რატომ შეიძლება გაზარდოს ანტიბიოტიკების გამოყენებამ ნაწლავის ანთებითი დაავადების რისკი და როგორ უნდა აღიდგინოთ მიკრობიომის მრავალფეროვნება
40 წელზე უფროსი ასაკის ადამიანებში ანტიბიოტიკების ხშირმა გამოყენებამ შეიძლება გაზარდოს ნაწლავის ანთებითი დაავადების განვითარების რისკი, ნათქვამია კვლევაში, რომელიც გამოქვეყნდა ონლაინ ჟურნალში Gut. ისინი აღნიშნავენ, რომ რისკი მცირდება ანტიბიოტიკების გამოყენების შეწყვეტის შემდეგ. ანტიბიოტიკები აუცილებელია გარკვეული შემთხვევების დროს, მაგრამ მათი გამოყენება უნდა ითვალისწინებდეს ნაწლავის ანთებითი დაავადების რისკს.
მკვლევარებმა გამოიყენეს 10 წელზე უფროსი ასაკის ადამიანების სამედიცინო მონაცემები, რომლებსაც არ ჰქონდათ ნაწლავის ანთებითი დაავადების დიაგნოზი კვლევის პერიოდის დასაწყისში. კვლევაში 6 მილიონზე მეტი ადამიანი მონაწილეობდა. რამდენიმე წლის განმავლობაში მიმდინარე კვლევის პერიოდში, 5,5 მილიონზე მეტ ადამიანს ერთხელ მაინც დაენიშნა ანტიბიოტიკი. დაფიქსირდა წყლულოვანი კოლიტის 36,017 ახალი დიაგნოზი და კრონის დაავადების 16,881 შემთხვევა.
მკვლევარებმა განაცხადეს, რომ იმ ადამიანებთან შედარებით, რომლებიც არ იყენებდნენ ანტიბიოტიკებს, ადამიანებს, რომლებიც იტარებდნენ ანტიბიოტიკების მინიმუმ ერთ კურსს, უფრო მეტად უვითარდებოდათ ნაწლავის ანთებითი დაავადებები ასაკის მიუხედავად. თუმცა, ხანდაზმული ასაკი დაკავშირებულია უფრო მაღალ რისკთან.
კვლევით ასევე დაადგინეს, რომ ნაწლავის ანთებითი დაავადებების განვითარების რისკ - ფაქტორი იყო კუმულაციური და შემდგომმა ანტიბიოტიკების კურსებმა გაზარდა რისკი 11% - 14%-ით. რისკები მცირდება ანტიბიოტიკების მიღების შეწყვეტიდან 1-2 წლის შემდეგ.
მკვლევარების თქმით, ეს კვლევა ამყარებს იმ აზრს, რომ ნაწლავის მიკრობიომს შეიძლება ჰგადამწყვეტი როლი ჰქონდეს ნაწლავის ანთებითი დაავადებების განვითარებაში და რომ ბევრ ანტიბიოტიკი ცვლის ნაწლავის მიკრობიომის შემადგენლობას.
ანტიბიოტიკები გამოსავალია მრავალი ინფექციური დაავადების დროს. თუმცა, მათ მრავალი მავნე ზემოქმედება აქვთ ორგანიზმზე მოკლევადიან და გრძელვადიან პერიოდში.
ზოგიერთ საკვებს შეუძლია შეამციროს ანტიბიოტიკების გვერდითი მოვლენები. მიკრობიომის ბალანსის აღსადგენად:
მიიღეთ პრობიოტიკები - ანტიბიოტიკების მიღებამ შეიძლება შეცვალოს ნაწლავის მიკრობიოტა, რაც იწვევს იწვევს ანტიბიოტიკებთან ასოცირებულ პრობლემებს. თუმცა, პრობიოტიკები, როგორც წესი, თავად ბაქტერიებია, ისინი ასევე შეიძლება განადგურდეს ანტიბიოტიკებით, თუ მათი ერთად მიღება მოხდება. ასე რომ, თუ მათ ერთდროულად იღებთ, რეკომენდებულია პრობიოტიკების გამოყენება ანტიბიოტიკის დოზის მიღებიდან 4-6 საათის შემდეგ. კვლევამ აჩვენა, რომ პრობიოტიკების მიღება ანტიბიოტიკების მიღების დროს ან მის შემდეგ დაგეხმარებათ შეინარჩუნოთ ნაწლავის მიკრობიომის მრავალფეროვნება.
მიიღეთ ფერმენტირებული საკვები.
მიირთვით ბოჭკოს შემცველი პროდუქტები.
საჭიროა პრებიოტიკების მიღება, რაც წარმოადგენს პრობიოტიკების საკვებს.
მიუხედავად იმისა, რომ ბევრი საკვები სასარგებლოა ანტიბიოტიკების მიღების დროს და მის შემდეგ, ზოგიერთი მათგანის მიღება უნდა შეიზღუდოს.
მაგალითად, უნდა მოერიდოთ გრეიფრუტის ჭამას ან გრეიფრუტის წვენის დალევას, რადგან ეს ხელს უშლის ორგანიზმის მიერ მედიკამენტების სწორად დაშლას.
კვლევა აჩვენებს, რომ გრეიფრუტის წვენს ასევე შეუძლია გავლენა მოახდინოს ზოგიერთი ანტიბიოტიკის ეფექტურობაზე.
კალციუმით გამდიდრებულმა საკვებმა და სასმელებმა, როგორიცაა კალციუმით გამდიდრებული ფორთოხლის წვენი, ასევე შეიძლება გავლენა იქონიოს ანტიბიოტიკების შეწოვის პროცესზე.