მარიამ ფოლადაშვილი

ფუნქციონირებისათვის.

ბევრი წყლის დალევა შესანიშნავი გზაა იმის უზრუნველსაყოფად, რომ საკმარისად ჰიდრატირებული იყოთ. გაძლიერებული წყლის დალევის ერთ-ერთი მიზეზი შესაძლოა იყოს ნატრიუმი.

ნატრიუმი არის მინერალი, რომელიც ჩვენს სხეულს სჭირდება სითხის სწორი ბალანსისთვის, კუნთებისა და ნერვული სისტემის ფუნქციონირებისთვის.

ნატრიუმი ასევე ხელს უწყობს საკვები ნივთიერებების გადატანას უჯრედებში, როგორიცაა ამინომჟავები და ვიტამინები, აკონტროლებს წყლის რაოდენობას, რომელიც შედის უჯრედებში. ის ბუნებრივად გვხვდება სხვადასხვა საკვებში, მაგრამ ასევე ხშირად გამოიყენება, როგორც ნატრიუმის ქლორიდი (იგივე სუფრის მარილი).

ურთიერთობა ნატრიუმსა და სხეულის ჰიდრატაციის დონეს შორის შეიძლება საკმაოდ დამაბნეველი იყოს. ერთი მხრივ რეკომენდებულია, ყურადღება მიაქციოთ ნატრიუმის მოხმარებას, რათა თავიდან აიცილოთ დეჰიდრატაცია, მეორე მხრივ კი ნატრიუმი შეიძლება იყოს აუცილებელი ჰიდრატაციისთვის. ამ შემთხვევაში გასათვალისწინებელია ორგანიზმის მოთხოვნილება და საჭიროება.

მნიშვნელოვანია გვახსოვდეს, რომ ის, რაც ჩვენს სხეულს სჭირდება რეჰიდრატაციისთვის, შეიძლება განსხვავდებოდეს სიტუაციიდან გამომდინარე. ზოგჯერ შეიძლება დაგჭირდეთ ერთი ჭიქა წყალი, სხვა დროს კი შეიძლება დაგჭირდეთ ელექტროლიტი, როგორიცაა ნატრიუმი დაკარგული სითხის შესავსებად.

როგორ მოქმედებს ნატრიუმი ჰიდრატაციის დონეზე

ჰიდრატაციის მთავარი დეტალი არის ის, რომ სხეულს სჭირდება წყალიც და ნატრიუმიც სითხის სათანადო ბალანსისთვის, ამიტომ მათმა მეტ-ნაკლებმა მიღებამ შეიძლება გავლენა მოახდინოს ჰიდრატაციის დონეზე. უმეტეს შემთხვევაში, ნატრიუმის საერთო მოხმარებამ შეიძლება გავლენა მოახდინოს იმაზე, თუ რამდენად ხშირად გჭირდებათ რეჰიდრატაცია ნატრიუმის შემცველი სასმელებით. მნიშვნელოვანია სათანადო რეჰიდრატაცია, თუ მუდმივად აქტიური ან სპორტსმენი ხართ.

ადამიანების უმეტესობას დღეში 2300 მგ-ზე ნაკლები ნატრიუმი სჭირდება. ნატრიუმის მოთხოვნილება უფრო მაღალია აქტიური პირებისთვის და სპორტსმენებისთვის. როდესაც ვოფლიანდებით ელექტროლიტი ნატრიუმი იკარგება. ასე რომ, როდესაც სპორტსმენები მუდმივად კარგავენ ნატრიუმს ოფლის მეშვეობით ვარჯიშის ან თამაშების დროს, მათ უნდა შეავსონ დანაკარგი.

როდესაც ადამიანი მხოლოდ ერთი პროცენტით არის დეჰიდრატირებული, მცირდება კოგნიტური ფუნქციები. დეჰიდრატაციის მხოლოდ ორი პროცენტის შემთხვევაში, შეინიშნება ფიზიკური აქტივობის შემცირება.

თუ არ ხართ დარწმუნებული, გჭირდებათ თუ არა თქვენს სხეულს ნატრიუმი ჰიდრატაციისთვის, ყურადღება მიაქციეთ ჰიპონატრიემიასთან დაკავშირებულ სიმპტომებს. ჰიპონატრიემიის ადრეულ ეტაპზე შეიძლება განვითარედეს გულისრევა, თავის ტკივილი, კრუნჩხვები ან ჩვეულებრივზე უფრო მეტად დაღლილობის შეგრძნება, როდესაც არსებობს ჰიპონატრიემიის უფრო სერიოზული შემთხვევა, ამან შეიძლება გამოიწვიოს კრუნჩხვები და გონების დაკარგვა.

ნატრიუმის ჭარბი მოხმარება დაკავშირებულია არტერიულ წნევასთან, გულის დაავადებებთან და ინსულტთან, ამიტომ ძალიან მნიშვნელოვანია საერთო მოხმარების გათვალისწინება. თუ ადამიანი, რომელსაც აქვს ჰიპერტენზია, მოიხმარს ძალიან ბევრ ნატრიუმს, შეიძლება გამოიწვიოს უარყოფითი ეფექტი არტერიული წნევის გაზრდით და, შესაბამისად, შემცირდეს სისხლისა და ჟანგბადის მიწოდება გულში. როცა საქმე ეხება ადამიანებს, რომლებიც ჭარბად ოფლიანობენ ან სპორტსმენებს, მათ, პირიქით, შეიძლება დასჭირდეთ ნატრიუმის მეტი რაოდენობა მათი ოფლის დანაკარგების გამო.

სწორად რეჰიდრატაციისთვის, განსაკუთრებით ოფლიანობის შემდეგ:

იფიქრეთ ზომიერად მარილიანი საჭმლების მიღებაზე.

მიიღეთ ელექტროლიტური სასმელები, რომლებიც შეიცავს ნატრიუმს: დააკვირდით ეტიკეტს მასში უნდა იყოს ნატრიუმის მინიმალური რაოდენობა.