4 გზა საკუთარი კეთილდღეობის პრიორიტეტად ქცევისთვის
აქედან გამომდინარე, ნაკლებად გვრჩება დრო თავის მოვლის რუტინისთვის.
არსებობს რამდენიმე პრაქტიკა, რომელიც დაგეხმარებათ კეთილდღეობის პრიორიტეტად ქცევაში. დიეტოლოგების თქმით, დღეში 10 წუთი საკმარისია იმისთვის, რომ მნიშვნელოვან პროგრესს მიაღწიოთ, როდესაც საქმე ჯანმრთელობას ეხება. კეთილდღეობაზე ზრუნვა არის ყველაზე მნიშვნელოვანი, რაც შეგვიძლია გავაკეთოთ საკუთარი თავისთვის, ამიტომ გადატვირთული გრაფიკის პირობებშიც კი ყოველთვის პრიორიტეტი უნდა იყოს.ამ თეორიის პრაქტიკაში განსახორციელებლად, დიეტოლოგები გვიზიარებენ ოთხ სწრაფ რჩევას:
გააძლიერეთ ნაწლავის ჯანმრთელობა - საჭმლის მომნელებელი სისტემის გაძლიერება არ არის მხოლოდ წარმავალი ტენდენცია - ის აუცილებელია თქვენი საერთო გონებრივი და ფიზიკური კეთილდღეობისთვის.
საჭმლის მომნელებელი ჯანმრთელობისთვის შეგიძლიათ შექმნათ ცილების, ცხიმების, ბოჭკოების და სხვა ჯანმრთელი პროდუქტების ნაზავი. აირჩიეთ პროდუქტები, რომლებიც როგორც ხსნადი, ისე უხსნადი ბოჭკოოს წყაროა, ან პრებიოტიკული საკვები, რომელიც ხელს უწყობს ნაწლავის მიკროფლორის ჯანსაღ ბალანსს. ყოველ დილით 10 წუთის დათმობა ამ ჩვევისთვის საშუალებას მოგცემთ მიიღოთ პროტეინი, გაზარდოთ ბოჭკოს რაოდენობა და დაასტაბილუროთ სისხლში შაქრის დონე.
მეტი დრო გაატარეთ მზის სინათლეზე - გაღვიძებისთანავე, ნაცვლად იმისა, რომ საწოლში დარჩეთ და ტელეფონის ეკრანთან დაიწყოთ დღე გამოდით გარეთ და იზრუნეთ, რომ მიიღოთ მინიმუმ ორიდან 10 წუთის განმავლობაში ბუნებრივი, პირდაპირი მზის შუქი, რათა გამოიწვიოთ დოფამინის გამოყოფა და ხელი შეუწყოთ გამოფხიზლებას.
მზის ზემოქმედება უზრუნველყოფს D ვიტამინის გამოყოფას, რომელიცდაკავშირებულია განწყობის პრობლემების დაბალ რისკთან. ბუნებაში გასვლა მარტივი გზაა ენდორფინის დონის გაზრდისათვის და დოფამინის გამომუშავების გასაუმჯობესებლად. როცა გარეთ გასვლას ვერ ახერხებთ, აუცილებელია D ვიტამინის დანამატის მიღება.
ჰიდრატაცია - ცნობილია, რომ წყლის დალევა მნიშვნელოვანია. ბევრი ადამიანი სვამს წყალს, მაგრამ არ ავსებს ორგანიზმს ელექტროლიტებით, რამაც შეიძლება გამოიწვიოს ელექტროლიტური დისბალანსის ან დეფიციტის ისეთი სიმპტომები, როგორიცაა თავის ტკივილი, კრუნჩხვები, დაღლილობა და სისუსტე.
მაღალი ხარისხის ელექტროლიტური ნაზავის დამატება უმთავრესია. აუცილებელია ნატრიუმის, კალციუმის, კალიუმის, ქლორიდის, ფოსფატისა და მაგნიუმის სრული ელექტროლიტური პროფილისთვის შევსება.
აუცილებელია ნებისმიერი ხანმოკლე აქტივობა - როგორიცაა კიბეებზე ასვლა ან სწრაფი სეირნობა. ჩართეთ სავარჯიშოები რუტინაში, რათა შეამციროთ ჯდომის შედეგად გამოწვეული მავნე ეფექტები. ფიზიკური აქტივობა ამაღლებს განწყობას, ზრდის ენერგიის დონეს, ინარჩუნებს სისხლში შაქრის სტაბილურ დონეს.