ მექანიზმებზე, რომლითაც ეს ცვლილებები ხდება, რაც აუმჯობესებს ჩვენი სხეულის ფუნქციონირებას.

ზოგადად, ზომიერად ენერგიული ვარჯიში იწვევს სისხლის ნაკადის გაზრდას სისხლძარღვებში, რაც ნაკლებად შესაძლებელს ხდის ნადების დაგროვებას.

როგორ უნდა იმოძრაოთ მეტი დღის განმავლობაში

• ლიფტის ნაცვლად ისარგებლეთ კიბეებით;
• ხშირად ისეირნეთ თქვენს ოფისში;
• იარეთ უფრო სწრაფად საყიდლების დროს;
• ასევე, ონლაინ შეხვედრებისას, შესაძლებლობის შემთხვევაში, ოთახში სიარულს.

ბევრი ზრდასრული, განსაკუთრებით ხანდაზმული, შეზღუდული შესაძლებლობის მქონე ან ჯანმრთელობის სხვა პრობლემების მქონე ადამიანისთვის, შეიძლება უფრო მიზანშეწონილი იყოს ყოველდღიური აქტივობის ხანმოკლე ეპიზოდები, ვიდრე სპორტულ დარბაზში სიარული ან დაგეგმილი, სტრუქტურირებული ვარჯიში.

მთავარი ის არის, რომ ფიზიკური აქტივობის ყოველ წუთს დიდი სარგებელი მოაქვს ჯანმრთელობისთვის, განსაკუთრებით მაშინ, თუ ვარჯიში ენერგიულია.