დადგენილია ომეგა -3-ის ოპტიმალური დღიური დოზა
ეს დასკვნა გააკეთეს მაკაოს მეცნიერებისა და ტექნოლოგიების უნივერსიტეტის (ჩინეთი) მეცნიერებმა.
ომეგა -3 პოლიუჯერი ცხიმოვანი მჟავები გვხვდება ცხიმიან თევზში: ორაგული, სარდინი, ქაშაყი, ტუნა, კალმახი. კვლევები აჩვენებს, რომ ეს ნივთიერებები ხელს უწყობს არტერიული წნევის დაქვეითებას, რითაც ამცირებს გულ-სისხლძარღვთა დაავადებების რისკს. თუმცა, ოპტიმალური სადღეღამისო დოზა ჯერ დადგენილი არ არის.
ჩინელმა მეცნიერებმა გააანალიზეს 71 კლინიკური კვლევის მონაცემები მთელი მსოფლიოდან. კვლევებში, რომლებიც იკვლევდნენ არტერიულ წნევასა და ომეგა -3-ის მიღებას შორის კავშირს, ჩართული იყო 22-დან 86 წლამდე ასაკის დაახლოებით ხუთი ათასი ადამიანი.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
საბოლოოდ დადგინდა, რომ ადამიანებში, რომლებიც დღეში ორ-სამ გრამ ომეგა-3-ს იღებდნენ, მათი ზედა (სისტოლური) და ქვედა (დიასტოლური) არტერიული წნევა მცირდებოდა საშუალოდ ორი მმ ვწყსვ.-ით.
ამავდროულად, ომეგა -3-ის მაღალი დოზით მიღებას დამატებითი სარგებელი მოაქვს ჰიპერტენზიის მქონე პაციენტებში, რაც ხელს უწყობს წნევის კიდევ უფრო შემცირებას.
სამი გრამი ომეგა -3 გვხვდება ატლანტიკური ორაგულის 140 გრამიან ულუფაში. იმ ადამიანებს, რომლებიც ამა თუ იმ მიზეზით არ ჭამენ თევზს, შეუძლიათ მიიღონ ეს სასარგებლო ნივთიერებები დანამატების სახით, აღნიშნავენ მკვლევარები.
