მარიამ ფოლადაშვილი

ატმის შემადგენლობაში შედის:

A ვიტამინი (რეტინოლის ექვივალენტი) და ვიტამინი A (ბეტა-კაროტინი).

B1 ვიტამინი (თიამინი).

B2 ვიტამინი (რიბოფლავინი).

B3 ვიტამინი (ნიაცინი, ნიკოტინის მჟავა).

B5 ვიტამინი (პანტოთენის მჟავა).

B6 ვიტამინი (პირიდოქსინი).

B7 ვიტამინი (ბიოტინი).

B9 ვიტამინი (მთლიანი ფოლიუმის მჟავა).

C ვიტამინი (ასკორბინის მჟავა).

E ვიტამინი.

K ვიტამინი.

კალიუმი.

კალციუმი.

მაგნიუმი.

ფოსფორი.

გოგირდი.

რკინა.

თუთია.

სპილენძი.

მანგანუმი.

ფთორი.

იოდიდი

თუ დღეში ორ ატამს მიირთმევთ, C ვიტამინის რეკომენდებული ყოველდღიური ოდენობის დაახლოებით 30 პროცენტს მიიღებთ. ელემენტი საუკეთესო იმუნოსტიმულატორია, რომელიც დიდ როლს ასრულებს მრავალი დაავადების პროფილაქტიკაში, და იმავდროულად E ვიტამინის რეკომენდებული დღიური ოდენობის დაახლოებით 8 პროცენტს მიაწვდით ორგანიზმს.

ერთი ატამი K ვიტამინის სადღეღამისო მოთხოვნილების დაახლოებით 20 პროცენტს შეიცავს და ხელს უყწობს გულ-სისხლძარღვთა სისტემის გამართულ მუშაობას.

ატამი გამოირჩევა ბეტა კაროტინის შემცველობითაც. ბეტა კაროტინი ხელს უწყობს სისხლის მიმოქცევის გააქტიურებას, იცავს ბადურას თავისუფალი რადიკალებით დაზიანებისგან.

ატამი შეიცავს სხვა კაროტინოიდებსაც - ლუთეინს და ზეაქსანთინს, რომლებიც ერთად მნიშვნელოვან როლს ასრულებენ თვალის ჯანმრთელობაში.

მნიშვნელოვანია ატამში მცენარეული ნივთიერებების შემცველობა, რომელთა ანტიოქსიდანტური პოტენციალი უფრო მაღალია, ვიდრე ვიტამინებისა და კაროტინოიდებისა. ატამში შემავალი პოლიფენოლებიდან, აღსანიშნავია ქლოროგენის მჟავა, რომელიც დაზიანებისგან იცავს დნმ-ს და კვერცეტინი, რომელიც საუკეთესოა კიბოსა და დეპრესიის წინააღმდეგ. მიჩნეულია, რომ ატამში შემავალ ეპიკატექინს შეუძლია საგრძნობლად შეამციროს ინსულტის, გულის შეტევის, ზოგიერთი კიბოსა და დიაბეტის რისკი.

ანტოციანები, რომლებიც უმთავრესად ატმის კანშია თავმოყრილი ორგანიზმს გულ-სისხლძარღვთა დაავადებებისა და კიბოსგან იცავს. ატმის ექსტრაქტი ანადგურებს სარძევე ჯირკვლის კიბოს უჯრედებს. ატმის ექსტრაქტში არსებული პოლიფენოლებიდან სიმსივნის წინააღმდეგ ყველაზე ეფექტური ქლოროგენის მჟავა აღმოჩნდა.

მეტაბოლური სინდრომი ორგანიზმში მიმდინარე იმ ცვლილებათა ერთობლიობაა, რომლებიც ნივთიერებათა ცვლის დარღვევას იწვევს და ის გულ-სისხლძარღვთა დაავადებების ყველაზე გავრცელებულ მიზეზად მიიჩნევა. ატამში შემავალი ბიოაქტიური ნივთიერებების ნარევი - ქლოროგენის მჟავა, კვერცეტინი და კატექინი - ებრძვის მეტაბოლური სინდრომის სიმპტომებს და ხელს უწყობს ამ სინდრომით გამოწვეული დავადებების პრევენციას.