ლალი ჩხიკვაძე

ინფიცირების ძირითადი გზაა თერმულად არასაკმარისად დამუშავებული ხორცის ჭამა. ეს შეიძლება იყოს სტეიკები შეწვის დაბალი ხარისხი, უმი და ცუდად მოხარშული ხორცისგან დამზადებული სხვა კერძები.

ტოქსოპლაზმოზით ადამიანი ასევე შეიძლება დაინფიცირდეს კატის განავალთან პირდაპირი ან არაპირდაპირი კონტაქტით ან დაინფიცირდეს მუცლადყოფნის პერიოდში (დედიდან შვილზე). ტოქსოპლაზმოზი საშიშია 65 წელზე უფროსი ასაკის ადამიანებისთვის, ბავშვებისთვის, აივ ინფიცირებული ადამიანებისთვის, ჩვილებისთვის და ნაყოფისთვის.

დაავადება ვლინდება სხვადასხვა ფორმით: მწვავე ტოქსოპლაზმოზი (იგი მიმდინარეობს ინფექციური მონონუკლეოზის სახით), თვალის, ცნს (ცენტრალური ნერვული სისტემა), დისიმინერებული ინფექცია. მაგრამ თანდაყოლილ ტოქსოპლაზმოზს ყველაზე არახელსაყრელი პროგნოზი აქვს, როდესაც ქალს ორსულობისას მწვავე ინფექცია ჰქონდა და პლაცენტის მეშვეობით გადასცა ბავშვს.

ზრდასრული, ჯანმრთელი, არაორსული ადამიანების უმეტესობაში ტოქსოპლაზმოზი უსიმპტომოდ მიმდინარეობს. მხოლოდ ზოგიერთ ადამიანს, ინფიცირებიდან რამდენიმე დღის შემდეგ, შეიძლება განუვითარდეს მწვავე რესპირატორული ვირუსული ინფექციის მსგავსი სიმპტომები, რომლებიც თავისთავად ქრება მკურნალობის გარეშე ორ-სამ დღეში. სიმპტომები შეიძლება იყოს შემდეგი: ცხელება 38°C-მდე, შემცივნება, ჭარბი ოფლიანობა.

ადამიანების დაახლოებით 20-30%-ს აქვს ოდნავ გადიდებული ლიმფური კვანძები - ეს სიმპტომი გრძელდება 2-3 კვირის განმავლობაში.

ტოქსოპლაზმოზის თავიდან ასაცილებლად რეკომენდირებულია მიირთვათ მხოლოდ კარგად მოხარშული ხორცი და კარგად დაიბანოთ ხელები უმ ხორცთან, ნიადაგთან ან კატის განავალთან კონტაქტის შემდეგ. ორსულ ქალებს ურჩევენ მოერიდონ კატებთან კონტაქტს და კატის ქვიშის გაწმენდას.