მარიამ ფოლადაშვილი

რკინა აუცილებელი ელემენტია ბავშვის განვითარებისთვის. იგი საკვები ნივთიერებაა, რომელიც საჭიროა ჰემოგლობინის წარმოებისთვის.

რკინის დეფიციტის შემთხვევაში, სისხლის წითელი უჯრედების გამომუშავება ნელდება და ორგანოები ვერ იღებენ საკმარის ჟანგბადს, რაც უარყოფითად მოქმედებს ბავშვის ასაკის შესაბამის ზრდა - განვითარებაზე.

თუ ბავშვს აქვს რკინის დეფიციტი, მას შეიძლება ჰქონდეს მადის დაქვეითება, კოგნიტური და ქცევითი შეფერხება.

რკინის დეფიციტით დაავადებულ მოზრდილებშიშეიძლება განვითარდეს დაღლილობა, გაღიზიანება, თმის ცვენა, მტვრევადი ფრჩხილები.

ბავშვებში რკინის დეფიციტი მარტივად შეიძლება მოგვარდეს დაბალანსებული კვებით. ჩვეულებრივ, საკვებში გვხვდება რკინის ორი ტიპი - ჰემის რკინა და არაჰემური რკინა. ჰემის რკინა გვხვდება ხორცში და თევზში, ხოლო არაჰემური რკინა გვხვდება მცენარეულ საკვებში, როგორიცაა ხილი, ბოსტნეული, და თხილი. არაჰემური რკინა დიეტური კვების მნიშვნელოვანი ნაწილია და ის უკეთესად შეიწოვება ორგანიზმის მიერ.

ჩვილები ჩვეულებრივ იბადებიან დიდი რაოდენობით რკინის მარაგით. ბუნებრივი კვება პირველი ექვსი თვის განმავლობაში, უზრუნველყოფს დედის რძიდან რკინის შეუფერხებელ და ადეკვატურ მიწოდებას. როგორც კი ჩვილები მიაღწევენ 6 თვეს, როდესაც სწრაფი ზრდისა და მყარი ნივთიერებების შემოტანის დროა, რკინის ადექვატური რაოდენობის მიღება შეიძლება გართულდეს. მიზანშეწონილია რაციონში დაამატოთ რკინით გამდიდრებული საკვები, რაც ხელს უწყობს ჩვილებში ანემიის თავიდან აცილებას.

5 გზა რკინის შეწოვის გასაუმჯობესებლად

დაამატეთ მეტი C ვიტამინით მდიდარი საკვები, როგორიცაა ციტრუსები, ლიმონი, პომიდორი, კენკრა, კივი, ნესვი, ბოსტნეული ბავშვის ყოველდღიურ დიეტაში, რადგან C ვიტამინი ხელს უწყობს ორგანიზმში რკინის უკეთეს შეწოვას.

მოერიდეთ ბავშვებისთვის ყავის, ჩაის მიცემას, ამან შეიძლება შეამციროს რკინის შეწოვაან მოერიდეთ ჩაის და ყავის დალევას ჭამის დროს ან მიირთვით 30 წუთის შემდეგ.

მოერიდეთ თუთიის, სპილენძის, მაგნიუმის და კალციუმის ჭარბ მიღებას, რადგან ისინი დადებითად არიან დამუხტულები და ხელს უშლიან რკინის შეწოვას. მულტივიტამინების მიცემამდე მიმართეთ ექიმს ან დიეტოლოგს.

მოერიდეთ კალციუმით და ფოსფორით მდიდარ საკვებთან ერთად არაჰემური რკინის შემცველი საკვების შერწყმას, რადგან ეს ორი ელემენტი აფერხებს არაჰემური რკინის შეწოვას.

ოქსალატები არღვევს არაჰემური რკინის შეწოვას. ოქსალატები არის ოქსილის მჟავისგან მიღებული ნაერთები და გვხვდება ისეთ საკვებში, როგორიცაა ისპანახი, ჭარხალი, თხილი, შოკოლადი, ჩაი. მოხარშეთ ბოსტნეული მოხმარებამდე, რადგან ეს ამცირებს ოქსალატის შემცველობას.

შეინარჩუნეთ ნაწლავების ჯანმრთელობა, რადგან მსხვილ ნაწლავში არსებულ კარგ ბაქტერიებს შეუძლიათ დაშალონ ოქსალატები, სანამ ისინი მინერალებთან შეერთდებიან.