მარიამ ფოლადაშვილი

ჩვეულებრივ წყალს. თუ არ მოგწონთ ჩვეულებრივი წყლის გემო ან გიჭირთ ყოველდღიური ჰიდრატაციის მოთხოვნილებების დაკმაყოფილება, მინერალური წყალი შეიძლება იყოს ყოველდღიური სასმელების შემადგენელი ნაწილი.

წყალი აუცილებელია სიცოცხლისა და ორგანიზმის ფუნქციონირებისთვის. თუმცა, მინერალური წყლის სარგებლის შესახებ კვლევა შერეული და ხშირად წინააღმდეგობრივია, განსაკუთრებით მაშინ, როდესაც საქმე ეხება საჭმლის მონელებას. ზოგიერთმა კვლევამ აჩვენა საჭმლის მონელების უმნიშვნელო გაძლიერება, ზოგი კი ვარაუდობს, რომ მინერალური წყლის დიდი რაოდენობით მოხმარებამ შეიძლება გამოიწვიოს გარკვეული სიმპტომები, რომლებიც დაკავშირებულია კუჭ-ნაწლავის დაავადებებთან. მაგალითად, გასტროეზოფაგური რეფლუქს დაავადება, ძირითადად ნახშირორჟანგის დიდი რაოდენობით მიღების გამო. მიუხედავად ამისა, მიმოხილვის თანახმად, ხელმისაწვდომი კვლევები არ ადასტურებს მიზეზობრივ კავშირს გაზიანი სასმელების რეგულარულ დალევასა და გასტროეზოფაგურ რეფლუქს დაავადებას შორის. აქედან გამომდინარე, მინერალური წყლის ეფექტი განსხვავებულია და დამოკიდებულია ორგანიზმზე.

გარდა ამისა, პოსტმენოპაუზის პერიოდში მყოფ ქალებში ჩატარებულმა კვლევამ შეისწავლა მცირე რაოდენობის მინერალების შემცველი და ნატრიუმით, ბიკარბონატითა და ქლორიდით მდიდარი გაზიანი მინერალური წყლის ეფექტები. მონაწილეები ყოველდღიურად მოიხმარდნენ 1 ლიტრ წყალს ორი თვის განმავლობაში, რასაც მოჰყვა ერთი ლიტრი გაზიანი წყლის მიღება ყოველდღიურად ორი თვის განმავლობაში. კვლევის ბოლოს, მკვლევარებმა აღმოაჩინეს, რომ დიდი რაოდენობით მინერალების შემცველმა გაზიანი წყლის მიღებამ გამოიწვია მთლიანი ქოლესტერინის 6,8 პროცენტით შემცირება. ამ შედეგების საფუძველზე, გაზიანი წყალი შეიძლება სასარგებლო იყოს გულ-სისხლძარღვთა დაავადებების და მეტაბოლური სინდრომის თავიდან ასაცილებლად.

მკვლევარებმა აღნიშნეს, რომ გაუმჯობესება შესაძლოა გამოწვეული იყოს ნატრიუმის მიღებით. მართალია, მარილის ჭარბი მიღება ამაღლებს არტერიულ წნევას და ზრდის გულ-სისხლძარღვთა დაავადებების რისკს, თუმცა, გასათვალისწინებელია ის ფაქტიც, რომ საკვებში მარილის მნიშვნელოვანმა შეზღუდვამ შეიძლება გამოიწვიოს უარყოფითი გავლენა გულ-სისხლძარღვთა ჯანმრთელობაზე. როგორც ყოველთვის, ყველაფერი სწორ ბალანსზეა დამოკიდებული.

თუ არ განიცდით საჭმლის მომნელებელ პრობლემებს, მინერალური წყლის დალევის გამო, შესაძლებელია მინერალური წყლის ყოველდღიური მიღება.

მთავარი შესაძლო პრობლემა არის კბილის მინანქრის ეროზიის წარმოქმნის რისკი, რაც მნიშვნელოვნად არის შესწავლილი.

ჩვეულებრივ მინერალურ წყალს აქვს pH 4.9-დან 5.5-მდე, ხოლო ჩამოსხმული, გაზირებული წყლის 6.9-დან 7.5-მდეა. 5,5 pH დონე კი საკმარისია კბილის მინანქრის დემინერალიზაციისთვის და ითვლება, რომ თუ თქვენ სვამთ მინერალურ წყალს რამდენჯერმე დღეში,კბილის მინანქრის დემინერალიზაციის უფრო მაღალი რისკის ქვეშ ხართ. ამიტომ, აირჩიეთ მინერალური წყალი ნაკლები მჟავიანობით.

თუ რეგულარულად იღებთ მინერალურ წყალს, ასევე ყურადღება მიაქციეთ კალციუმის მიღებას.